Jeremías 4:28 - Q'eqchi Bible

²⁸ Taaraho'q xch'ool li ruuchich'och' ut li choxa taa'aak'ab'o'q ru. Xin'aatinak, ut ink'a' tinjal ru li aatin xinye; jo'kan xink'uub' xb'aanunkil, ut ink'a' traho'q linch'ool.

Li Santil hu

²⁸ Ta̱rahokꞌ xchꞌo̱l li ruchichꞌochꞌ ut ta̱kꞌojyi̱nokꞌ ru li choxa. Li Ka̱cuaꞌ quixye nak ta̱cꞌulma̱nk chi joꞌcan ut aꞌan incꞌaꞌ tixjal xcꞌaꞌux.

Jeremías 4:28 ပူးပေါင်းရင်းမြစ်များ

Números 23:19

Li Yos maawa' winq: ink'a' natik'ti'ik chi moko naxjal xk'a'uxl. Li k'aru naxye li Yos, naxb'aanu; na'aatinak, ut li raatin taatz'aqloq ru.

Oseas 4:3

Jo'kan naq ra xch'ooleb' chixjunil li tenamit ut maak'a'eb' chik xmetz'ew li wankeb' chisa'; jun kamikeb' li k'iche'il xul, eb' li neke'rupupik chiru choxa jo' ajwi' eb' li kar sa' palaw.

Jeremías 12:4

Jo' najtil chik taawanq li ch'och' chi ra sa' xch'ool ut chaqi aj chik li pim sa'eb' li tzuultaq'a? Xb'aan li xmaa'usilaleb' li poyanam xe'osoje'k eb' li ketomq ut eb' li xik'anel xul. Xb'aan naq neke'xye: “Li Qaawa' ink'a' naxnaw li naqab'aanu”, chankeb'.

Isaías 50:3

Laa'in nin'ak'ab'ob'resi ru li choxa, chanchan junaq li naxtiqib' rib' rik'in q'eqi t'ikr xb'aan xrahil xch'ool”.

Isaías 5:30

Naq taawulaq xkutankil, li tenamit a'an tixjap chaq re jo' xyaab' li palaw naq taachalq sa' xb'eeneb' laj Israel; ut wi wank junaq taaril li ruuchich'och', tixk'e reetal naq junes aak'ab' ru ut rahil ch'oolej, ut maak'a'aq chik li saqenk xb'aan li choql.

Apocalipsis 6:12

Naq li Karneer kixte li xwaq tz'apleb', kiwil, ut kiwank jun nimla hiik; li saq'e kiq'eqo'k jo' jun li t'ikr mutzuk ru, li po kikanaak chixjunil chanchan kik'

Hebreos 7:21

a'ut li Jesus kixaqab'aak rik'in jurament xb'aan li Yos li kixye: “Kixye li Qaawa' rik'in xjurament ut ink'a' taach'inanq xch'ool: «Laa'at aj tij chi junelik»”.

Efesios 1:11

Sa' xk'ab'a' ajwi' li Kriist kooxaqab'aak chaq chi eechanink, sik'b'il chaq qu chi junxilaj jo' chanru ki'alaak sa' xch'ool li Yos li nab'aanunk re chixjunil, a' yaal chanru li xk'a'uxl ut li rajom,

Efesios 1:9

Kixk'e chiqanaw li xmuqmuukil na'leb', li ki'alaak sa' xch'ool ut kixk'uub' sa' xk'ab'a' li Kriist,

San Lucas 23:44

Ak wa'leb' tana naq kimoy ru li saq'e ut ki'aak'ab'o'k sa' xb'een chixjunil li ruuchich'och' toj sa' oxib' honal.

San Marcos 15:33

Sa' wa'leb', ki'aak'ab'o'k sa' xb'een chixjunil li ruuchich'och' toj sa' oxib' honal.

San Mateo 27:45

Chalen wa'leb' toj sa' oxib' honal ki'aak'ab'o'k sa' xb'een chixjunil li ruuchich'och'.

Joel 1:10

Nakirnak aj chik eb' li k'aleb'aal; rahil ch'oolej rilb'al li ch'och', xb'aan naq x'oso'k li triiw, xe'chaqik li uub' ut xe'tz'umaje'k li oliiw.

