Jeremías 41:1 - Q'eqchi Bible

¹ Sa' xwuq li po laj Ismael, ralal laj Natanías ut ri laj Elisamá, xkomon li awab'ej, koho rochb'een lajeeb' chi winq chi rula'aninkil laj Kedalías, aran Mispá. Ut naq yookeb' chi wa'ak sa' komonil,

Li Santil hu

¹ Laj Ismael, aꞌan li ralal laj Netanías. Ut laj Netanías, aꞌan li ralal laj Elisama. Laj Ismael, aꞌan xcomoneb li ralal xcꞌajol li rey ut xcomoneb ajcuiꞌ li nequeꞌtenkꞌan re li rey. Saꞌ li xcuuk po re li chihab aꞌan, laj Ismael co̱ Mizpa chi a̱tinac riqꞌuin laj Gedalías. Laje̱b li cui̱nk quixcꞌameb chirix. Yo̱queb chi cuaꞌac saꞌ comonil aran Mizpa.

Jeremías 41:1 ပူးပေါင်းရင်းမြစ်များ

Jeremías 40:8

jo'kan naq koheb' toj Mispá chi rilb'al laj Kedalías. A'aneb' a'in li xk'ab'a'eb': laj Ismael, ralal laj Natanías; laj Jwan ut laj Jonatán, ralaleb' laj Kareha; laj Seraías, ralal laj Tanjumet; eb' li ralal laj Efay, Netofá xtenamit; ut laj Jasanías, ralal jun li winq aj Mahaká, ut chixjunileb' li wankeb' rochb'een.

Jeremías 40:6

Ut laj Jeremías koho sa' rochoch laj Kedalías, ralal laj Ajikán, aran Mispá, ut aran kina'ajunk sa' xyanqeb' li poyanam li ke'kanaak sa' xteepal Judá.

Salmos 41:9

“Wank chik rub'el xwankil li xb'alb'a; jiljo anaqwan, ink'a' chik taawakliiq”, chankeb'.

San Juan 13:18

“Ink'a' nin'aatinak cherix chejunilex. Laa'in ninnaw chi us ani li kinsik'eb' chaq ru; ab'anan tento taatz'aqloq ru li Santil Hu: «Li nawa'ok re linwa xtaqsi li roq ruq' sa' inb'een».

Ezequiel 17:13

Chirix chik a'an kixsik' ru jun xkomoneb' li ralal li awab'ej, kixk'e chi xyeeb'al xjurament ut kixk'ojob' jun sumwank rik'in a'an re naq wanqeb' sa' xyaalal. Kixk'am ajwi' li xninqaleb' ru winq wankeb' sa' li tenamit,

Jeremías 36:20

Ut koxe'xkanab' li b'otb'ookil hu sa' li na'ajej wan wi' laj Elisamá, laj tz'iib'; chirix chik a'an koheb' sa' rochoch li awab'ej, toj chiru neb'aal, ut ke'xseeraq'i re chixjunileb' li aatin.

Jeremías 36:12

koho sa' rochoch li awab'ej, sa' li xna'aj laj tz'iib', ut aran koxtaweb' chi ch'utch'u chixjunileb' laj jolominel re li tenamit: laj Elisamá, laj tz'iib'; laj Delaías, ralal laj Semaías; laj Elnatán, ralal laj Akbor; laj Kemarías, ralal laj Safán; laj Sedesías, ralal laj Ananías, ut wankeb' chik naab'aleb' ninqeb' xwankil.

Proverbios 27:4

Li josq'il nayoob'ank ch'a'ajkilal ut nasachok; ab'an li sowenak maajun nakuyuk re.

Proverbios 13:10

Li q'etq'etil junes raaxiik' naxyoob'; a'ut li chaab'il k'a'uxl wank rik'ineb' li neke'xkub'si xwankil.

Salmos 109:5

Li usilal ninb'aanu naq'ajkamuuk rik'in maa'usilal, ut xik' nikine'ril xb'aan naq ninrahok.

2 Crónicas 22:10

Naq lix Atalía, xna' laj Okosías, kixnaw naq kikamsiik li xyum, koho chi xsachb'aleb' ru chixjunileb' li ralal xk'ajol li awab'ej re Judá.

2 Reyes 25:25

Ab'anan sa' xwuq li po laj Ismael, ralal laj Netanías, ri laj Elisamá, xkomon li awab'ej, kichalk rochb'een lajeeb' chi winq ut kixkamsi laj Kedalías; kixkamsiheb' ajwi' eb' laj Judá ut eb' laj Kaldeha li wankeb' rochb'een aran Mispá.

2 Reyes 11:1

Naq lix Atalía, xna' laj Okosías, kixnaw naq kikamsiik li xyum, koho chi xsachb'aleb' ru chixjunileb' li ralal xk'ajol li awab'ej.

2 Samuel 3:27

Naq laj Abner kisutq'iik chaq Hebrón, laj Johab kixk'am xjunes chire li rokeb'aal li tenamit chanchan wi' ok re chi xyeeb'al junaq aatin sa' hasb', ut aran ajwi' kixtiq' rub'el xsa' ut kixkamsi re xtojb'al rix xkamik laj Asahel li riitz'in.

Jeremías 39:14

ke'xtaqla risinkil laj Jeremías chiru xneb'aalil li rochocheb' laj k'aak'alenel ut ke'xq'axtesi re laj Kodolías, ralal laj Ajikán, ri laj Safán, re naq taak'ame'q wi' chik sa' li rochoch. Jo'kan naq li propeet kikanaak sa' xyanqeb' li wankeb' Jerusalén.

Jeremías 40:5

Ab'anan wi ink'a' taawaj wank wik'in, ayu sa' rochoch laj Kedalías, ralal laj Ajikán ut ri laj Safán, li xxaqab'aak chi xjolominkil li tenamit Judá xb'aan li awab'ej re Babilonia, ut wankat sa' rochoch, sa' xyanqeb' laawech tenamitul. Wanqat b'arwi' tixk'ul laach'ool”. Chirix chik a'an laj Nabusaradán, xjolomileb' laj k'aak'alenel, kixk'e xtzekemq ut xsimaatan; toja' naq kixchaq'rab'i.

Jeremías 40:13

Toja' naq laj Jwan, ralal laj Kareha, ut chixjunileb' li xjolomileb' laj puub' li wankeb' chaq sa' k'iche', ke'chalk rik'in laj Kedalías aran Mispá

2 Reyes 25:22

Laj Nabukodonosor, awab'ej re Babilonia, kixxaqab' laj Kedalías, ralal laj Ajikán, ri laj Safán, chi xjolominkileb' li poyanam ke'kanaak Judá.

Jeremías 40:7

Chixjunileb' li xjolomileb' laj puub' aj Judiiy li wankeb' chaq sa' k'iche', ke'rab'i naq laj Nabukodonosor, li awab'ej re Babilonia, kixxaqab' laj Kedalías, ralal laj Ajikán ut ri laj Safán, chi xjolominkil li tenamit ut kixkanab'eb' sa' ruq' eb' li q'axal neb'a', a'eb' li winq, eb' li ixq ut eb' li kok'al li ink'a' ke'k'ame'k Babilonia;