Jeremías 48:2 - Q'eqchi Bible

² Maak'a' chik xloq'al Mohab. Aran Jesbón xe'xk'uub' xsachb'al ru li tenamit Mohab: «Kimqex ut qasachaq ru sa' ruuchich'och'», chankeb'. Jo'kan ajwi' naq tat-oso'q laa'at, a Madmén, ut li raaxiik' junelik yooq chasutb'al.

Li Santil hu

² Eb laj Moab incꞌaꞌ chic teꞌqꞌuehekꞌ xlokꞌal. Eb li xicꞌ nequeꞌiloc re li cuanqueb Hesbón nequeꞌxcꞌu̱b ru chanru nak teꞌrisi xcuanquil joꞌ nimla tenamit. Eb li cuanqueb Madmena teꞌsachekꞌ ruheb. Junelic teꞌsiqꞌuekꞌ re xcamsinquileb.

Jeremías 48:2 ပူးပေါင်းရင်းမြစ်များ

Jeremías 31:36

“Wi sa' junaq kutan li saq'e, li po ut eb' li chahim ink'a' chik te'ab'inq chiwu, sa' ajwi' li kutan a'an moko intenamitaq ta chik laj Israel -chan li Qaawa'-.

Isaías 16:14

Ut anaqwan li Qaawa' naxye chi jo'ka'in: “Sa' oxib' chihab', jo' xchihab' li nakutanib'k, eb' laj Mohab taasache'q li xwankileb'. Us ta jwal naab'aleb', ab'anan jun ch'ina ch'uuteb' aj chik te'kole'q ut maak'a' chik te'ok wi'”.

Números 32:37

Eb' li ralal xk'ajoleb' laj Rubén ke'kab'lak aran Jesbón, Elalé, Kiriatáhin,

Jeremías 49:3

“Yaab'anqex, ex aj Jesbón, xb'aan naq xsache'k li tenamit Ar. Japomaq eere chi yaab'ak, ex aj Rabá, k'ehomaq li q'es ruhil t'ikr cherix, tz'uyinqex ut ayuqex yalaq b'ar sa' xyanqeb' li tz'ak, xb'aan naq li yos Milkón taak'ame'q chi preexil rochb'eeneb' laj tij jo'wi' eb' li xninqal ru winq.

Jeremías 48:45

“Eb' laj eelel te'xik chi tawajenaqeb' chi xkolb'al rib' sa' xmu Jesbón; ab'an x'elk chaq jun xam aran Jesbón, sa' rochoch laj Sijón, li awab'ej, ut xk'ateb' li xtzuulul Mohab, a'an jun tenamit q'etq'et ut aj po'ol ch'oolej.

Jeremías 48:42

Taajuk'manq xwankil Mohab ut moko tenamit ta chik tkanaaq, xb'aan naq xq'etq'eti rib' chiwu laa'in li Qaawa'.

Jeremías 48:17

Chiraho'q eech'ool chirix Mohab, laa'ex li wankex chi xsutam ut nekexnawok ru; yaab'anqex chirix ut yehomaq: «Xtoqe'k li kawil che' a'in, x'oso'k li xwankil ut li xloq'al Mohab», cha'qex.

Jeremías 46:28

At Jakob, aj k'anjelat chiwu, matxiwak -chan li Qaawa'-, xb'aan naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Jeremías 33:24

“Ma ink'a' nakawab'i naq eb' li poyanam neke'xye naq xintz'eqtaanaheb' li wiib' teep chi tenamit insik'om ru, a' laj Israel ut laj Judá? Jo'kan naq neke'xtz'eqtaana lintenamit, chi moko neke'ril jo' junaq tenamit.

Jeremías 25:17

Laa'in kink'ul li sek' sa' ruq' li Qaawa' ut kink'e chi ruk'eb' chixjunileb' li tenamit li kinxtaqla wi' li Qaawa'.

Jeremías 25:15

Li Qaawa', li xYos laj Israel, kixye we: “K'ul li sek' a'in, nujenaq chi b'iin, reetalil linjosq'il, ut k'e chi ruk'eb' chixjunileb' li tenamit b'arwi' tatintaqla.

Isaías 25:10

Li ruq' li Qaawa' taahilanq sa' xb'een li tzuul a'in, ab'an Mohab taayeq'iiq sa' oqej sa' li xna'aj jo' naq nayeq'iik li k'im sa' mul.

Isaías 15:5

Naraho'k linch'ool chirix Mohab; eb' li wankeb' aran xkoheb' eelel toj Sohar, Eklat-Selisiyá. Naq yookeb' chi taqsink Luhit, k'ajo'eb' li xyaab', neke'ruk' wi' li xya'al ruheb' naq yookeb' chi xik Joronáhin.

Isaías 15:1

A'an a'in jun li esil chirix Mohab. Chiru jun q'oqyink ajwi' xsache'k li tenamit Ar ut Kir, ut ch'anch'o xkanaak li na'ajej Mohab.

Jeremías 49:37

Tink'eheb' chi xiwak eb' laj Elam chiruheb' li xik' neke'ilok reheb', a'eb' li neke'ajok xkamsinkileb'; ut tink'am chaq li rahilal sa' xb'eeneb', a' li xxamlel linjosq'il -chan li Qaawa'-.