Jeremías 44:2 - Q'eqchi Bible

² “Jo'ka'in xye li Nimajwal Yos, li xYos laj Israel: «Laa'ex xeril rik'in leeru chixjunil li rahilal kinb'aanu re Jerusalén ut sa' chixjunileb' li tenamit sa' xteepal Judá. Anaqwan po'lem aj chik, maajun chik wank aran,

Li Santil hu

² Li nimajcual Dios, lix Dioseb laj Israel quixye chi joꞌcaꞌin: —La̱ex xeqꞌue retal li raylal li xinqꞌue saꞌ xbe̱n li tenamit Jerusalén ut saꞌ xbe̱neb li tenamit li cuanqueb Judá. Anakcuan jucꞌbileb chic ut ma̱cꞌaꞌ cuan saꞌ eb li tenamit aꞌan.

Jeremías 44:2 ပူးပေါင်းရင်းမြစ်များ

Jeremías 34:22

Laa'in tinsutq'isiheb' chaq wi' chik ut te'chalq chi xsachb'al Jerusalén; te'reechani ut te'xk'e xxamlel. Ut nakirirnak te'kanaaq chixjunileb' li tenamit sa' xteepal Judá ut maajun chik poyanam taawanq chisa'”, chan li Qaawa'.

Jeremías 9:11

“Jun tuub' chi pek tinsutq'isi wi' Jerusalén, cho'q xna'ajeb' laj xojb'; nakirirnak tinkanab' chixjunileb' li tenamit sa' xteepal Judá ut maajun chik taakanaaq chisa'”.

Isaías 6:11

Ut laa'in kinpatz' re: “Jo'q'e taak'ulmanq a'an, at inQaawa'?”, chankin. Ut a'an kixye we: “Toj reetal te'juk'manq eb' li tenamit ut maajun chik poyanam wanqeb' chisa'; toj te'oso'q chixjunileb' li winq sa'eb' li ochoch ut nakirirnak te'kanaaq eb' li k'aleb'aal,

Miqueas 3:12

Jo'kan utan, eemaak laa'ex naq Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos.

Jeremías 4:7

Ak xwakliik chaq laj sachonel tenamit, jo' jun li kaqkoj x'elk chaq sa' li xsok; chalk re sa' aab'een re xsachb'al laana'aj: nakirirnak te'kanab'aaq eb' laatenamit chi maajunaq chik li poyanam chisa'.

Zacarías 1:6

Li waatin ut eb' linchaq'rab' li kinye chi xtz'uumal reheb' li propeet laj k'anjeleb' chiwu, ma ink'a' tab'i' ke'rab'i leemama' leerixa'an? Ut eb' a'an ke'xyot' xch'ool ut ke'xjal xk'a'uxl ut ke'xye: Li Nimajwal Yos xb'aanu qe jo' x'alaak sa' xch'ool, jo' chanru li qayehom ut qab'aanuhom»”.

Lamentaciones 5:18

Li tzuul Sión nakirnak aj chik; juneseb' aj chik li yak neke'b'eek aran.

Lamentaciones 1:16

Jo'kan naq ninyot'e'k chi yaab'ak, nat'ululnak xya'al li wu, xb'aan naq maajun nak'ojob'ank inch'ool; maa'ani naru nak'ehok xkawub' li waanm. Q'axal ra xe'kanaak eb' li walal ink'ajol, xb'aan naq eb' li xik' neke'ilok qe xe'xq'ax qu.

Lamentaciones 1:1

Toq'ob' xaq ru li tenamit Jerusalén! Xnimal ru tenamit naq kiwank sa' xyanqeb' chixjunil li tenamit, ut k'ajo'eb' li poyanam ke'wank chisa'; ab'an anaqwan xkanaak sa' junaatalil, chanchan aj chik jun xmalka'an xkanaak. Junxil Jerusalén nataqlank sa' xb'eeneb' li tenamit, ut anaqwan a'an chik minb'il ru chi k'anjelak.

