Jeremías 4:4 - Q'eqchi Bible

⁴ Ex poyanam aj Judá ut aj Jerusalén, q'axtesihomaq eerib' re li Qaawa' Yos, ut k'ehomaq sa' leech'ool li reetalil linSumwank. Mare anchal taachalq injosq'il jo' li xam ut taa'ok chi sachok, chi maajun chik taaramoq re, xb'aan li k'iila maa'usilal nekeb'aanu.

Li Santil hu

⁴ La̱ex aj Judá ut la̱ex aj Jerusalén, isihomak li yibru naꞌleb li cuan saꞌ le̱ chꞌo̱l ut kꞌaxtesihomak e̱rib chi tzꞌakal saꞌ cuukꞌ la̱in li Ka̱cuaꞌ le̱ Dios. Chanchan nak na-uxman li circuncisión. Cui incꞌaꞌ te̱ba̱nu li cꞌaꞌru ninye, la̱in tinjoskꞌokꞌ e̱riqꞌuin xban li ma̱usilal li nequeba̱nu. Ut incꞌaꞌ ta̱numekꞌ lin joskꞌil saꞌ e̱be̱n. Chanchanak li xam li incꞌaꞌ nachup, chan li Ka̱cuaꞌ.

Jeremías 4:4 ပူးပေါင်းရင်းမြစ်များ

Deuteronomio 10:16

“K'ehomaq sa' leech'ool li reetalil li Sumwank ut meekawub'resi chik leejolom.

Colosenses 2:11

Rik'in ajwi' A'an eek'ulum li sirkunsisyon, maawa' li uxb'il rik'in uq'ej, a' b'an li xsirkunsisyon li Kriist, rik'in risinkil eerik'in li naxrahi ru li tz'ejwalej.

Deuteronomio 30:6

Li Qaawa' laaYos tixk'e reetalil li Sumwank sa' laach'ool ut sa' xch'ooleb' laawalal aak'ajol, re naq taara li Qaawa' laaYos chi anchal aach'ool ut chi anchal aawaanm ut wanq aayu'am chi junelik.

Jeremías 9:26

eb' laj Ejiipt, eb' laj Judá, eb' laj Edom, eb' laj Amón, eb' laj Mohab ut chixjunileb' laj Arabia li neke'xjo li xjolomeb' ut wankeb' sa' li chaqich'och'. Xb'aan naq chixjunileb' li tenamit a'in jo'wi' eb' laj Israel toj maak'a' li reetalil li Sumwank sa' li xch'ooleb'”.

Jeremías 21:12

Ex ralal xk'ajol laj David, a'an a'in li naxye li Qaawa': Rajlal kutan b'aanuhomaq li tiikilal; kolomaqeb' li yookeb' chi rahob'tesiik sa' ruq'eb' laj rahob'tesinel. Mare anchal, xb'aan leemaa'usilal, taachalq injosq'il sa' eeb'een jo' li xam, ut maajun chik taaruuq chi chupuk re.

Amós 5:6

Sik'omaq li Qaawa' ut taawanq eeyu'am; mare anchal jo' li xam naq taachalq sa' xb'eeneb' laj José ut maajun sa' xyanqeb' laj Betel taaruuq taachupuq re.

Sofonías 2:2

naq toj maji' nekexrume'k chi najt, jo' na'uxk re li k'im li nasachk chiru jun kutan. Junajiiq eerib' rub'elaj naq taachalq sa' eeb'een li xnimal xjosq'il li Qaawa', naq toj maji' nawulak xkutankil li xjosq'il li Yos.

Ezequiel 20:33

Sa' xk'ab'a' linloq'al ninye li waatin naq tin'awab'ejinq sa' eeb'een rik'in xnimal inwankil ut sa' josq'il -chan li Qaawa'-.

Ezequiel 24:13

«At Jerusalén, laa'in xwaj aach'ajob'resinkil rik'in laatz'i'b'eetalil b'aanuhom, a'ut laa'at ink'a' xakanab' aawib' chi ch'ajob'resiik. Tatsaqo'q ka'ajwi' naq twisi linjosq'il sa' aab'een.

Lamentaciones 4:11

Xnumtaak xjosq'il li Qaawa' sa' xb'een li ruuchich'och'; ut xtaqla chaq jun li xam sa' xb'een Sión toj reetal x'oso'k li rub'elankil li tenamit.

Ezequiel 24:8

Laa'in xinkanab' li kik' aran sa' xb'eeneb' li pek re naq ink'a' taaruuq tz'ub'e'k xb'aan li pojtz', ut chi jo'kan twisi linjosq'il ut tin'eeqajunq sa' xb'een Jerusalén.

Ezequiel 16:38

Tinraqoq aatin sa' aab'een jo' na'uxk re li ixq naxmux li xsumlajik ut li nakamsink, ut tatink'e chi kamk xb'aan linjosq'il ut li xmay inch'ool.

Ezequiel 8:18

K'ajo' linjosq'il sa' xb'eeneb'! Ink'a' twil xtoq'ob'aal ruheb' chi moko tinkuy li xmaakeb'. Us ta te'xjap re chi xyaab'ankil link'ab'a', ab'an laa'in ink'a' twab'iheb'”, chan li Qaawa'.

