Jeremías 4:7 - Q'eqchi Bible

⁷ Ak xwakliik chaq laj sachonel tenamit, jo' jun li kaqkoj x'elk chaq sa' li xsok; chalk re sa' aab'een re xsachb'al laana'aj: nakirirnak te'kanab'aaq eb' laatenamit chi maajunaq chik li poyanam chisa'.

Li Santil hu

⁷ Yo̱ chi cha̱lc li ta̱sachok re le̱ tenamit. Chanchan jun li cakcoj ac x-el saꞌ xnaꞌaj. Laj sachonel ta̱cha̱lk chixsachbal li naꞌajej Judá. Eb li tenamit teꞌsachekꞌ ruheb ut ma̱cꞌaꞌ chic cristian ta̱cana̱k chi saꞌ.

Jeremías 4:7 ပူးပေါင်းရင်းမြစ်များ

Jeremías 5:6

Jo'kan naq te'kamsiiq xb'aaneb' li kaqkoj sa' k'iche' ut eb' laj xojb' te't'upinq reheb' sa' li chaqich'och'; sutsuuq li xtenamiteb' xb'aaneb' li hix, ut jo'k'ihaleb' li te'elq sa' li tenamit, te'putz'iiq. Xb'aan naq numtajenaq li maak xe'xb'aanu ut k'iila wa xe'xtz'eqtaana li Qaawa'.

Jeremías 2:15

K'a'ut naq xe'chalk eb' laj rahob'tesinel sa' xb'eeneb' chi japjookeb' re kama'eb' li kaqkoj? Xe'xk'ati chixjunil li na'ajej ut xe'xkanab' chi po'lemil, chi maajun chik wank aran.

Isaías 6:11

Ut laa'in kinpatz' re: “Jo'q'e taak'ulmanq a'an, at inQaawa'?”, chankin. Ut a'an kixye we: “Toj reetal te'juk'manq eb' li tenamit ut maajun chik poyanam wanqeb' chisa'; toj te'oso'q chixjunileb' li winq sa'eb' li ochoch ut nakirirnak te'kanaaq eb' li k'aleb'aal,

Isaías 1:7

Leena'aj xkanaak chi po'lemil ut eb' leetenamit yookeb' chi k'atk. Eb' li xik' neke'ilok eere a'aneb' chik neke'tzekank ru leerawimq. Nakirnak aj chik chixjunil jo' naq kisache'k ru li tenamit Sodoom.

Daniel 7:4

Li xb'een xul chanchan li kaqkoj na'ilok ut wankeb' xxik' jo' li t'iw. Naq yookin chi rilb'al, ki'isiik li xxik', kiwaklesiik chiru ch'och' ut kixxaqab' rib' jo' junaq winq; ut kik'ehe'k xna'leb' re k'oxlak jo' junaq poyanam.

Jeremías 50:17

“Israel chanchan li karneer sachenaq, aanilasinb'il xb'aaneb' li kaqkoj. Xb'enwa xsache'k xb'aan li awab'ej re Asiria; chirix chik a'an, laj Nabukodonosor, li awab'ej re Babilonia, xchoyok re.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Jeremías 49:19

“Laa'in tinchalq jo' li kaqkoj naq na'elk chaq sa' li k'iche' chire li nima' Jordán ut naxik sa' li raxalpim chiru taq'a; jo'kan ajwi' naq twaanilasiheb' chi junpaat eb' laj Edom, ut sa' li xna'ajeb' tink'e chi k'anjelak li ani nawulak chiwu. Xb'aan naq ani tixjuntaq'eeta rib' wik'in ut taanumtaaq chiwu? Ma wank tab'i' junaq aj k'aak'alenel li truuq tixkuy wank chiwu laa'in?

Jeremías 34:22

Laa'in tinsutq'isiheb' chaq wi' chik ut te'chalq chi xsachb'al Jerusalén; te'reechani ut te'xk'e xxamlel. Ut nakirirnak te'kanaaq chixjunileb' li tenamit sa' xteepal Judá ut maajun chik poyanam taawanq chisa'”, chan li Qaawa'.

