Jeremías 46:4 - Q'eqchi Bible

⁴ B'ak'omaq rix leekawaay ut taqenqex, laa'ex li nekexb'eek chirixeb'. K'ehomaq li nekekol wi' leejolom, mesomaq ru leejutz'ch'iich' ut k'ehomaq li nekekol wi' re leech'ool.

Li Santil hu

⁴ Cauresihomak le̱ cacua̱y ut takenkex chirixeb. Chapomak le̱ naꞌaj ut cua̱nk le̱ punit chꞌi̱chꞌ saꞌ e̱jolom. Cauresihomak le̱ la̱ns ut qꞌuehomak che̱rix le̱ rakꞌ chꞌi̱chꞌ re pletic.

Jeremías 46:4 ပူးပေါင်းရင်းမြစ်များ

Jeremías 51:3

Me'xyu' rix li simaj eb' laj puub' chi moko che'xkawu xch'ool rik'ineb' li xkoleb' ch'iich'. Me'ril xtoq'ob'aal ruheb' li saaj winq aj Babilonia ut che'xsach ru chixjunileb' laj puub'.

Ezequiel 21:28

“At kaamel winq, aatinan sa' ink'ab'a' ut ye reheb' laj Amón li neke'xse'e eb' laj Israel: «Li q'esnal ch'iich' ak q'esnanb'il ut ak yo'oon wank re kamsink; ak lemtz'unb'il ru re naq replotq rilb'al naq taasachoq».

Nehemías 4:16

Chalen sa' li kutan a'an ka'aj chik jun xyiijacheb' li winq ke'okenk chi k'anjelak; li jun yiijach chik wankeb' xjutz' che', xkoleb', xna' xsimajeb' ut xramleb' chire xch'ooleb'. Ut eb' laj jolominel ke'xk'e xkawub' xch'ool jo'k'ihaleb' laj Judá yookeb' xwaklesinkil li suttz'ak.

2 Crónicas 26:14

Laj Osías kixyiib' xkolb'aleb' rib' li junjunq chi aj puub', xjutz' ch'iich'eb', li xkolb'aleb' li xjolom, li xkolb'aleb' re xch'ool, eb' li simaj ut li jok' re kutuk pek.

1 Samuel 17:38

Chirix chik a'an laj Saúl kixtaqla xtiqib'ankil laj David rik'in ajwi' li raq' ch'iich'; kixk'e jun punit ch'iich' sa' xjolom ut jun xramleb' re xch'ool.

1 Samuel 17:5

Laj Goliat wank chi xjolom jun punit yiib'anb'il rik'in q'anch'iich', ut jun xkoleb' re xch'ool tz'ulb'il rik'in q'anch'iich', o'k'aal chi liib'r tana li raalal.

Jeremías 51:11

Q'esnaaq ru'uj leesimaj ut kawresihomaq leech'iich' li nekekol wi' re leech'ool. Li Qaawa' xtoch' chaq li xch'ooleb' li awab'ej re Media re naq te'chalq chi xsachb'al ru Babilonia. A'an a'in li reeqaj tixb'aanu li Qaawa' naq ke'xjuk' li xsantil ochoch.

Joel 3:9

Yehomaq resil a'in sa' chixjunileb' li tenamit: Kawresihomaq eerib' chi yalok sa' xk'ab'a' li Qaawa', ch'utub'omaqeb' li jwal kaweb' rib'; chalqeb' chixjunileb' li yo'oon wankeb' chi yalok.

Isaías 8:9

Ch'utub'omaq eerib', ex tenamit, chi yooq leexiw. Ab'ihomaq, ex najtil poyanam: kawresiiq eerib', ab'an taaq'axe'q eeru; yo'oon wanqex chi yalok, ab'an texsache'q ajwi'.

Jeremías 46:14

“Yehomaq li esil a'in sa' li tenamit Ejiipt ut puktesihomaq resil aran Mikdol, Menfis ut Tafnes: «Kawresihomaq eerib' ut xaqlinqex xb'aan naq yo li kamsink chesutam!».