Ezequiel 6:12

Li wanq chaq chi najt, taakamq xb'aan li raxkamk; li wanq chi nach' taakamq sa' li raaxiik'; ut eb' li te'kole'q, te'kamq xb'aan li we'ej naq taasutmanq rix li tenamit. Chi jo'kan twisi linjosq'il sa' xb'eeneb'.

Jeremías 36:7

Mare chan naq te'xtz'aama xkuyb'al li xmaakeb' chiru li Qaawa' ut li junjunq tixkanab' xb'aanunkil li maa'usilal, xb'aan naq k'ajo' xjosq'il li Qaawa' sa' xb'een li tenamit a'in”.

Jeremías 23:19

K'ehomaq reetal naq xchalk xjosq'il li Qaawa', jo' jun kaqsut-iq' li xchalk sa' xb'eeneb' li neke'b'aanunk maa'usilal.

Jeremías 21:5

Laa'in ajwi' jun tinyaloq eerik'in, rik'in xnimal inwankil ut inmetz'ew, chi k'ajo'aq injosq'il sa' eeb'een.

Isaías 51:17

Ajen, ajsi aawu, waklin, at Jerusalén! Laa'at li xat-uk'ak sa' xsek'ul li xjosq'il li Qaawa', jo' tawi' li na'uk'ak b'iin sa' junaq sek' toj reetal naxchoy ut nataktotk nakanaak.

Levítico 26:28

taanumtaaq linjosq'il sa' eeb'een ut texinrahob'tesi wuqub' sutaq wi' chik xb'aan leemaak.

Ezequiel 21:17

Laa'in tinpoq'poq'i ajwi' eb' li wuq', ut twisi linjosq'il sa' xb'eeneb' toj reetal taak'ojlaaq linch'ool”, chan li Qaawa'.

Ezequiel 18:31

Kanab'omaq chixjunil li maa'usilal xineemajewa wi' ut ak'aq chik leech'ool, ak'aq chik leemusiq'. K'a'ut naq nekeraj kamk, ex aj Israel?

Deuteronomio 32:22

Xb'aan naq yo xxamlel injosq'il ut cham taaxik xtiqwal, toj sa' xchamal li xb'alb'a! Taa'oso'q li ch'och' jo'wi' li awimq wank chiru, ut taak'atq li xtoonaleb' li tzuul.

Romanos 2:25

Relik chi yaal naq li sirkunsisyon wank xyaalal wi nakapaab' li xChaq'rab' laj Moisés; ab'anan wi nakaq'et li Chaq'rab', laa'at nakatkanaak jo' ink'a' aak'ulum li sirkunsisyon.

Levítico 26:41

Jo'kan ajwi' laa'in tinxaqab' wib' chiruheb' ut tink'ameb' sa' xtenamiteb' li xik' neke'ilok reheb': aran taakub'eeq xwankil li xch'ooleb' ink'a' xk'ulumeb' li sirkunsisyon ut te'xtoj rix li xmaakeb'.

Isaías 10:17

Li Yos, li xsaqenk laj Israel, taachalq jo' li xam ut li Qaawa', li q'axal Sant, taasutq'iiq cho'q raq'xam; yal chiru jun kutan tolxsacheb' li k'ix ut li pim sa' li tenamit.

Isaías 30:33

Xb'aan naq li na'ajej Tófet ak kawresinb'il chaq najter cho'q re Asiria jo'wi' cho'q re li x'awab'ej. Li na'ajej a'an q'axal nim ru ut jwal cham, k'ajo' li xsi'ul. Naq taamusiq'aq li Yos, tixloch xxamlel; chanchan roq nima' nujenaq chi asuupr naq taachalq li xjosq'il li Qaawa' sa' xb'een.

Jeremías 9:25

Xyehom li Qaawa': “Chalk re xkutankil naq tink'ajtesi ruheb' chixjunil li tenamit li xk'ulumeb' li sirkunsisyon ka'ajwi' sa' li xjunxaqalileb':

Jeremías 44:22

Ab'an li Qaawa' ink'a' chik naxkuy leemaak ut li jo'maajo'il b'aanuhom li ink'a' nawulak chiru; jo'kan naq leena'aj nakirirnak aj chik ut maajun chik wank aran; majewanb'il aj chik ut q'axal xiwajel ru anaqwan.

Ezequiel 44:7

Laa'ex nekeroksi eb' laj ab'l tenamit, li ink'a' xb'aanuhomeb' li sirkunsisyon, li maak'a' reetalil linsumwank sa' li xch'ooleb' chi moko sa' li xtz'ejwaleb', re naq te'wanq sa' linsantil ochoch. Laa'ex nekemux xloq'al naq nekeyeechi'i we lintzekemq, a' li xxeeb'ul ut li xkik'el li mayej, ut nekesach xwankil linsumwank rik'in xb'aanunkil chixjunil li maa'usilal a'in.

2 Crónicas 34:25

xb'aan naq kine'xtz'eqtaana ut ke'ok chi k'atok pom chiruheb' jalan chik yos. Ke'xchiq' injosq'il rik'in chixjunil li k'aru ke'xyiib'. Jo'kan naq k'ajo' linjosq'il sa' xb'een li na'ajej a'in ut maajoq'e taach'anaaq.

Jeremías 15:14

Tatinkanab' cho'q xmuneb' li xik' neke'ilok aawe sa' jun tenamit li ink'a' aanawom ru, xb'aan naq k'ajo' injosq'il xchalk sa' aab'een, chanchan junaq xam li tixsach aawu chi junwaakaj”, chan li Qaawa'.