Jeremías 4:6 - Q'eqchi Bible

⁶ Taqsihomaq li eetalil sa' xjayal Sión ut ayuqex sa' aanil chi elelik chi maak'a'aq hilank». Xb'aan naq taachalq chaq li rahilal sa' xjayal releb'l iq'; nimla sachok ut raaxiik' tink'am chaq aran.

Li Santil hu

⁶ Cꞌutumakeb li be li naxic Sión. Tex-e̱lelik chi junpa̱t re te̱col e̱rib xban nak saꞌ li norte ta̱cha̱lk chak li raylal li tixqꞌue li Ka̱cuaꞌ saꞌ e̱be̱n. Ta̱sachekꞌ ru chixjunil.

Jeremías 4:6 ပူးပေါင်းရင်းမြစ်များ

Jeremías 50:2

“Yehomaq ut puktesihomaq li esil a'in sa'eb' li tenamit; k'ehomaq chi nawe'k ut mik'a' eemuq: «Xchapmank li tenamit Babilonia! Xkanaak sa' xutaan li yos Bel ut nasiksotk li yos Marduk xb'aan xxiw. Maak'a' chik na'ok wi' eb' li xjalanil yos, xlaje'sache'k chixjunileb'».

Jeremías 51:27

“Taqsihomaq li eetalil re li yalok sa' chixjunil li ruuchich'och' ut yaab'asihomaq li pur sa'atqeb' li tenamit. Kawresihomaqeb' li poyanam re yalok rik'ineb' laj Babilonia. Ch'utub'omaqeb' li awab'ej re Ararat, Miní ut Askenas; xaqab'omaq junaq li taak'amoq b'e chi yalok. Taqlahomaqeb' li kawaay chi uub'ej jo'kaqeb' li josq' aj saak'.

Jeremías 51:12

Taqsihomaq li eetalil naq tex'ok chi xjuk'b'al li xsuttz'akil Babilonia. K'ehomaq naab'aleb' laj puub' aran, xaqab'omaqeb' li te'k'aak'alenq ut kawresihomaq eb' li te'ramoq sa'atqeb' li b'e. Xb'aan naq li Qaawa' xk'uub'ank re a'in ut tixb'aanu li kixye chaq junxil chirixeb' laj Babilonia.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Jeremías 6:22

Li Qaawa' kixye chi jo'ka'in: “Toj sa' xjayal releb'l iq' xkawresi chaq rib' jun tenamit q'axal kaw rib' chi yalok; jun xnimal tenamit xwakliik chaq sa' xmaril li ruuchich'och'.

Jeremías 6:1

Ex ralal xk'ajol laj Benjamín, elenqex chaq sa' li tenamit Jerusalén! Yaab'asihomaq li pur aran Tékoha, taqsihomaq li eetalil aran Bet-Keren, xb'aan naq chalk chaq re jun nimla rahilal ut raaxiik' sa' xjayal releb'l li iq'.

Jeremías 4:21

Jo' najtil chik yooqin rilb'al li reetalil li yalok ut yooqin rab'inkil xyaab'eb' li pur?

Isaías 62:10

Ex aj Jerusalén, elenqex, numenqex sa' li okeb'aal! Tehomaq li b'e chiru lintenamit. Tuqub'omaq, tuqub'omaq chi chaab'il li nimb'e ut isihomaqeb' li pek. Taqsihomaq leereetalil re naq taa'ile'q xb'aaneb' li tenamit.

Sofonías 1:10

Jo'ka'in xye li Qaawa': “Sa' li kutan a'an taa'ab'imanq xyaab' kuxej chi xtz'aamankil xtenq'ankileb' chalen toj sa' li Okeb'aal reheb' li kar. Japjo'qeb' re chi tz'uyink sa' li Ak' Na'ajej ut taa'ab'iiq xyaab'eb' li tzuul li yooqeb' chi uq'e'k.

Jeremías 51:54

K'ajo' li yaab'ak na'ab'imank aran Babilonia, makach'in li japok e sa' xyanqeb' laj Kaldeha.

Jeremías 50:22

Yo li raaxiik' sa' li tenamit ut k'ajo' xyaab' li nimla rahilal!

Jeremías 21:7

Chirix chik a'an tinq'axtesi laj Sedesías, li awab'ej re Judá, sa' ruq' laj Nabukodonosor ut sa' ruq'eb' li neke'ajok xkamsinkil. A'aneb' te'choyoq xkamsinkileb' li te'kole'q sa' li tenamit chirix li raaxiik', li raxkamk ut li we'ej. Tink'eheb' chi kamsiik chi ch'iich', chi maak'a'aq toq'ob'ank u ut usilal cho'q reheb' -chan li Qaawa'-.

Jeremías 18:11

“Jo'kan utan, ye a'in reheb' laj Judá ut reheb' laj Jerusalén: «Li Qaawa' xye chi jo'ka'in: Yookin xkawresinkil eerahob'tesinkil ut ak yookin xk'uub'ankil. Kanab'omaq xb'aanunkil li maa'usilal, tiikob'resiiq ru leeyu'am ut leeb'aanuhom».

Jeremías 22:7

Tintaqlaheb' chaq jun ch'uuteb' aj sachonel aawik'in, wanqeb' chaq xmaal sa' ruq'eb' re aasachb'al. Te'xt'ani chixjunileb' li chaab'il yaw ut te'xrumi sa' xam re te'k'atq.

Zacarías 6:6

Li b'eleb'aal ch'iich' kelonb'il xb'aaneb' li q'eqikawaay xkoheb' sa' xjayal releb'l iq'; li kelonb'il xb'aaneb' li saqikawaay xkoheb' sa' xjayal rokeb'l li saq'e ut li kelonb'il xb'aaneb' li b'alak' rixeb' xkoheb' sa' xjayal li xsak'leb' iq'”.

Jeremías 10:22

Ab'ihomaq li esil a'in ut k'ehomaq reetal. chalk re jun nimla choqink, tz'aapixik rab'inkil; chalk chaq re sa' xjayal releb'l iq'. Chixjunileb' li tenamit sa' xteepal Judá te'sache'q ru ut te'kanaaq chi po'lem, cho'q xna'ajeb' laj xojb'.

Ezequiel 9:1

Chirix chik a'an li Qaawa' ki'aatinak sa' linxik chi kaw xyaab' li xkux, ut kixye we: “Kimqex laa'ex li texsachoq re li tenamit, ut wankaq chaq leech'iich' re sachok sa' leeruq'”.

Ezequiel 9:2

Toja' naq ke'wil waqib' chi winq yookeb' chi ok sa' li Nimla Okeb'aal li wank sa' xjayal releb'l iq', ut li junjunq wan chaq xch'iich' re kamsink sa' ruq'. Sa' xyanqeb' a'an wan chaq jun li winq tiqto rik'in saqi aq'ej liin, ut b'ak'b'o chaq chi xsa' jun tz'iib'leb'. Naq ke'ok sa' li rochoch li Yos, koxe'xxaqab' rib' chi xk'atq li artal q'anch'iich'.