Jeremías 43:3 - Q'eqchi Bible

³ A' laj Baruk, ralal laj Nerías, xtakchi'ink chaq aawe re qaq'axtesinkil sa' ruq'eb' laj Kaldeha, re tookamsiiq malaj took'ame'q Babilonia”.

Li Santil hu

³ Laj Baruc li ralal laj Nerías yo̱ chi tacchiꞌi̱nc a̱cue re nak toa̱kꞌaxtesi saꞌ rukꞌeb laj Babilonia re nak toeꞌxcamsi malaj ut toeꞌxcꞌam chi pre̱xil aran Babilonia, chanqueb.

Jeremías 43:3 ပူးပေါင်းရင်းမြစ်များ

Jeremías 43:6

eb' li winq, li ixq, li kok'al, li xrab'ineb' li awab'ej ut chixjunileb' li poyanam li ke'kanab'aak rub'el xwankil laj Kedalías, ralal laj Ajikán ut ri laj Safán, xb'aan laj Nabusaradán, xjolomileb' laj k'aak'alenel. Ke'xch'utub' ajwi' laj Jeremías, li propeet, ut laj Baruk, ralal laj Nerías.

Jeremías 38:4

Toja' naq eb' li xjolomileb' li tenamit ke'xye re li awab'ej: “Tento xkamsinkil li winq a'an, xb'aan naq, rik'ineb' li aatin naxye, naxch'ina xch'ooleb' laj puub' li toj wankeb' sa' li tenamit, ut naxch'ina ajwi' xch'ooleb' chixjunil li poyanam. Li winq a'in ink'a' naxsik' li usilal cho'q re li tenamit, a' b'an li rahilal naxsik'”.

Jeremías 36:26

Chirix chik a'an li awab'ej kixye re laj Jeramiel, li ralal, jo' ajwi' re laj Seraías, ralal laj Asriel, ut re laj Selemías, ralal laj Abdel, naq te'xchap laj Jeremías, li propeet, rochb'een laj Baruk, laj tz'iib'. Ab'an li Qaawa' ak kixmuqeb' chik.

Jeremías 36:10

Laj Baruk koho chiru xneb'aalil li rochoch li Qaawa' li wank taqe'q, chi xk'atq li Ak' Okeb'aal; ut toj sa' li xna'aj laj Kemarías, ralal laj Safán laj tz'iib', kixyaab'asi sa' xxikeb' chixjunileb' li poyanam eb' li raatin laj Jeremías tz'iib'anb'il sa' li b'otb'ookil hu.

Jeremías 36:4

Toja' naq laj Jeremías kixb'oq laj Baruk, ralal laj Nerías, ut kixk'e chixtz'iib'a sa' li b'otb'ookil hu chixjunil li kiyehe'k re xb'aan li Qaawa'.

San Lucas 6:26

“Ra chaalel sa' eeb'een naq chaab'il neke'xye cherix chixjunileb' li poyanam, xb'aan naq jo'kan ajwi' ke'xb'aanu li xna' xyuwa'eb' reheb' li propeet aj b'alaq'.

Salmos 109:4

Jo' reeqaj linrahom, k'ajo' naq nikine'xjit; ab'an laa'in junes tijok ninb'aanu.

Jeremías 32:12

ut xinq'axtesi xkab'ichaleb' re laj Baruk, ralal laj Nerías, ri xmam laj Mahasías, chiru ajwi' laj Janamel, li ralal li wikan, chiruheb' lintestiiw li xe'xjuch' xk'ab'a'eb' sa' xhuhul li ch'och' ut chiru chixjunileb' laj Judá li k'ojk'ookeb' chiru xneb'aalil li rochocheb' laj k'aak'alenel.

Jeremías 41:18

re elk chiruheb' laj Kaldeha, xb'aan naq k'ajo'eb' xxiw. Ke'ok xxiw xb'aan naq laj Ismael, ralal laj Natanías, kixkamsi laj Kedalías, ralal laj Ajikán, li kixaqab'aak xwankil chi xjolominkileb' laj Judá xb'aan li awab'ej re Babilonia.