Jeremías 33:10

Jo'ka'in kixye li Qaawa': “Laa'ex nekeye naq li na'ajej a'in nayamnak aj chik ru, maajun poyanam chi moko junaq xul wank chisa'. Nekeye ajwi' naq sa' xteepal Judá ut sa'eb' li b'e re Jerusalén maak'a' chik wank aran, chi moko winq chi moko xul. Ab'an sa'eb' li na'ajej a'an toj taa'ab'imanq

Jeremías 26:9

K'a'ut naq xaye sa' xk'ab'a' li Qaawa' naq li ochoch a'in taakanaaq jo' Siló, ut Jerusalén taajuk'manq chi maajun chik poyanam taakanaaq chisa'?”. Ut chixjunileb' li poyanam ke'xtuub' rib' sa' rochoch li Yos chi xsutb'al laj Jeremías.

Jeremías 25:38

Jo' junaq kaqkoj li x'elk sa' li xna'aj, jo'kan ajwi' naq li Qaawa' x'elk chi xsachb'al ru li xtenamit, ut li na'ajej xkanaak chi po'lemil, xb'aan naq xlochk xxamlel xjosq'il li Qaawa', ut jun nimla raaxiik' xtaqlaak chaq sa' xb'eeneb'.

Isaías 5:9

Jo'ka'in xwab'i chi xyeeb'al li Nimajwal Yos: “Naab'aleb' li ochoch te'juk'manq. Us ta jwal ninq ut ch'ina'usil kab'l te'wanq aran, maajun chik poyanam taawanq chisa'.

2 Reyes 24:1

Sa'eb' li kutan naq laj Johakín wank chi awab'ejil, laj Nabukodonosor, awab'ej re Babilonia, koho chi yalok rik'in, ut laj Johakín kiwank oxib' chihab' rub'el xwankil laj Nabukodonosor. Chirix chik a'an kixq'etq'eti rib' chiru.

Daniel 5:19

Ut sa' xk'ab'a' a'an chixjunileb' li tenamit, eb' li poyanam, a' yaal k'aru li raatinob'aaleb', ke'xiwak ut ke'siksotk chiru. Kixkamsi malaj kixkol li ani kiraj xch'ool, kixk'e xloq'al malaj kixsach xwankil li ani kiwulak chiru.

Jeremías 50:44

“Relik chi yaal naq tinchalq chi junpaat: jo' junaq kaqkoj li na'elk chaq sa' li k'iche' chire li nima' Jordán ut naxik sa' li raxal pim chiru taq'a, jo'kan naq tink'eheb' chi elelik eb' laj Babilonia ut aran tinxaqab' cho'q aj k'amol b'e li ani tixk'ul linch'ool. Xb'aan naq ani chik junaq kama' laa'in? Ani junaq awab'ej taawanq chi xaqxo chiwu?

Jeremías 27:8

Wi wank junaq tenamit malaj junaq awab'ej li ink'a' naxk'e rib' rub'el xwankil laj Nabukodonosor, li awab'ej re Babilonia, ut ink'a' naraj k'anjelak chiru, laa'in tinraqoq aatin sa' xb'eeneb' rik'in rahilal, we'ej ut raxkamk, toj reetal toxe'oso'q sa' ruq' -chan li Qaawa'-.

Jeremías 9:11

“Jun tuub' chi pek tinsutq'isi wi' Jerusalén, cho'q xna'ajeb' laj xojb'; nakirirnak tinkanab' chixjunileb' li tenamit sa' xteepal Judá ut maajun chik taakanaaq chisa'”.

2 Reyes 25:1

Lajeeb' kutan xtiklajik li xlaje po re li xb'ele chihab' rokik chi awab'ejink laj Sedesías, kichalk laj Nabukodonosor, awab'ej re Babilonia, rochb'een chixjunileb' laj puub' re yalok rik'ineb' laj Jerusalén. Ke'xyiib' li xmuheb'aaleb' sa' xka'yab'aal li tenamit ut ke'xsut rix rik'in k'iila t'anleb'aal.