Jeremías 44:22

Ab'an li Qaawa' ink'a' chik naxkuy leemaak ut li jo'maajo'il b'aanuhom li ink'a' nawulak chiru; jo'kan naq leena'aj nakirirnak aj chik ut maajun chik wank aran; majewanb'il aj chik ut q'axal xiwajel ru anaqwan.

Jeremías 25:11

Chixjunil li na'ajej a'in taasachmanq ut putz'inb'il taakanaaq. Ut chiru lajeeb' xkaak'aal chihab' chixjunileb' te'k'anjelaq chiru li awab'ej re Babilonia.

Jeremías 7:34

Tinsach li sahil ch'oolejil sa'eb' li tenamit re Judá ut sa'eb' li b'e re Jerusalén; ink'a' chik taa'ab'iiq li b'ichank na'uxk sa' xkutankil li sumlaak. Xb'aan naq nakirirnak taakanaaq chixjunil li na'ajej”.

Isaías 24:12

Junaatal xkanaak li tenamit, ut kok' taq much' xkanaak li okeb'aal.

2 Reyes 21:13

Juntaq'eet tink'e chi xtojb'al xmaakeb' laj Jerusalén, laj Samaria ut eb' li ralal xk'ajol laj Ajab. Tinch'ajob'resi Jerusalén jo' naq naji'e'k ru jun li sek' ut nahupub'aak.

Josué 23:3

Ak eerilom jo'nimal li xb'aanu li Qaawa' leeYos reheb' li tenamit a'in sa' eek'ab'a' laa'ex, xb'aan naq a' li Qaawa' leeYos kiyalok sa' eek'ab'a'.

Deuteronomio 29:2

Laj Moisés kixb'oqeb' ut kixch'utub'eb' chixjunileb' laj Israel, ut kixye reheb' chi jo'ka'in: “Laa'ex ak keril chixjunil li kixb'aanu li Qaawa' aran Ejiipt re laj Parahón, reheb' laj k'anjel chiru ut reheb' chixjunil li xtenamit.

Levítico 26:43

Ab'an li ch'och' taakanab'aaq xb'aaneb' a'an ut tixyal xsahil li hilank naq wanq chi nakirirnak; toja' naq te'xtoj rix li xmaa'usilaleb' xb'aan naq xe'xq'et li waatin ut xe'xtz'eqtaana linchaq'rab'.

Éxodo 19:4

«Ak eerilom chaq k'aru xinb'aanu reheb' laj Ejiipt ut chanru naq xexink'am chaq wik'in jo' sa' xb'een xxik' li nimla t'iw.

Levítico 26:31

po'lem tinkanab' leeninqal tenamit ut tinsacheb' li rochochil leejalanil yos; ink'a' chik taaxik inch'ool chirix leesununkil b'an.

Jeremías 44:23

Chixjunil li rahilal li yookex chi xk'ulb'al chiruheb' li kutan a'in, xchalk sa' eeb'een xb'aan naq xexmayejank k'ajpom chiruheb' li jalanil yos, xexmaakob'k chiru li Qaawa' ut ink'a' xex'ab'ink chiru, chi moko xexwank jo' naxye li raatin, li xtaqlahom ut li xchaq'rab'”.

Daniel 9:12

«Li Qaawa' xb'aanu li yeeb'il chaq chiqix ut chirixeb' laj jolominel qe: xtaqla chaq jun nimla rahilal sa' qab'een ut sa' xb'een Jerusalén, li maajun wa k'ulb'il junsutaq sa' ruuchich'och'.

Jeremías 8:3

Ut q'axal us li kamk chiru li yu'amej cho'q reheb' chixjunil li te'kole'q re a reemaaru aj tenamit a'in, sa'eb' li na'ajej b'arwi' teb'incha'cha'i -chan li Nimajwal Yos-.