Jeremías 46:6 - Q'eqchi Bible

⁶ Moko te'ruuq ta elelik eb' li kaw neke'aanilak chi moko te'kole'q li jwal kaw rib'eb': sa' xjayal releb'l iq', chire li nima' Éwfrates, xe'tichk'ok ut xe't'ane'k.

Li Santil hu

⁶ Eb li nequeꞌa̱linac chi cau incꞌaꞌ naru teꞌe̱lelik, chi moco li cauheb rib. Saꞌ li norte chire li nimaꞌ Éufrates xeꞌxtich li rokeb ut xeꞌtꞌaneꞌ.

Jeremías 46:6 ပူးပေါင်းရင်းမြစ်များ

Daniel 11:19

Toja' naq li awab'ej re Siria taasutq'iiq sa' li xtenamit, sa'eb' li kawub'resinb'il ochoch; ab'anan taaq'axe'q ru ut taakamq chi maajun chik taatawoq re.

Jeremías 46:12

Eb' li xninqal ru tenamit neke'xnaw chik naq xsache'k laawankil, ut chixjunileb' xe'rab'i naq jap aawe chi yaab'ak; jun aj puub' naxpik'a rib' rik'in li jun chik ut chi xkab'ichaleb' neke't'ane'k chiru ch'och'”.

Jeremías 50:32

At q'etq'et aj tenamit, tattichk'oq, tatt'ane'q ut maajun taawaklesinq aawe. Tink'at chixjunileb' laatenamit ut li xam tixsach jo'ch'inal jo'nimal li wank chasutam”, chan li Qaawa'.

Jeremías 46:16

Eb' laasoldaad xe'tichk'ok ut xe't'ane'k chiru ch'och' ut neke'xye chirib'ileb' rib': «Wakliiqo ut sutq'iiqo sa' li qana'aj, sa' li tenamit yo'lajenaqo wi'; eleliqo chiru li xnimal kamsink a'in», chankeb'.

Jeremías 46:10

A'anaq xkutankil li Nimajwal Yos, naq taa'eeqajunq sa' xb'eeneb' li xik' neke'ilok re. Li q'esnal ch'iich' taasachoq toj reetal taak'ojlaaq xch'ool ut toj taaruk' xkik'eleb' li xe't'ane'k. Xb'aan naq nimla kamsink tixb'aanu li Nimajwal Yos chire li nima' Éwfrates, sa' li na'ajej wank sa' xjayal releb'l iq'.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Jeremías 20:11

Ab'an laa'at, at Qaawa', wankat wik'in jo' junaq aj yalonel li q'axal kaw rib'. Eb' li xik' neke'ilok we te'oso'q ut ink'a' te'ruuq xq'axb'al wu; ink'a' us te'elq, se'enb'ilaqeb' chi junelik, ut junelik taajultikamanq naq xe'kanaak sa' xutaan.

Jeremías 6:1

Ex ralal xk'ajol laj Benjamín, elenqex chaq sa' li tenamit Jerusalén! Yaab'asihomaq li pur aran Tékoha, taqsihomaq li eetalil aran Bet-Keren, xb'aan naq chalk chaq re jun nimla rahilal ut raaxiik' sa' xjayal releb'l li iq'.

Jeremías 4:6

Taqsihomaq li eetalil sa' xjayal Sión ut ayuqex sa' aanil chi elelik chi maak'a'aq hilank». Xb'aan naq taachalq chaq li rahilal sa' xjayal releb'l iq'; nimla sachok ut raaxiik' tink'am chaq aran.

Jeremías 1:14

Toja' naq li Qaawa' kixye we: “Relik chi yaal naq sa' xjayal releb'l iq' taachalq li rahilal sa' xb'een chixjunil li tenamit a'in.

Isaías 8:15

Naab'aleb' li te'tichk'oq, te't'ane'q ut kok'putz' te'kanaaq; naab'aleb' li te'chape'q sa' li ra'al”.

Eclesiastés 9:11

Wank jun chik xwil laa'in sa' ruuchich'och': naq maawa' li jwal seeb'eb' neke'eechanink re li maatan sa' li aanilak, chi moko li q'axal kaweb' rib' neke'q'axok u sa' li yalok. Wan naq li wankeb' xna'leb' ink'a' neke'xtaw xtzekemqeb'; wan naq li seeb'eb' xk'a'uxl ink'a' neke'b'ihomo'k, ut eb' li tzolb'ileb' chi us ink'a' neke'k'ule'k chi chaab'il. Xb'aan naq xtaw xhonal xk'ulb'al li ch'a'ajkilal cho'q reheb'.

Salmos 27:2

Naq neke'chalk sa' inb'een laj b'aanuhom maa'usilal ut eb' li xik' neke'ilok we neke'raj insachb'al, eb' a'an chik te'tichk'oq ut te't'ane'q.

Daniel 11:22

Eb' laj puub' li xik' neke'ilok re te'eleliq ut te'sache'q ru; jo'kan ajwi' laj jolominel sik'b'il ru taakamsiiq.

2 Reyes 23:29

Sa'eb' li kutan a'an laj Parahón Nekó, awab'ej re Ejiipt, koho sa' xjayal li nima' Éwfrates re xtenq'ankil li awab'ej re Asiria. Toja' naq li awab'ej Josías koho chi yalok rik'in, ab'anan naq laj Nekó kiril a'an, tikto kixkamsi sa' li na'ajej Mejido.

2 Reyes 24:7

Chalen sa' li kutan a'an li awab'ej re Ejiipt ink'a' chik ki'elk chi yalok, xb'aan naq li awab'ej re Babilonia ak reechanihom chixjunil li na'ajej chalen wan wi' li nima' re Ejiipt toj chire li nima' Éwfrates.