Jeremías 42:2 - Q'eqchi Bible

² rik'in laj Jeremías, li propeet, ut ke'xye re: “Naqatz'aama jun li usilal chawu: Tijon chiru li Qaawa' laaYos, chiqix laa'o li jun ch'inach'uuto xookanaak. K'ajo' qak'ihal junxil, ut anaqwan yookat chik rilb'al naq ink'a' chik k'iho.

Li Santil hu

² Queꞌxye re laj Jeremías: —Ba̱nu usilal, chacuabi li cꞌaꞌru nakatzꞌa̱ma cha̱cuu. Chattijok chikix chiru li Ka̱cuaꞌ la̱ Dios. Tattijok chikix li joꞌ qꞌuial chic incꞌaꞌ xsacheꞌ ku. Junxil nabalo, abanan anakcuan coꞌxib aj chic xocana, joꞌ yo̱cat chirilbal.

Jeremías 42:2 ပူးပေါင်းရင်းမြစ်များ

Jeremías 36:7

Mare chan naq te'xtz'aama xkuyb'al li xmaakeb' chiru li Qaawa' ut li junjunq tixkanab' xb'aanunkil li maa'usilal, xb'aan naq k'ajo' xjosq'il li Qaawa' sa' xb'een li tenamit a'in”.

Levítico 26:22

Tintaqla chaq eb' li josq' aj xul sa' eeb'een li te'xtiweb' leeralal eek'ajol, te'xt'upi leewakax. Moko k'ihex ta chik texwanq ut nakirirnak taakanaaq li b'e.

Santiago 5:16

Chech'olob'aq b'i' leemaak cherib'il eerib' ut chextijoq cherix cherib'il eerib' re naq texk'iraaq. Li xtij li tiik xch'ool q'axal na'ab'iik, wi na'uxmank chi anchalil ch'oolej.

Hechos 8:24

Kichaq'ok laj Simón, ut kixye: —Chextijoq chiwix chiru li Qaawa' re naq maajun reheb' a k'a'aq re ru a'in chichalq sa' inb'een, jo' xeye.

Lamentaciones 1:1

Toq'ob' xaq ru li tenamit Jerusalén! Xnimal ru tenamit naq kiwank sa' xyanqeb' chixjunil li tenamit, ut k'ajo'eb' li poyanam ke'wank chisa'; ab'an anaqwan xkanaak sa' junaatalil, chanchan aj chik jun xmalka'an xkanaak. Junxil Jerusalén nataqlank sa' xb'eeneb' li tenamit, ut anaqwan a'an chik minb'il ru chi k'anjelak.

Isaías 37:4

Ma ink'a' tawi' xrab'i li Qaawa' laaYos li xyehom li xnimal ru aj k'anjel li xtaqlaak chaq xb'aan laj eechal re, a' li awab'ej re Asiria, re xhob'b'al li yo'yookil Yos? Jwal us raj naq li Qaawa' laaYos taarahob'tesinq re xb'aaneb' li raatin xye. Laa'at tijon chiru li Qaawa' chirixeb' laj Israel li toj yo'yookeb'!»”.

Isaías 1:9

Wi ta li Nimajwal Yos ink'a' xooxkol wiib' oxib'aq, xookanaak raj kama' Sodoom, chanchano raj li tenamit Gomoor.

1 Samuel 12:19

“Chattijoq chiqix laa'o aj k'anjel chawu -chankeb' li tenamit-. Chatz'aama chiru li Qaawa' laaYos, naq ink'a' tookamq, xb'aan naq xqatiq roq li qamaak naq xqapatz' qa'awab'ej”.

1 Samuel 7:8

ut ke'xye re laj Samuel: “Maakanab' tijok chiru li Qaawa' li qaYos, re naq tooxkol sa' ruq'eb' laj Filistea”.

Jeremías 37:20

Ab'i anaqwan li tinye aawe, at awab'ej; chak'e taxaq li nintz'aama chawu: minaataqla chik sa' rochoch laj Jonatán, laj tz'iib', re naq ink'a' tinkamq aran”.

Jeremías 37:3

Laj Sedesías, li awab'ej, kixtaqla laj Jukal, ralal laj Selemías, ut laj Sofonías, ralal laj Mahasías laj tij, re xtz'aamankil a'in chiru laj Jeremías, li propeet: “Tijon chiqix chiru li Qaawa' li qaYos”, chankeb' re.

1 Reyes 13:6

Ut laj Jerobohán li awab'ej kixye re li propeet: “B'aanu usilal, tijon chiwix chiru li Qaawa' laaYos ut tz'aama naq tixk'irtasi li wuq'”. Kitijok li propeet chiru li Qaawa', ut li ruq' laj Jerobohán kik'iraak ut kikanaak jo' naq xwank junxil.

Deuteronomio 28:62

Laa'ex numtajenaqex naq kexwank chaq, jo' xk'ihaleb' li chahim chiru li choxa, ab'anan ink'a' chik k'ihex texkanaaq, xb'aan naq ink'a' xerab'i li xyaab' xkux li Qaawa' leeYos.

Éxodo 8:28

Laj Parahón kixsumeheb': “Texinkanab' chi xik re naq texmayejaq chaq sa' li chaqich'och' chiru li Qaawa' leeYos; ab'an ink'a' jwal najt texxik. Ut chextijoq chaq chiwix”, chan.

