Jeremías 42:10 - Q'eqchi Bible

¹⁰ «Wi laa'ex texkanaaq sa' li na'ajej a'in, laa'in tinwaklesi eech'ool ut ink'a' texinrahob'tesi; texink'ojob' sa' leena'aj ut ink'a' chik texinjuk', xb'aan naq naraho'k linch'ool chirix li rahilal xinb'aanu eere.

Li Santil hu

¹⁰ Cui texcana̱k saꞌ li naꞌajej aꞌin ut texcua̱nk saꞌ xya̱lal, la̱in texintenkꞌa ut incꞌaꞌ tinba̱nu raylal e̱re. Texincanab chi cua̱nc saꞌ li naꞌajej aꞌin ut incꞌaꞌ texinqꞌue chi isi̱c. Narahoꞌ inchꞌo̱l xban li raylal li xinba̱nu e̱re.

Jeremías 42:10 ပူးပေါင်းရင်းမြစ်များ

Ezequiel 36:36

Toja' naq eb' li xninqal ru tenamit li wankeb' chesutam, te'xnaw naq laa'in, li Qaawa', xinwaklesink re li juk'b'il naq xwank, ut xin'awk wi' chik sa' li sachb'il na'ajej. Laa'in, li Qaawa', xinye ut tinb'aanu.

Jeremías 31:28

Jo' naq xink'e inch'ool chi sachok, chi juk'uk, chi mich'ok, chi isink ut chi rahob'tesink, jo'kan ajwi' naq yo'oon wanqin chi waklesink ut chi xaqab'ank -chan li Qaawa'-.

Jeremías 24:6

Twileb' chi chaab'il, tink'ameb' chaq wi' chik sa' li xch'och'eb' ut tink'eheb' chi wakliik re naq ink'a' chik te'juk'e'q li xwankil; te'k'ojlaaq wi' chik sa' li xtenamiteb' ut ink'a' chik twisiheb' chisa'.

Joel 2:13

Meepej chik leeraq' ut tehomaq leech'ool chiwu. Sutq'inqex wi' chik rik'in li Qaawa' leeYos, xb'aan naq A'an aj uxtaan ut q'un xch'ool, ink'a' najosq'o'k chi junpaat ut q'axal narahok; jwal ra nareek'a xb'aanunkil li rahilal.

Amós 7:6

Toja' naq li Qaawa' kixjal xk'a'uxl ut kixye: “Chi moko a'in taak'ulmanq”, chan.

Jeremías 33:7

Tinsutq'isiheb' chaq eb' laj Judá ut eb' laj Israel sa' li xna'ajeb' ut tink'ojob'eb' wi' chik sa' li xtenamiteb' re naq te'wanq jo' naq ke'wank chaq junxil.

Jonás 4:2

Jo'kan naq kitijok chiru li Yos: “At Qaawa', a'in tz'aqal li xink'oxla, naq toj wankin chaq sa' lintenamit. Jo'kan naq xwaj elelik chi junpaat toj Tarsis, xb'aan naq ninnaw naq laa'at jun Yos q'axal tuulanat, aj uxtaanat, nim aakuyum ut jwal chaab'ilat. Junelik kawal wankat chi xjalb'al laak'a'uxl ut ink'a' nakataqla li rahilal li xak'oxla xb'aanunkil.

Jonás 3:10

Naq li Yos kiril li yookeb' chi xb'aanunkil eb' li tenamit, naq yookatqeb' chi xkanab'ankil li xmaa'usilaleb', kixjal li xk'a'uxl ut ink'a' chik kixk'eheb' sa' tojb'amaak, jo' chanru kixye reheb' xb'enwa.

Amós 7:3

Toja' naq li Qaawa' kixjal xk'a'uxl ut kixye: “Ink'a' taak'ulmanq a'an”, chan.

Oseas 11:8

“Chanru naq tatinkanab', a Efraín? Chanru naq tatintz'eqtaana, a Israel? Ma tatinsach tab'i' jo' xinb'aanu re li tenamit Admá malaj tinb'aanu ta aawe jo' xinb'aanu reheb' laj Seboín xb'aan li xmaa'usilaleb'? Q'axal nayot'e'k li waanm ut namayok linch'ool chawix.

