Jeremías 4:30 - Q'eqchi Bible

³⁰ Ut laa'at li xatk'uluk rahilal, k'aru taab'aanu? Us ta taatiqib' aawib' rik'in chaab'il t'ikr, us ta taak'e xsahob' aawu rik'in chaab'il oor ut taab'onatq eb' li rixeb' laawu, maak'a' chik aj e naq taach'ina'usi aawib': xate'xtz'eqtaana li neke'rahink aawu, a' chik laakamik neke'xsik'.

Li Santil hu

³⁰ La̱ex aj Jerusalén, raylal ta̱cha̱lk saꞌ e̱be̱n. ¿Cꞌaꞌut nak nequetikib e̱rib riqꞌuin li caki akꞌ? ¿Cꞌaꞌut nak nequerocsi li oro chokꞌ xsahob e̱ru? ¿Cꞌaꞌut nak nequebon li xnakꞌ e̱ru? Ma̱cꞌaꞌ rajbal nak nequeyi̱b e̱rib chi chꞌinaꞌus. Eb li queꞌrahoc e̱re xextzꞌekta̱na ut teꞌraj e̱camsinquil.

Jeremías 4:30 ပူးပေါင်းရင်းမြစ်များ

2 Reyes 9:30

Toja' naq laj Jehú kox'okaq sa' li tenamit Jisrehel. Ka'ajwi' kirab'i a'in lix Jesabel, kixb'aneb' li rix ru, kixt'e' li rismal ut ki'ilok sa' li b'entaan.

Lamentaciones 1:19

Xinb'oqeb' li xe'rahink wu, ab'an chixjunileb' xine'xkanab' injunes. Eb' laj tij ut eb' laj k'amol b'e chiwu xe'kamje'k sa' li tenamit, naq yookeb' xsik'b'al xtzekemqeb' re naq ink'a' te'kamq.

Lamentaciones 1:2

K'ajo' naq nayaab'ak chiru q'oqyink, ut li xya'al ru nat'ululnak sa' xnaq' ru. Maajun junaq nak'ojob'ank xch'ool sa' xyanqeb' li xe'rahink ru. Chixjunileb' li ramiiw xe'xkanab' xjunes, ut xik' chik na'ile'k xb'aaneb' chixjunil.

Isaías 10:3

K'aru teeb'aanu naq taachalq li raqb'a aatin sa' eeb'een, naq toj chi najt taachalq chaq li raaxiik'? Ani teepatz' wi' eetenq'ankil ut b'ar teekanab' leeb'ihomal?

Ezequiel 28:13

Aran Edén, sa' li xna'aj rawimq li Yos, katwank. Uutz'u'ujinb'il laab'aatal rik'in k'iila paay chi pek, jo' li rubí, li topasio, li jaspe, li lemtz'il q'ol, li krisólito, li ónise, li safiro, li malakita ut li esmeralda. Yiib'anb'il laaka'xik ut li xsahob' ru laawaq' rik'in oor, k'uub'anb'il chalen chaq sa' xkutankil laayo'lajik.

Jeremías 13:21

K'aru taaye naq tatink'e chi awab'ejiik xb'aaneb' li xak'uleb' aawik'in cho'q aawamiiw? Q'axal ra taak'ul xb'aaneb' jo' junaq ixq ok re chi alank.

Isaías 20:6

Chiruheb' li kutan a'an, eb' li poyanam li wankeb' chire li palaw sa' xteepal Filistea, te'xye: «Ilomaq chanru xkanaak li tenamit li kaw wi' li qach'ool, li xqapatz' wi' qatenq'ankil re raj tooxkol chiru li awab'ej re Asiria. Ut anaqwan chanru tookole'q laa'o?», cha'qeb'”.

Apocalipsis 17:13

Eb' a'in wankeb' sa' aatin chi xq'axtesinkil sa' ruq' li josq' aj xul li xkawilaleb' ut li xwankilaleb'.

Apocalipsis 17:4

Li ixq a'an tiqto rik'in t'ikr kaqmoqin ut kaqjorin xb'onol, nalemtz'unk ru rik'in oor, rik'in tertookil pek ut lemtz'il q'ol. Wank sa' ruq' jun li sek' oor nujenaq rik'in li xyiib'etalil ut xtz'ajnil li xmuxb'al rib';

Apocalipsis 17:2

Eb' li awab'ej re li ruuchich'och' ke'xmux rib'eb' rik'in, ut eb' li wankeb' sa' ruuchich'och' ke'kalaak rik'in li xb'iinul ut ke'xb'aanu li maa'usilal rik'in”.

Hebreos 2:3

chan put ru naq tookole'q laa'o, wi tqatz'eqtaana li xnimal kolb'a ib' a'in? A'an kiyehe'k resil sa' xtiklajik xb'aan li Qaawa', ut moqon chik kich'olob'aak chiqu xb'aaneb' li ke'ab'ink chaq re.

Ezequiel 28:9

Ma toj yooqat chi xk'oxlankil naq laa'at yos naq wanqat chiruheb' laj rahob'tesinel? Ab'anan naq wanqat sa' ruq'eb' li te'kamsinq aawe, taak'e reetal naq yal winqat ut moko yosat ta.

Lamentaciones 4:17

Xqayo'oni qatenq'ankil toj reetal ink'a' chik xqakuy. Xqoyb'eni jun tenamit chi qakolb'al, ab'an ink'a' xk'ulunk.

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Isaías 33:14

Xsachk xch'ooleb' laj maak li wankeb' Sión, k'ajo' naq kichalk xxiweb' li ink'a' useb' xna'leb': “Ani qe tixkuy wank sa' li xam nasachok? Ani taaruuq chi wank sa' li xam li ink'a' nachupk?”, chankeb'.

Proverbios 6:25

Maak'e aawib' chi q'unb'esiik xb'aan li xch'ina'usal, chi moko chakanab' aawib' chi xb'alaq'i xb'aan li rilob'aal.

Proverbios 7:10

Toja' naq li ixq ki'elk chaq chi xk'ulb'al, tiqto chaq chi chaab'il; ut na'ilok jo' junaq aj yumb'eet.

Jeremías 22:23

Anaqwan sa nakathilank sa' laawochoch li yiib'anb'il rik'in yaw li chalenaq Líbano; ab'anan tatyaab'aq naq tolatxtaw li rahilal, jo' naxk'ul li ixq ok re chi alank”.

Jeremías 30:14

Xate'xtz'eq chirix xch'ooleb' eb' li neke'rahink aawu, maak'a' chik nakate'raj wi'. Xb'aan naq xatintiq' jo' naxb'aanu li xik' na'ilok, jo' naxb'aanu li josq' aj winq; xatinrahob'tesi xb'aan xk'ihal laamaak: k'ajo' li maa'usilal xab'aanu!

Abdías 1:7

Chixjunileb' li neke'okenk chawix xate'xb'alaq'i ut xate'risi sa' laana'aj. Eb' li nakawotz wi' laatzekemq, xik' aj chik nakate'ril ut xe'xk'e aara'lenkil: «Laj Edom maak'a' chik xna'leb'!», chankeb'”.