Jeremías 4:24 - Q'eqchi Bible

²⁴ Kiwil eb' li k'iche' ut kink'e reetal naq neke'heetank sa' li xna'ajeb'; chixjunileb' li tzuul neke'chiq'lok sa' xna'ajeb'.

Li Santil hu

²⁴ Quin-iloc saꞌ eb li tzu̱l ut quinqꞌue retal nak yo̱queb chi ecꞌa̱nc saꞌ xnaꞌajeb. Eb li cocꞌ bol yo̱queb chi tꞌanecꞌ.

Jeremías 4:24 ပူးပေါင်းရင်းမြစ်များ

Ezequiel 38:20

Eb' li kar sa' li palaw, eb' li xik'anel xul, eb' li josq' aj xul ut eb' li k'anti' siksootqeb' chiwu; jo'kanaqeb' ajwi' chixjunileb' li poyanam sa' li ruuchich'och'. Te'uq'je'q chaq eb' li tzuul, te'tolk'oqje'q chaq eb' li saqoonak ut te't'anje'q eb' li suttz'ak.

Jeremías 10:10

A'ut li Qaawa' a'an li tz'aqal Yos: A'an li yo'yookil Yos ut li Rey wank chi junelik. Naq najosq'o'k li Qaawa', nahich'hotk li ruuchich'och'; ut eb' li tenamit ink'a' neke'xkuy li xjosq'il li Yos.

Isaías 5:25

Jo'kan naq xchalk xjosq'il li Qaawa' sa' xb'een li xtenamit ut xk'eheb' chi xtojb'al li xmaakeb'. Xe'eek'anje'k li tzuul sa' li xna'ajeb' ut t'ant'ookeb' sa' b'e xe'kanaak eb' li kamenaq jo'keb' li mul. Ab'anan li Qaawa' toj maji' naraqe'k li xjosq'il, ut toj yo ajwi' chi rahob'tesink.

Miqueas 1:4

Te'uq'e'q eb' li tzuul rub'eleb' li roq, chanchanaqeb' li waakab' naq naha'o' chi xk'atq li xam; te'jachje'q eb' li taq'a jo' tawi' setb'ilaqeb' xb'aan xkawil oq junaq nima'.

Salmos 97:4

Nasaqeno'k li ruuchich'och' xb'aan raq' li kaaq: k'ajo' naq naxsiksiki rib' li ch'och' rik'in rilb'al a'an.

Salmos 18:7

Sa' linrahilal xinyaab'a xk'ab'a' li Qaawa', xintz'aamank, xin'elajink chiru linYos, ut A'an toj sa' li xloq'laj na'aj xinrab'i: lix yaab' inkux xwulak toj rik'in.

1 Reyes 19:11

Kichaq'ok li Qaawa' ut kixye: “Elen chaq ut xaqab' aawib' chiru li Qaawa', sa' xb'een li tzuul”. Toja' naq li Qaawa' kinume'k ut kiwank jun kawil kaqsut-iq' li kixjach li tzuul ut kilajxjor eb' li pek chiru li Qaawa'; ab'an li Qaawa' maa'ani sa' li kaqsut-iq'. Chirix li kaqsut-iq' aka' chik li hiik; ab'an li Qaawa' maa'ani sa' li hiik.

Habacuc 3:10

Neke'siksotk eb' li k'iche' naq nakate'ril; chanchan li b'ut'iha' naq xchalk sa' choxa. Kaw x'eek'ank xyaab' li palaw, ut najt nataqe'k li xkaw oq.

Habacuc 3:6

Naxhich'hich'i rib' li ch'och' naq naxaqliik li Qaawa', ut eb' li tenamit neke'xiwak naq na'ilok. Nalaje'uq'e'k eb' li najter tzuul ut neke'ha'o'k eb' li mayer b'ool, a'ut li xb'e li Qaawa' wank chi junelik.

Jeremías 8:16

Chalen chaq Dan neke'xeeyank chi chalk li xkawaayeb'; neke'tz'ejnak chi chalk, nachiq'lok li ch'och'. Chalkeb' re chi xsachb'al li tenamit jo'wi' chixjunil li xsahil eechej; te'xjuk'iheb' li na'ajej ut jo'k'ihaleb' li wankeb' chisa'”.

Salmos 77:18

Eb' li choql ke'xhoy chaq li hab', ki'eek'anje'k li kaaq sa' choxa, chanchaneb' ral simaj naq ke'replokje'k li raq'kaaq.

Apocalipsis 6:14

Li choxa ki'isiik kama' nab'ote'k junaq hu, ut chixjunileb' li tzuul ut li na'ajej sutsuukeb' xb'aan li palaw kilaje'eek'asiik sa' xna'ajeb'.

Éxodo 19:18

Nab'uquqnak xsib'el li tzuul xb'aan naq li Qaawa' xkub'eek sa' xb'een a'an sa' xam. Nataqe'k xsib'el jo' xsib'el junaq oorn, ut chixjunil li tzuul nahich'lok chi q'axal kaw.

Jeremías 9:10

“Chexyaab'aq ut chexq'oqonq chirixeb' li tzuul, b'ichahomaq junaq b'ich re rahil ch'oolej chirixeb' li taq'a, xb'aan naq xe'choqleek ut maajun chik nanume'k aran. Ink'a' chik neke'me'lok li wakax; eb' li xik'anel xul chiru choxa ut eb' li josq' aj xul xe'elelikje'k.

Isaías 13:13

Toja' naq li choxa taa'eek'anq sa' xna'aj ut li ruuchich'och' taahich'hich'iiq li rub'elankil xb'aan xxamlel linjosq'il sa' li kutan a'an.

Isaías 24:20

Taktotq aj chik li ruuchich'och' jo' junaq kalajenaq, ut taat'uyleeq jo' na'uxk re li ab'. K'ajo' raalal li maak sa' xb'een: taat'ane'q ut ink'a' chik taawakliiq.