San Mateo 24:22

Ut wi ink'a' taak'osmanq li xk'ihaleb' li kutan a'an, maa'ani raj taakole'q; ab'an, sa' xk'ab'a' li sik'b'ileb' ru, taak'osmanq li xk'ihaleb' li kutan a'an.

Ezequiel 12:16

Ab'an wanqeb' teb'inkol chiru li raaxiik', li we'ej ut li yajel, re naq, sa'eb' li tenamit te'wulaq wi', toxe'xseeraq'i chixjunil li xjo'maajo'il b'aanuhomeb', ut te'xnaw naq laa'in li Qaawa'»”.

Jeremías 42:20

Yookex chi xb'alaq'inkil eerib' eejunes, xb'aan naq laa'ex ajwi' xexyehok we: «Tijon chiqix chiru li Qaawa' laaYos, re naq tixk'ut chiqu li b'e tooxik wi' ut k'aru li tqab'aanu».

Jeremías 21:2

“B'aanu usilal, patz'on chiqix rik'in li Qaawa' k'a'ut naq laj Nabukodonosor, li awab'ej re Babilonia, x'ok chi yalok qik'in. Mare anchal tixb'aanu junaq sachb'ach'oolej li Qaawa' re naq tookanab'aaq sa' xyaalal xb'aan laj Nabukodonosor”. Toja' naq li Qaawa' kiraatina laj Jeremías,

Isaías 1:15

Naq neketaqsi leeruq' chi tijok, nintz'ap li xnaq' wu re naq ink'a' texwil. Us ta neketiq roq leetij, laa'in ink'a' nawab'i, xb'aan naq oso'jenaq sa' kik' leeruq': k'ajo'eb' li poyanam kekamsi!

1 Samuel 12:23

Li Yos chitenq'anq taxaq we re naq ink'a' tinmaakob'q rik'in xkanab'ankil tijok cherix laa'ex. Ninye li waatin naq tink'ut cheru li b'e jwal chaab'il ut tiik.

Deuteronomio 4:27

Li Qaawa' texxcha'cha'i sa' xyanqeb' li tenamit ut yal ink'a' chik k'i texkanaaq sa' xyanqeb' li tenamit texxk'am wi' li Qaawa'.

Éxodo 9:28

Chetz'aama chiru li Qaawa' naq chich'anaaq li kaaq ut li saqb'ach; ut laa'in texinkanab' chi xik ut ink'a' chik texwanq arin”, chan.

Jeremías 15:11

At Qaawa', ye we wi ink'a' us xink'anjelak chawu, wi ink'a' xintijok chirixeb' li xik' neke'ilok we, naq yookeb' chaq chi k'uluk rahilal ut rahil ch'oolej.

Jeremías 38:14

Chirix chik a'an laj Sedesías, li awab'ej, kixtaqla xb'oqb'al laj Jeremías, li propeet, re taa'aatinaq rik'in sa' li rox okeb'aal re li rochoch li Qaawa'; ut aran kixye re: “Wank k'aru tinpatz' aawe, ut nintz'aama chawu naq mik'a' aamuq chiwu”, chan re.

Jeremías 40:15

Toja' naq laj Jwan, ralal laj Kareha, kixye re laj Kedalías sa' hasb' aran Mispá: “Laa'in tinxik anaqwan ut toxinkamsi chaq laj Ismael, ralal laj Natanías, ut maajun taanawoq ani xkamsink re. K'a'ut naq tqakanab' laj Ismael re naq tatxkamsi laa'at? Wi tatkamsiiq, te'xcha'cha'i wi' chik rib'eb' laj Judiiy li xule'xch'utub' rib' aawik'in, ut te'oso'q li rela'eb' laj Judá”.

Oseas 8:10

Ab'an us ta tixloq'eb' laj rahol re sa'atqeb' li k'iila tenamit, laa'in tincha'cha'iheb' anaqwan, ut chiru jun k'amok ink'a' chik te'xkuy rub'el xwankileb' li awab'ej ut eb' laj jolominel.

Amós 7:2

Ut naq eb' laj saak' ak xe'raqe'k chi xsachb'al li raxpim, kinye: “At Qaawa' Yos, b'aanu usilal, chakuy qamaak. Chanru naq tqakuy? Xb'aan naq moko k'iho ta laa'o”.

Deuteronomio 28:63

Jo' chanru naq li Qaawa' xsaho'k xch'ool cherusilankil ut chetamresinkil, kama' a'an ajwi' naq taasaho'q xch'ool chetz'eqtaanankil ut eesachb'al. Tex'isiiq chaq sa' li ch'och' ok eere chi reechaninkil.

Salmos 119:170

Chiwulaq ta aawik'in lintz'aamahom; chinaakol taxaq jo' xayeechi'i we.

Isaías 42:20

Naab'al li k'a'aq re ru aawilom, ab'an maajun xataw xyaalal; q'es raj laaxik chi ab'ink, ab'an maak'a' nakawab'i.

Jeremías 2:27

«At inyuwa'», chankeb' re li jun tolol chi che'; «At inna'», chankeb' re li pek. Ut laa'in ink'a' nikine'xpatz' chi moko nikine'xk'oxla. Ab'an naq nachalk junaq rahilal sa' xb'eeneb', neke'xye we: «Kim chi qakolb'al».