Jeremías 40:8 - Q'eqchi Bible

⁸ jo'kan naq koheb' toj Mispá chi rilb'al laj Kedalías. A'aneb' a'in li xk'ab'a'eb': laj Ismael, ralal laj Natanías; laj Jwan ut laj Jonatán, ralaleb' laj Kareha; laj Seraías, ralal laj Tanjumet; eb' li ralal laj Efay, Netofá xtenamit; ut laj Jasanías, ralal jun li winq aj Mahaká, ut chixjunileb' li wankeb' rochb'een.

Li Santil hu

⁸ Joꞌcan nak queꞌco̱eb Mizpa chirilbal laj Gedalías. Aꞌaneb aꞌin li queꞌco̱eb: laj Ismael li ralal laj Netanías; laj Johanán ut Jonatán, li cuib chi ralal laj Carea; laj Seraías li ralal laj Tanhumet; eb li ralal laj Efai li netofatita; ut Jezanías li ralal jun laj maacateo. Ut eb lix soldados cuanqueb rochbeneb.

Jeremías 40:8 ပူးပေါင်းရင်းမြစ်များ

Jeremías 42:1

Toja' naq chixjunileb' li xjolomileb' laj puub' rochb'eeneb' laj Jwan, ralal laj Kareha, ut laj Asarías, ralal laj Hosaías, ut chixjunileb' li poyanam, jo' kok' ut ninq, ke'wulak chi aatinak

Deuteronomio 3:14

Laj Yaír, ralal laj Manasés, a'an li kikanaak wi' chixjunil li na'ajej re Argob, toj sa' xnub'ajleb' laj Jesur ut eb' laj Mahaká; a'an li kik'ehok re Basán li k'ab'a'ej li nayeemank toj sa' li kutan a'in: Xk'aleb'aaleb' laj Yaír.)

Jeremías 43:2

laj Asarías, ralal laj Hosaías, ut laj Jwan, ralal laj Kareha, rochb'eeneb' li winq jwal q'etq'eteb', ke'xye re laj Jeremías: “Tik'ti' li yookat chi xyeeb'al qe. Li Qaawa', li qaYos, ink'a' xatxtaqla chaq xyeeb'al qe naq ink'a' tooxik chi wank Ejiipt.

Jeremías 42:8

ut a'an kixb'oq laj Jwan, ralal laj Kareha, rochb'eeneb' li xjolomileb' laj puub' ut chixjunileb' li poyanam, jo' kok' ut ninq,

Jeremías 40:6

Ut laj Jeremías koho sa' rochoch laj Kedalías, ralal laj Ajikán, aran Mispá, ut aran kina'ajunk sa' xyanqeb' li poyanam li ke'kanaak sa' xteepal Judá.

Nehemías 7:26

li xk'ihaleb' laj Belén ut laj Netofá, a'an waqxaqib' xlajeek'aal (188) chi winq;

Esdras 2:22

li xk'ihaleb' laj Netofá, a'an waqlaju roxk'aal (56) chi winq;

2 Samuel 10:8

Eb' laj Amón koheb' chi yalok ut ke'xtzolob' rib'eb' chire rokeb'aal li tenamit. Ut eb' laj Aram re Sobá ut re Rejob jo'wi' eb' laj puub' re Tob ut Mahaká ke'xk'e rib' sa' k'al.

2 Samuel 10:6

Naq eb' laj Amón ke'xk'e reetal naq xik' chik te'ile'q xb'aan laj David, ke'xtoj junmay mil (20,000) aj puub' aj Aram re Bet-Rejob ut re Sobá; jo'wi' lajeek'aal rox o'q'ob' (1,000) aj puub' re li awab'ej re Mahaká ut kab'laju mil (12,000) re li awab'ej re Tob.

Josué 12:5

ut ki'awab'ejink sa' xb'een li tzuul Hermón ut Salká, jo' ajwi' sa' xb'een chixjunil Basán, toj sa' xnub'ajleb' laj Jesur ut laj Mahaká, jo'wi' sa' xb'een li xyiijachil Galahad toj sa' xnub'ajl laj Sijón, awab'ej re Jesbón.

Jeremías 43:5

Laj Jwan, ralal laj Kareha, ut chixjunileb' li xjolomileb' laj puub' ke'xch'utub'eb' laj Judá li toj wankeb' aran, a'eb' li ke'sutq'ije'k chaq sa'eb' li tenamit b'arwi' junxil ke'cha'cha'iik:

Jeremías 40:11

Jo'kaneb' ajwi' eb' laj Judiiy li wankeb' chaq Mohab, Amón, Edom ut sa'atqeb' chixjunil li tenamit ke'xnaw naq li awab'ej re Babilonia kixkanab'eb' laj Judiiy chi wank sa' li xna'ajeb'; ke'xnaw ajwi' naq laj Kedalías kixaqab'aak chi xjolominkileb'.

