Jeremías 47:5 - Q'eqchi Bible

⁵ Eb' laj Gasa te'xjo xjolomeb' xb'aan li rahilal ut mem te'kanaaq eb' laj Askalón. Ut laa'ex li rela' eb' li winq ninqeb' xteram, toj jo'q'e teekanab' xlet'exinkil ru leetib'el?

Li Santil hu

⁵ Eb li cuanqueb Gaza teꞌxbes li rismal xjolomeb xban xrahil xchꞌo̱leb. Eb laj Ascalón incꞌaꞌ chic teꞌecꞌa̱nk. ¿Jokꞌe te̱canab xsetbal le̱ tibel retalil xrahil e̱chꞌo̱l?

Jeremías 47:5 ပူးပေါင်းရင်းမြစ်များ

Jeremías 48:37

Chixjunileb' xe'xjo li xjolomeb' ut li xmacheb'; xe'xsetatq xsa' li ruq'eb' ut xe'xk'e q'es ruhil t'ikr chirixeb'.

Jeremías 25:20

Kink'e ajwi' reheb' chixjunil li k'iila paay chi poyanam wankeb' aran; kink'e reheb' chixjunil li awab'ej sa' xteepal Us, ut chixjunileb' li wankeb' sa' xsutam Filistea: sa' li tenamit Askalón, Gasa, Ekrón ut Asdod;

Miqueas 1:16

At tenamit Jerusalén, b'es laawismal xb'aan li rahilal sa' xk'ab'a'eb' laawalal aak'ajol li nakaraheb'. Jo laajolom, kama' li xjolom li t'iw taakanaaq, xb'aan naq eb' laawalal aak'ajol te'k'ame'q sa' ab'l tenamit chi najt aawik'in”.

Jeremías 41:5

ke'wulak kaak'aal chi winq aj Sikem, aj Siló ut aj Samaria. Job'il chaq li xmacheb', q'ichilkeb' li raq' ut k'ajo' xtiq'ilaleb'. Ke'xk'am chaq li ru eb' li awimq ut li k'ajpom re xyeechi'inkil sa' rochoch li Yos.

San Marcos 5:5

Ut rajlal, chi q'eq ut chi kutan, nawank chaq sa'atqeb' li muqleb'aal kamenaq ut chiruheb' li tzuul, naxjap chaq re ut naxtiq'ihatq rib' chiru pek.

Ezequiel 25:16

Jo'kan naq laa'in, li Qaawa', ninye chi jo'ka'in: Tintaqsi li wuq' chi xrahob'tesinkileb' laj Filistea; tinsach ruheb' laj Keret jo' ajwi' li xe'kole'k chire li palaw.

Ezequiel 7:18

Te'xk'e q'es ruhil t'ikr chirixeb' chi k'ajo'aqeb' xxiw; numtajenaqaq xxutaan ut joob'ilaq chik li xjolomeb'.

Jeremías 47:4

Xwulak xkutankil xsachb'al ruheb' laj Filistea, naq te'oso'q chixjunileb' li neke'tenq'ank re Tiro ut Sidón”. Li Qaawa' tixjuk' xwankileb' laj Filistea, li jo'k'ihaleb' ke'chalk Kreta, chire li palaw.

Jeremías 47:1

A'an a'in li aatin kixye li Qaawa' re laj Jeremías, li propeet, chirixeb' laj Filistea, naq toj maji'aq na'eechaniik Gasa xb'aan laj Parahón.

Jeremías 16:1

Li Qaawa' kixye we chi jo'ka'in:

Isaías 15:2

Eb' li wankeb' Dibón xkoheb' chi yaab'ak sa' li tijob'aal wank chi tzuul; ut eb' laj Mohab xyot'e'k xch'ooleb' xb'aan li nimla rahilal li xe'xk'ul li tenamit Nebo ut Mádaba. Chixjunileb' xe'xjo li rismal xjolomeb' ut li xmacheb'.

1 Reyes 18:28

Eb' a'an q'axal kaw wi' chik ke'xjap re chi xpatz'b'al li xk'ab'a'; ke'xjisihatq li xtib'eleb' chi ch'iich' ut chi jutz' che' jo' k'aynaqeb' xb'aanunkil, toj reetal ke'nujak chi kik'.

Jueces 1:18

Eb' laj Judá ke'reechani Gasa ut li xsutam, Askalón ut li xsutam, Ekrón ut li xsutam.

Deuteronomio 14:1

“Laa'ex ralal xk'ajol li Qaawa' leeYos. Ink'a' teelet'exi leetib'el chi moko teejo b'ayaq leepekem yal sa' xk'ab'a' junaq kamenaq.

Levítico 21:5

“Ink'a' naru te'xb'es rismaleb' li xjolom, chi moko te'xk'os li xmacheb', chi moko te'xlet'exi xcha'aleb' li xjunxaqalil,

Levítico 19:28

“Meelet'exi leetib'el sa' xk'ab'a' junaq kamenaq chi moko chek'e junaq eetalil chiru leetib'el. Laa'in li Qaawa'.

Jeremías 16:6

Sa' li tenamit a'in te'kamq eb' li kok' ut ninqi poyanam, ut maajun reheb' taamuqe'q. Ink'a' taawanq rahil ch'oolejil; maajun taayaab'aq chirixeb' chi moko te'xjo li xjolomeb'.