Jeremías 48:10 - Q'eqchi Bible

¹⁰ Tz'eqtaananb'ilaq li ani naxq'ema rib' chi xb'aanunkil li xk'anjel li Qaawa'! Tz'eqtaananb'ilaq li ink'a' naraj okenk chi kamsink!

Li Santil hu

¹⁰ (Tzꞌekta̱nanbilakeb li incꞌaꞌ nequeꞌxqꞌue xchꞌo̱l chixba̱nunquil lix cꞌanjel li Dios. Tzꞌekta̱nanbilakeb li incꞌaꞌ teꞌoque̱nk chi camsi̱nc nak taklanbileb xban li Ka̱cuaꞌ.)

Jeremías 48:10 ပူးပေါင်းရင်းမြစ်များ

1 Reyes 20:42

Toja' naq li propeet kixye re li awab'ej: “Jo'ka'in xye li Qaawa': «Xb'aan naq xakanab' chi xik li winq xinteneb' kamk sa' xb'een, laa'at tatkamq cho'q reeqaj a'an, ut taasache'q ru laatenamit cho'q reeqaj li xtenamit a'an»”.

1 Samuel 15:3

Ayu anaqwan ut rahob'tesiheb' laj Amalek. Chaq'axtesiheb' chi oso'k rochb'eeneb' chixjunil li reechanihomeb'. Maawil xtoq'ob'aal ruheb', chakamsi b'an chixjunileb', jo' winq ut ixq, eb' li kok'al ut eb' li k'uula'al, eb' li b'ooyx ut eb' li karneer, eb' li kameey ut eb' li b'uur»”.

Jueces 5:23

Majewahomaq Merós, chan li x'ánjel li Qaawa'; majewahomaq, majewahomaq li wankeb' aran, xb'aan naq ink'a' ke'chalk re xtenq'ankil li Qaawa', re xtenq'ankil li Qaawa' jo' neke'xb'aanu li kaweb' rib'.

2 Reyes 13:19

Toja' naq li xtaql li Qaawa' kijosq'o'k chiru li awab'ej ut kixye re: “Wi ta xasak' li ch'och' oob' malaj waqib' sut, laa'at taasacheb' raj ru laj Aram chi junwaakaj! Ab'an anaqwan ox sut ajwi' taaq'ax ruheb' laj Aram”.

1 Samuel 15:9

Ab'anan laj Saúl ut eb' laj puub' ink'a' ke'xkamsi laj Agag ut li xchaab'ilal eb' li xkarneer, chi moko li wakax ninqeb' xtib'el, eb' li xchib'aat ut li k'aru terto xtz'aq. Ink'a' ke'raj xq'axtesinkil chi oso'k. Ka'ajwi' li k'aru tz'eqtaananb'il ut maak'a' na'ok wi' ke'xq'axtesi chi sache'k.

Jeremías 50:25

Li Qaawa' xte li xk'uuleb'aal ut xrisi chaq li taak'anjelaq re risinkil li xjosq'il, xb'aan naq li Nimajwal Yos wank xk'anjel sa' xyanqeb' laj Kaldeha.

Jeremías 47:6

At xch'iich' li Qaawa', toj jo'q'e tatch'anaaq chi kamsink? Ch'ik wi' chik aawib' sa' laawochoch, hilan b'ayaq ut wanqat sa' xyaalal.

1 Reyes 20:39

Ut naq yo chi nume'k li awab'ej, kixjap re chi xyeeb'al: “Laj k'anjel a'in chawu xkoho chi yalok. Naq xinwulak aran, x'elk chaq jun li winq ut xk'e jun chik winq chiwil; xye we: «Il chi us li winq a'in. Wi taa'eleliq chawu, taatoj rik'in laayu'am malaj taatoj rik'in tumin plaat».

1 Reyes 20:40

Ab'anan naq laa'in ninchalk ninxik xb'aan xlaatz'al wu, li winq x'elelik”. Jo'kan naq li awab'ej re Israel kixye re: “Laa'at ajwi' xateneb' li tojb'amaak sa' aab'een. Ut jo'kan ajwi' taak'ul jo' xaye”.

Jeremías 11:3

Taaye reheb' sa' ink'ab'a' laa'in li Qaawa', li xYos laj Israel, naq majewanb'ilaq li ani ink'a' tixpaab' li raatinul li Sumwank a'in.

Jeremías 47:7

Ab'anan, chanru naq taach'anaaq wi li Qaawa' xtaqlank re chi xsachb'al Askalón jo'wi' chixjunileb' li poyanam wankatqeb' chire li palaw?

Jeremías 50:27

Kamsihomaq chixjunileb' laj puub' ut sachomaq ruheb' jo'eb' li wakax. Rahilal xchalk sa' xb'eeneb' xb'aan naq xwulak xkutankil li xrahob'tesinkileb'.

Josué 10:19

Ab'an laa'ex meekanab' xik chirixeb' li xik' neke'ilok eere ut cheram li xb'eheb' re naq ink'a' te'ok sa' li xtenamiteb', xb'aan naq li Qaawa' leeYos xk'eheb' sa' leeruq'”, chan.