Éxodo 32:14

Li Qaawa' kiruxtaana ruheb' ut ink'a' kixtaqla li rahilal yeeb'il chaq re li xtenamit.

Hechos 15:16

«Chirix a'in tinsutq'iiq chaq ut tinyiib' wi' chik li xmuheb'aal laj David, a' li t'anjenaq. Tinwaklesi li xpo'lem ut tinkab'la wi' chik,

Jeremías 26:19

“Ma kikamsiik tab'i' laj Mikeas xb'aan laj Esekías, awab'ej re Judá, ut xb'aaneb' chixjunileb' laj Judá? Ink'a'. Li awab'ej kixxiwa ru li Qaawa' ut kixtz'aama xkuyb'aleb' li xmaak. Ut li Qaawa' ink'a' chik kixtaqla chaq li rahilal sa' xb'eeneb' jo' kixk'uub' xb'enwa. A'ut laa'o, wi tqakamsi laj Jeremías, tqateneb' jun nimla maak sa' qab'een”, chankeb'.

Salmos 106:45

Kijultiko'k re li Sumwank kixk'ojob' rik'ineb', ut kixtoq'ob'a ruheb' jo' chanru li xnimal xrahom.

Salmos 102:16

Eb' li poyanam q'axal te'roxloq'i li xk'ab'a' li Qaawa'; te'siksotq xb'aan laaloq'al chixjunileb' li awab'ej sa' ruuchich'och'.

Salmos 69:35

Chinimaaq ru li Qaawa' xb'aan li choxach'och'; chinimaaq ru xb'aan li palaw ut chixjunil li nab'ulb'utk chisa'.

Salmos 37:3

Kawaq aach'ool rik'in li Qaawa' ut b'aanu li us, wanqat sa' laana'aj ut chatk'iiq sa' tuqtuukilal;

2 Samuel 24:16

Ut naq li ánjel kixye' li ruq' sa' xb'een Jerusalén re xsachb'al, kiyot'e'k xch'ool li Qaawa' chi xtaqlankil li rahilal a'an, ut kixye re li ánjel li yo chi sachok: “Tz'aqal li xab'aanu. Maarahob'tesiheb' chik”, chan. Sa' li honal a'an li x'ánjel li Qaawa' wank chi xk'atq xch'oxleb'aal laj Arawná aj Jebús.

Jueces 2:18

Naq li Qaawa' naxwaklesi junaq aj k'amol b'e, A'an ajwi' natenq'ank re. Jo' najtil yo'yooq laj k'amol b'e, li Qaawa' naxkoleb' laj Israel sa' ruq'eb' li xik' neke'ilok reheb', xb'aan naq naxtoq'ob'a ruheb' li neke'tz'uyink xb'aaneb' laj rahob'tesinel li neke'numtaak sa' xb'eeneb'.

Deuteronomio 32:36

“Xb'aan naq li Qaawa' tixtenq'a li xtenamit, taaruxtaana ruheb' li xmoos naq taaril chi lajk li xmetz'eweb' ut maak'a'eb' chik aj mun ut aj eechal reheb'.

Jeremías 27:11

Ab'an li tenamit li tixk'e rib' rub'el xwankil li awab'ej re Babilonia ut taak'anjelaq chiru, laa'in tinkanab' chi wank sa' li xna'aj re naq taahilanq aran sa' tuqtuukilal ut taa'awq chiru”, chan li Qaawa'.

Jeremías 43:4

Ut chixjunileb' ke'xq'et li raatin li Qaawa'. Maajun kikanaak sa' xteepal Judá, chi moko laj Jwan, ralal laj Kareha, chi moko eb' li xjolomileb' laj puub'.

Jonás 3:4

Laj Jonás ki'ok chi xtoqb'al ru li tenamit, ut chiru jun kutan japjo re chi xyeeb'al chi kaw xyaab' xkux: “Sa' ka'k'aal kutan taajuk'manq Nínive”.