Jeremías 38:26

laa'at taaye reheb': «Xintz'aama chiru li awab'ej naq ink'a' chik tinxtaqla sa' rochoch laj Jonatán, re naq ink'a' tinkamq aran», cha'qat reheb'”.

Jeremías 37:20

Ab'i anaqwan li tinye aawe, at awab'ej; chak'e taxaq li nintz'aama chawu: minaataqla chik sa' rochoch laj Jonatán, laj tz'iib', re naq ink'a' tinkamq aran”.

Jeremías 37:15

Ut eb' a'an k'ajo' naq ke'josq'o'k rik'in laj Jeremías: ke'xrapi chi tz'uum ut ke'xtz'ap sa' tz'alam, sa' rochoch laj Jonatán, laj tz'iib'.

Esdras 2:2

Ke'sutq'iik chaq rochb'een laj Sorobabel, laj Josué, laj Nehemías, laj Seraías, laj Rehelaías, laj Najamaní, laj Mardokeo, laj Bilsán, laj Mispar, laj Bikbay, laj Rejún ut laj Bahaná.

1 Crónicas 11:30

laj Majray aj Netofá; laj Jeled, ralal laj Bahaná, Netofá xtenamit;

1 Crónicas 2:54

Eb' li ralal xk'ajol laj Salmá a'aneb' a'in: laj Belén, eb' laj Netofá, eb' laj Atrot-Bet-Johab, a' li jun yiijacheb' chik laj Manáhat, eb' laj Sorá

1 Crónicas 2:48

Lix Mahaká a'an chaq xna' laj Séber ut laj Tirjaná.

2 Reyes 25:25

Ab'anan sa' xwuq li po laj Ismael, ralal laj Netanías, ri laj Elisamá, xkomon li awab'ej, kichalk rochb'een lajeeb' chi winq ut kixkamsi laj Kedalías; kixkamsiheb' ajwi' eb' laj Judá ut eb' laj Kaldeha li wankeb' rochb'een aran Mispá.

2 Reyes 25:23

Naq eb' li xjolomileb' laj puub' ut eb' laj puub' aj Judá ke'rab'i a'in, ke'wulak toj Mispá rik'in laj Kedalías. A'aneb' laj Ismael, ralal laj Netanías, laj Jwan, ralal laj Karéhaj, laj Seraías, ralal laj Tanjumet, Netofá xtenamit, laj Jasanías, ralal jun li winq aj Mahaká, ut chixjunileb' li wankeb' rochb'een.

2 Samuel 23:34

laj Elifélet, ralal laj Ajasbay, Bet-Mahaká li xtenamit; laj Elián, ralal laj Ajitófel, Kiló li xtenamit;

Jeremías 40:13

Toja' naq laj Jwan, ralal laj Kareha, ut chixjunileb' li xjolomileb' laj puub' li wankeb' chaq sa' k'iche', ke'chalk rik'in laj Kedalías aran Mispá

Jeremías 40:14

ut ke'xye re: “Ma ink'a' nakanaw naq laj Bahalís, li awab'ej re Amón, xtaqla chaq laj Ismael, ralal laj Natanías, chakamsinkil?”. Ab'an laj Kedalías, ralal laj Ajikán, ink'a' kixpaab'.

Jeremías 40:15

Toja' naq laj Jwan, ralal laj Kareha, kixye re laj Kedalías sa' hasb' aran Mispá: “Laa'in tinxik anaqwan ut toxinkamsi chaq laj Ismael, ralal laj Natanías, ut maajun taanawoq ani xkamsink re. K'a'ut naq tqakanab' laj Ismael re naq tatxkamsi laa'at? Wi tatkamsiiq, te'xcha'cha'i wi' chik rib'eb' laj Judiiy li xule'xch'utub' rib' aawik'in, ut te'oso'q li rela'eb' laj Judá”.

Jeremías 41:1

Sa' xwuq li po laj Ismael, ralal laj Natanías ut ri laj Elisamá, xkomon li awab'ej, koho rochb'een lajeeb' chi winq chi rula'aninkil laj Kedalías, aran Mispá. Ut naq yookeb' chi wa'ak sa' komonil,

Jeremías 41:2

laj Ismael, ralal laj Natanías, rochb'eeneb' li lajeeb', ke'wakliik ut ke'xkamsi laj Kedalías, ralal laj Ajikán ut ri laj Safán, li kixaqab'aak chi xjolominkileb' laj Judá xb'aan li awab'ej re Babilonia.

Jeremías 41:11

Naq laj Jwan, ralal laj Kareha, ut eb' li xjolomileb' laj puub' ke'rab'i resil li ink'a' us kixb'aanu laj Ismael, ralal laj Natanías,