Oseas 13:14

Ma tinkol tab'i' chiru li muqleb'aal kamenaq? Ma twisi tab'i' sa' ruq' li kamk? At kamk, b'ar wank laawankil? B'ar wank laatiq'leb', at muqleb'aal kamenaq? Ink'a' twil xtoq'ob'aal ru laj Efraín.

Ezequiel 24:14

Laa'in, li Qaawa', xinye li waatin ut jo'kan taa'uxmanq. Ink'a' tinjal ru li waatin; ink'a' twil xtoq'ob'aal aawu chi moko taaraho'q linch'ool chawix. Jo' chanru laayehom ut laab'aanuhom, jo'kan ajwi' tinraqoq aatin sa' aab'een»”, chan li Qaawa'.

Jeremías 30:24

Maajoq'e taach'anaaq xjosq'il li Qaawa' toj reetal tixb'aanu ut tixtz'aqob'resi ru li x'alaak sa' xch'ool xb'aanunkil. Ut a'in ink'a' neketaw ru anaqwan, ab'an teetaw xyaalal sa' junaq kutan.

Jeremías 23:20

Maajoq'e taaraqe'q li xjosq'il li Qaawa' toj tixb'aanu li k'aru wank sa' xch'ool xb'aanunkil. Taawulaq xkutankil naq laa'ex toxeetaw xyaalal eb' a k'a'aq re ru a'in.

Jeremías 23:10

Nujenaq li tenamit chi aj muxuleb' sumlaak; junes maa'usilal naxik wi' xch'ooleb' li poyanam, ut neke'roksi li xwankileb' chi xb'aanunkil li ink'a' us. Jo'kan naq majewanb'il li ruuchich'och' xb'aan li Qaawa'; xe'chaqik li ha' ut xk'ate'k li pim sa' li chaqich'och'.

Jeremías 14:2

“Judá yo chi yaab'ak xb'aan xrahil xch'ool; yookeb' li kamk eb' li xtenamit ut neke't'anaxink li poyanam chiru ch'och'. Japjo re Jerusalén xb'aan li rahilal.

Jeremías 12:11

Nayamnak ut nakirnak xe'xkanab' chi q'axal toq'ob'aal ru; po'lem xkanaak chixjunil, ab'an maajun naraho'k b'ayaq xch'ool chirix.

Jeremías 7:16

“At Jeremías, mattijok chirix li tenamit a'in, mattz'aamank chiwu chi moko chat-elajinq chirixeb'. Maawelaji wu xb'aan naq moko tatwab'i ta.

Isaías 34:4

Sachaamilaqeb' li chahim, li saq'e ut li po, li choxa tixmoch rib' jo' junaq hu; ut chixjunileb' li chahim li wankeb' chiru choxa te'chupq jo' naq natz'umaak li xtux li uub', kama' naq naq'ano'k li xxaq li xche'el li iig.

Isaías 24:4

Ra rilb'al li ch'och' naq yo chi chaqik ru, li ruuchich'och' yo chi oso'k ut chi sachk; k'ajo' naq ra sa' xch'ool chixjunil li choxach'och'.

1 Samuel 15:29

Li Qaawa' a'an li xloq'al eb' laj Israel, ut ink'a' natik'ti'ik chi moko nawiib'ank xch'ool, xb'aan naq maawa' yal winq re naq tixjal xk'a'uxl”.

Jeremías 51:12

Taqsihomaq li eetalil naq tex'ok chi xjuk'b'al li xsuttz'akil Babilonia. K'ehomaq naab'aleb' laj puub' aran, xaqab'omaqeb' li te'k'aak'alenq ut kawresihomaq eb' li te'ramoq sa'atqeb' li b'e. Xb'aan naq li Qaawa' xk'uub'ank re a'in ut tixb'aanu li kixye chaq junxil chirixeb' laj Babilonia.

Lamentaciones 2:17

Li Qaawa' xb'aanu li k'uub'k'u xb'aan; xtz'aqlok ru li raatin yeeb'il chaq junxil. Li Yos xjuk'uk chi ink'a' xril xtoq'ob'aal aawu; ut xk'e li xik' na'ilok aawe chi xq'axb'al aawu ut chi saho'k sa' xch'ool.

Zacarías 8:14

“Jo'ka'in naxye li Nimajwal Yos: Laa'in kexink'e raj chi rahob'tesiik xb'aan naq ke'xchiq' injosq'il leemama' leerixa'an, ut ink'a' kinjal link'a'uxl -chan li Nimajwal Yos-.