Jeremías 4:9 - Q'eqchi Bible

⁹ “Sa' li kutan a'an te'ch'inanq xch'ool li awab'ej jo'wi' li xjolomileb' li tenamit; parpotqeb' laj tij xb'aan xxiweb', ut eb' li propeet te'sachq xna'leb'eb'”, chan li Qaawa'.

Li Santil hu

⁹ Li Ka̱cuaꞌ quixye: —Saꞌ eb li cutan aꞌan eb li rey ut eb li nequeꞌtenkꞌan re chi takla̱nc sicsotkeb xbaneb xxiu. Eb laj tij ut eb li profeta ta̱sachk xchꞌo̱leb, chan.

Jeremías 4:9 ပူးပေါင်းရင်းမြစ်များ

Hechos 13:41

«K'ehomaq reetal laa'ex li nekextz'eqtaanank; chisachq eena'leb' ut chexmuqunq, xb'aan naq chiru leeyu'am tinb'aanu jun xnimal ru b'aanuhom, ut a'an ink'a' raj teepaab', us ta taaseeraq'iiq eere»”.

Jeremías 52:7

Toja' naq ke'xhop li suttz'ak ut, us ta sutsu chi us li tenamit xb'aaneb' laj Kaldeha, ki'elelik li awab'ej chiru li q'oqyink rochb'een chixjunileb' laj puub'. Ke'elk sa' xyanqeb' li xsuttz'akil li tenamit, koheb' sa' li xna'aj rawimq li awab'ej ut ke'xchap xb'e re xik Arabá.

Jeremías 37:19

B'ar xkoheb' leepropeet li xe'yehok naq li awab'ej re Babilonia ink'a' tolyaloq eerik'in chi moko taareechani li tenamit a'in?

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Isaías 19:16

Sa' li kutan a'an eb' laj Ejiipt chanchanaqeb' chik li ixq; siksootqeb' chiru li Nimajwal Yos naq A'an taaraj xtaqlankil chaq li rahilal sa' xb'eeneb'.

Isaías 19:3

Tinpo' xna'leb'eb' laj Ejiipt, ut ink'a' chik taach'olaaq li xk'uub'ahomeb'. Toja' naq te'xik chi patz'ok rik'in li xyoseb', rik'inatqeb' laj tuul, eb' laj q'e ut eb' li neke'tz'ilok rix chahim.

Salmos 102:4

Xb'aan naq linyu'am yo chi oso'k kama' li sib', ut linb'aqel naxamnak jo' li ru xam naq naweek'a.

2 Reyes 25:4

Toja' naq eb' laj Jerusalén ke'xhop li xsuttz'akul li tenamit ut, us ta sutsu chi us Jerusalén xb'aaneb' laj Kaldeha, ki'elelik li awab'ej chiru li q'oqyink, rochb'een chixjunileb' laj puub'. Ke'elk sa' li okeb'aal wank sa' xyanqeb' li tz'ak, koheb' sa' li xna'aj rawimq li awab'ej ut ke'xchap xb'e re xik Arabá.

Jeremías 48:41

Xe'chapje'k eb' li tenamit ut xe'eechaniik eb' li kawub'resinb'il ochoch. Chiru li kutan a'an k'ajo' naq taamayoq xch'ooleb' laj puub' aj Mohab, siksootqeb' aj chik jo'kaqeb' li ixq ok re chi alank.

Isaías 28:19

Rajlal naq taak'ulunq, tolexsach. Wulaj wulaj taachalq cherahob'tesinkil chi q'eq ut chi kutan. Yal rik'in rab'inkil resil li rahilal a'an laa'ex parpotqex xb'aan leexiw.

Jeremías 2:26

“Jo' naq laj elq' naxutaanak naq natawe'k chi elq'ak, jo'kaneb' ajwi' naq te'xutaanaq eb' laj Israel, eb' li poyanam, eb' li awab'ej, eb' li xjolomileb' li tenamit, eb' laj tij jo'wi' eb' li propeet:

Jeremías 25:34

Ex xjolomileb' li tenamit, japomaq eere chi yaab'ak! Ex aj k'aak'alenel ketomq, tolk'osiiq eerib' sa' pojtz' xb'aan xmay li rahilal, xb'aan naq xwulak xq'ehil li raqb'a aatin sa' eeb'een ut texkamsiiq jo'qex li karneer ninqeb' xtib'el.