Jeremías 48:13 - Q'eqchi Bible

¹³ Toja' naq Mohab taaxutaanaq xb'aan laj Kemós, li xyos, jo' naq ke'xutaanak eb' laj Israel xb'aan Betel, li q'axal ke'xkawu wi' xch'ooleb'.

Li Santil hu

¹³ Saꞌ eb li cutan aꞌan eb laj Moab teꞌxuta̱na̱k xban nak queꞌxcꞌojob xchꞌo̱leb riqꞌuin laj Quemos lix dioseb joꞌ nak eb laj Israel queꞌxuta̱na̱c xban lix dioseb li cuan Bet-el, li queꞌxcꞌojob cuiꞌ xchꞌo̱leb.

Jeremías 48:13 ပူးပေါင်းရင်းမြစ်များ

Jeremías 48:39

K'ehomaq reetal chanru xkanaak Mohab, xiwajel chik rilb'al. Xjipi rib' ut xutaanal xkanaak; tz'eqtaananb'il aj chik xb'aaneb' chixjunileb' li wankeb' chi xsutam.

Isaías 45:16

Sachsooqeb' xch'ool te'kanaaq laj yiib'ahom jalanil yos, te'kub'siiq xwankil ut te'se'eeq.

Jueces 11:24

Ma ink'a' tab'i' ak wank aawe chixjunil li ch'och' li kixsi aawe laj Kamós laayos? Jo'kan ajwi' laa'o. Chixjunil li kixsi qe li Qaawa' li qaYos chi qeechani, a'an qe laa'o.

Jeremías 48:46

Ra chaalel sa' aab'een, a Mohab! Oso'jenaqat chik, at tenamit Kamós: xe'isiik eb' laawalal aak'ajol sa' li xna'ajeb' ut xe'k'ame'k chi preexil.

Jeremías 48:7

“At Mohab, laa'at xak'ojob' laach'ool rik'in laab'ihomal ut laab'aanuhom, ab'anan tat-eechaniiq ajwi' laa'at. Laj Kamós, laayos, taak'ame'q chi preexil rochb'eeneb' laj tij ut li xninqaleb' ru winq.

Isaías 45:20

“Ch'utub'omaq eerib' ut kimqex wik'in; jilonqex chink'atq jo'k'ihalex li ink'a' xsache'k eeru sa'atqeb' li tenamit. Maak'a'eb' xna'leb' li neke'b'eresink li che'ilyos, ut neke'elajink chiru junaq yos li ink'a' nakolok.

Isaías 16:12

Us ta te'xtawasi rib'eb' laj Mohab chi taqsink toj sa' xb'eeneb' li tzuul ut te'tijoq aran jo' ajwi' sa' li xtijob'aaleb', maak'a' rajb'al naq te'tz'aamanq te'elajinq.

Isaías 2:20

Sa' li kutan a'an te'xrumi eb' li jalanil yos chiruheb' li ch'o ut chiruheb' laj tz'uum xik', a'eb' li yos xe'xyiib' rik'in oor ut plaat re xloq'oninkileb' ru.

1 Reyes 18:40

Toja' naq laj Elías kixye reheb': “Chapomaqeb' li xpropeet laj Bahal, ut maajun reheb' chi'eleliq”. Ke'chapmank, ut laj Elías kixk'ameb' sa' li nima' Kisón ut aran kixkamsiheb' chi ch'iich'.

1 Reyes 11:7

Chiruheb' li kutan a'an, laj Salomón kixk'e chi yiib'aak x'artalil laj Kamós, xtz'eqb'eetalil yos eb' laj Mohab, aran sa' xb'een li tzuul li wank chi xk'atq Jerusalén. Kixk'e ajwi' chi yiib'aak x'artalil laj Milkón, xtz'eqb'eetalil yos eb' laj Amón.

1 Reyes 11:33

Xb'aan naq laj Salomón xinxtz'eqtaana ut x'ok chi xloq'oninkil ru lix Astarté, xyoseb' laj Sidón, laj Kamós, xyoseb' laj Mohab, ut laj Milkón, xyoseb' laj Amón, ut ink'a' chik nab'eek sa' tiikilal chiwu, ink'a' chik naxpaab' li waatin ut linchaq'rab', jo' kixb'aanu laj David li xyuwa'.

Jeremías 48:12

“Ab'anan chalk re xkutankil naq laa'in tintaqlaheb' chaq laj jalonel xna'aj li b'iin: te'yamtesiiq xsa'eb' li kuk ut te'puk'iiq chi junwaakaj -chan li Qaawa'-.

2 Crónicas 25:15

K'ajo' naq kijosq'o'k li Qaawa' rik'in laj Amasías, ut kixtaqla chaq jun li propeet re xyeeb'al re: “K'a'ut naq xak'e cho'q aaYos li xyoseb' li tenamit a'an li ink'a' xe'ruhank chi xkolb'aleb' sa' laawuq' li xpoyanameb'?”.