Jeremías 4:29

Xb'aan xyaab' xkuxeb' li k'iila aj puub' jo'eb' ajwi' li neke'kutuk rik'in simaj, chixjunileb' li poyanam te'xkanab' li na'ajej wankeb' wi': wankeb' te'eleliq sa'atqeb' li k'iche', wankeb' chik te'lochte'eq chiruheb' li saqoonak. Nakirirnak te'kanaaq chixjunileb' li tenamit ut maajun chik taatawmanq aran.

Jeremías 22:7

Tintaqlaheb' chaq jun ch'uuteb' aj sachonel aawik'in, wanqeb' chaq xmaal sa' ruq'eb' re aasachb'al. Te'xt'ani chixjunileb' li chaab'il yaw ut te'xrumi sa' xam re te'k'atq.

Jeremías 44:2

“Jo'ka'in xye li Nimajwal Yos, li xYos laj Israel: «Laa'ex xeril rik'in leeru chixjunil li rahilal kinb'aanu re Jerusalén ut sa' chixjunileb' li tenamit sa' xteepal Judá. Anaqwan po'lem aj chik, maajun chik wank aran,

Ezequiel 12:20

Te'juk'manq chixjunileb' li tenamit, ut joxk' taakanaaq li na'ajej. Toja' naq teenaw naq laa'in li Qaawa'»”.

Ezequiel 21:31

aran twisi linjosq'il sa' eeb'een, texinsach xb'aan xpo'ik linch'ool ut texinq'axtesi sa' ruq'eb' li josq' aj winq, li k'aynaqeb' chi kamsink.

Ezequiel 32:2

“At kaamel winq, b'icha li b'ich a'in re rahil ch'oolej chirix laj Parahón, li awab'ej re Ejiipt, ut ye re chi jo'ka'in: «Chanchanat li kaqkoj sa' xyanqeb' li tenamit; kama'at li xyuwa'il ayin sa' li palaw: nakatb'atz'unk sa' laanima', nakasulule ru ut nakayeq'i rik'ineb' laawoq.

Levítico 26:31

po'lem tinkanab' leeninqal tenamit ut tinsacheb' li rochochil leejalanil yos; ink'a' chik taaxik inch'ool chirix leesununkil b'an.

Levítico 26:33

Texincha'cha'i laa'ex sa' xyanqeb' li tenamit ut texwaanilasi rik'in q'esnal ch'iich'. Leena'aj taasutq'iiq cho'q chaqich'och', ut eb' leetenamit tinkanab'eb' cho'q po'lem.

Jeremías 8:16

Chalen chaq Dan neke'xeeyank chi chalk li xkawaayeb'; neke'tz'ejnak chi chalk, nachiq'lok li ch'och'. Chalkeb' re chi xsachb'al li tenamit jo'wi' chixjunil li xsahil eechej; te'xjuk'iheb' li na'ajej ut jo'k'ihaleb' li wankeb' chisa'”.

Jeremías 22:6

Jo'ka'in kixye li Qaawa' chirix li rochoch li awab'ej re Judá: “Chanchanat li tzuul Galahad cho'q we laa'in, ut kama'at li tzuul Líbano; ab'anan ninye tz'aqal aawe naq joxk' ch'och' tatinkanab' wi', jo'qat jun na'ajej li maajun nawank chisa'.

Jeremías 46:18

Laa'in li Qaawa', li Nimajwal Yos, li xnimal ru Awab'ej. Laa'in li yo'yookil Yos. Kama' li tzuul Tabor najt xteram sa' xyanqeb' li tzuul ut li tzuul Karmeel nawakliik sa' xb'een li palaw, jo'kanaq li xmetz'ew li winq taachalq sa' eeb'een.