Jeremías 45:5 - Q'eqchi Bible

⁵ Maak'a' aj e naq yookat xsik'b'al xnimal aawankil. Maasik' chik, xb'aan naq ok we chi xtaqlankil xninqal rahilal sa' xb'eeneb' chixjunileb' li poyanam. A'ut laa'at tinkol laayu'am, a' yaal b'ar tatxik. Laa'in, li Qaawa', ninyehok re a'in»”.

Li Santil hu

⁵ Ma̱cꞌaꞌ aj e nak ta̱sicꞌ a̱cuanquil. Ma̱ba̱nu aꞌan xban nak la̱in tintakla li raylal saꞌ xbe̱neb chixjunileb li cristian. Ut la̱at, yalak bar tatxic la̱in tatincol. Incꞌaꞌ tatcamsi̱k, chan li Dios.

Jeremías 45:5 ပူးပေါင်းရင်းမြစ်များ

Jeremías 39:18

Laa'in tinkoloq aawe chiru li kamk, ut laa'at tatkanaaq chi yo'yo xb'aan naq k'ojk'o laach'ool wik'in», chan li Qaawa'”.

Hebreos 13:5

Mexrahink li b'ihomal, k'ojk'ooq b'an eech'ool rik'in li k'aru wank eere, xb'aan naq li Yos kixye: “Ink'a' tatinkanab' chi moko tatintz'eq chirix inch'ool”.

Jeremías 21:9

Ani taakanaaq sa' li tenamit a'in, taakamq sa' li yalok, xb'aan li we'ej malaj xb'aan li raxkamk. Ab'an li taa'elq ut tixq'axtesi rib' sa' ruq'eb' laj Kaldeha li yookeb' chi sutuk tenamit, taakole'q, ink'a' taakamq.

Romanos 12:16

Wanqex sa' aatin cherib'il eerib', mexq'etq'eto'k, cherahaq b'an li k'aru kub'enaq xwankil; meek'oxla eerib' chi numtajenaq eena'leb'.

Jeremías 25:26

chixjunileb' li awab'ej wankeb' chaq sa' xjayal releb'l iq', eb' li wankeb' chi nach' jo'wi' li wankeb' chaq chi najt chirib'ileb' rib', ut chixjunileb' li awab'ej li wankeb' junsut junrub'el choxa. Ut li awab'ej re Babilonia taa'uk'aq sa' xraqik.

Sofonías 3:8

Jo'kan naq chineeroyb'eni wan laa'ex sa' li kutan a'an, chan li Qaawa', naq tinchalq chi raqok aatin sa' eeb'een. Tinch'utub'eb' li tenamit ut eb' li awab'ej re xkutb'al linjosq'il sa' xb'eeneb', jo' ajwi' re xk'utb'al jo'nimal li naxamnak wi' li waanm. Ut chixjunil li ruuchich'och' taasache'q xb'aan linjosq'il.

Jeremías 38:2

“Jo'ka'in xye li Qaawa': «Li ani taakanaaq sa' li tenamit a'in taakamsiiq chi q'esnal ch'iich', malaj taakamq xb'aan li we'ej malaj ut xb'aan li raxkamk. Ab'an li taa'elq ut tixq'axtesi rib' sa' ruq'eb' laj Kaldeha, a'an tixkol li xyu'am ut us taa'elq».

2 Reyes 5:26

Ab'an laj Eliseo kixye wi' chik re: “Ma ink'a' tab'i' aawochb'een linmusiq' naq jun li winq xkub'eek sa' li xb'eleb'aal ch'iich' re chalk chak'ulb'al? Ma xq'ehil anaqwan re k'uluk tumin ut re loq'ok aq'ej, awimq oliiw ut uub', karneer, b'ooyx ut aj k'anjeleb' winq ut ixq?

Génesis 6:12

Li Yos kiril li ruuchich'och' ut kixk'e reetal naq yib'eetal aj chik ru, xb'aan naq chixjunileb' li tenamit junes li maa'usilal neke'xb'aanu sa' ruuchich'och'.

Isaías 66:16

Relik chi yaal naq li Qaawa' taaraqoq aatin rik'in xam; taaraqoq aatin rik'in q'esnal ch'iich' sa' xb'eeneb' chixjunil li poyanam, ut naab'aleb' li te'sache'q ru xb'aan li Qaawa'.

1 Reyes 3:9

Nintz'aama b'i' chawu naq taak'e taxaq inna'leb' re xb'eresinkil laatenamit ut re xnawb'al b'ar wank li us ut li ink'a' us. Xb'aan naq ani taaruhanq chi xk'amb'al xb'e li tenamit a'in li k'ajo' xk'ihaleb'?”.

1 Reyes 3:11

Toja' naq li Qaawa' kixye re: “Xb'aan naq ink'a' xatz'aama chiwu xnajtil roq laayu'am, chi moko aab'ihomal chi moko xkamikeb' li xik' neke'ilok aawe, xatz'aama b'an aachaab'il na'leb' re ab'ink ut awab'ejink sa' tiikil ch'oolej,

Salmos 131:1

B'ich re li taqsink. Xsaalm laj David. At Qaawa', ink'a' ninnimob'resi wib' chi moko ninq'etq'eti wib'. Ink'a' ninsik' xninqal ru na'leb' chi moko k'a' re ru jwal ch'a'aj cho'q we.

Jeremías 25:31

Li xyaab' xkux li Qaawa' taa'ab'imanq xb'aaneb' chixjunil li poyanam, toj sa' xmaril li ruuchich'och', xb'aan naq li Qaawa' ok re chi xjitb'al chixjunileb' li poyanam; A'an taaraqoq aatin sa' xb'een chixjunileb' li tenamit ut tixsach ruheb' chi ch'iich' li ink'a' useb' xna'leb', chan li Qaawa'»”.

Jeremías 25:15

Li Qaawa', li xYos laj Israel, kixye we: “K'ul li sek' a'in, nujenaq chi b'iin, reetalil linjosq'il, ut k'e chi ruk'eb' chixjunileb' li tenamit b'arwi' tatintaqla.

Jeremías 25:16

Naq te'ruk' li b'iin, te'xxa'wa rib' ut taakaano'q ruheb' xb'aan li raaxiik' tintaqla chaq sa' xb'eeneb'”.