Jeremías 4:19 - Q'eqchi Bible

¹⁹ Jwal nayot'e'k linch'ool ut q'axal namayok li waanm, ka'aj chik maa na'elk linch'ool sa' li xna'aj. Ink'a' ninkanab' xjapb'al we chi aatinak xb'aan naq yookin chi rab'inkil xyaab'eb' li pur li yo chi b'oqok re xik chi yalok.

Li Santil hu

¹⁹ Kꞌaxal ra cuanquin. Incꞌaꞌ chic nincuy. Cau na-ecꞌan li cua̱m. Chanchan e̱lc re saꞌ xnaꞌaj. Incꞌaꞌ naru tincana̱k chi incꞌaꞌ tina̱tinak xban nak yo̱quin chirabinquil xya̱b li trompetas retalil nak ticla̱c re li ple̱t.

Jeremías 4:19 ပူးပေါင်းရင်းမြစ်များ

Habacuc 3:16

Naq xwab'i a'in, k'ajo' naq xxiwak xsa' linsa'; xb'aan li xyaab' aakux ink'a' chik ninruuk chi aatinak, ut x'ok jun raxkehob' sa' chixjunil linb'aqel: neke'parpotk eb' li woq sa' linb'eenik. Ab'an k'ojk'o linch'ool royb'eninkil li xkutankil li rahilal taachalq sa' xb'eeneb' li neke'rahob'tesink qe.

Isaías 22:4

Jo'kan naq xinye: “Elenqex chiwu ut kanab'omaqin injunes chi yaab'ak xb'aan xrahil linch'ool; meech'i'ch'i'i eerib' chi xk'ojob'ankil li waanm xb'aan li roso'jik lintenamit”, chankin.

Isaías 16:11

Jo'kan naq nachiq'lok xsa' linsa' xb'aan Mohab ut nayot'e'k li waanm chirix Kir-Jaréset.

Jeremías 9:10

“Chexyaab'aq ut chexq'oqonq chirixeb' li tzuul, b'ichahomaq junaq b'ich re rahil ch'oolej chirixeb' li taq'a, xb'aan naq xe'choqleek ut maajun chik nanume'k aran. Ink'a' chik neke'me'lok li wakax; eb' li xik'anel xul chiru choxa ut eb' li josq' aj xul xe'elelikje'k.

Jeremías 9:1

Kama' taxaq jun yu'amha' linjolom, ut li xya'al wu kama' taxaq li roq nima' re yaab'ak chi q'eq ut chi kutan chirix lintenamit li xe'kamsiik!

Isaías 21:3

Jo'kan naq naxiwak xsa' linsa', nachalje'k inrahilal jo' li ixq ok re chi alank, nasachk inna'leb' xb'aan xrahil linch'ool ut k'ajo' naq ninxiwak xb'aan li nawil.

Gálatas 4:19

Ex walal ink'ajol, eeb'aan laa'ex wankin wi' chik sa' xrahil li alank toj reetal naq li Kriist taatz'ejwalo'q eerik'in.

Daniel 8:27

“Laa'in laj Daniel kinlub'k ut kinyajerk xb'aan, chiru naab'al kutan. Chirix chik a'an kinwakliik re k'anjelak wi' chik chiru li awab'ej. Ab'anan toj sachso linch'ool chirix li moy u, xb'aan naq ink'a' ninruhank chi xtawb'al xyaalal.

Daniel 7:15

“Laa'in laj Daniel k'ajo' naq ki'ok ink'a'uxl chirix chixjunil a'in, tik kisachk inna'leb' xb'aan li kiwil sa' moy u.

Isaías 15:5

Naraho'k linch'ool chirix Mohab; eb' li wankeb' aran xkoheb' eelel toj Sohar, Eklat-Selisiyá. Naq yookeb' chi taqsink Luhit, k'ajo'eb' li xyaab', neke'ruk' wi' li xya'al ruheb' naq yookeb' chi xik Joronáhin.

Salmos 116:7

K'ojk'o li waanm anaqwan xb'aan naq li Qaawa' xrusila wu.

Romanos 10:1

Ex was wiitz'in, a'an a'in li naxrahi linch'ool ut li nintz'aama chiru li Yos: naq che'kole'q eb' laj Israel.

Amós 3:6

Ut naq na'eek'ank li pur sa' li tenamit, ma ink'a' tab'i' neke'xiwak eb' li poyanam? Ma taachalq junaq rahilal sa' xb'een li tenamit wi ink'a' taqlanb'il chaq xb'aan li Yos?

Daniel 7:28

“Arin kiraqe'k resil linmatk'. Laa'in laj Daniel k'ajo' naq ki'ok ink'a'uxl ut kichalk inxiw; ab'anan kink'uula sa' inch'ool chixjunil a'in ut maa'ani aj e kinseeraq'i li k'aru kiwil”, chan laj Daniel.

Lamentaciones 2:11

Ink'a' chik nin'ilok xb'aan li yaab'ak, ink'a' chik ninkuy ut kamk we, xb'aan naq xsache'k lintenamit; eb' li kok'al ut eb' li toj yookeb' chi tu'uk neke'kamk sa' xyi li tenamit xb'aan li tz'okaak.

Lamentaciones 1:16

Jo'kan naq ninyot'e'k chi yaab'ak, nat'ululnak xya'al li wu, xb'aan naq maajun nak'ojob'ank inch'ool; maa'ani naru nak'ehok xkawub' li waanm. Q'axal ra xe'kanaak eb' li walal ink'ajol, xb'aan naq eb' li xik' neke'ilok qe xe'xq'ax qu.

Jeremías 23:9

Xmaakeb' li propeet aj b'alaq': “Q'axal namayok linch'ool -chan laj Jeremías-, nasiksotk chixjunil linjunxaqalil, sa' xk'ab'a' li Qaawa' ut li xloq'laj aatin; chanchan wi' yo inkalajik, jo' junaq winq li xruk' naab'al li b'iin.

Jeremías 20:9

Rajlal naq ninye: “Ink'a' chik tink'oxla li Qaawa' chi moko tin'aatinaq chik sa' xk'ab'a' A'an”, ab'anan laawaatin chanchan jun li xam lochlo sa' linch'ool, li naxk'at chaq xsa'eb' linb'aqel. Us ta nawaj raj xchupb'al, ab'anan ink'a' ninruuk xb'aanunkil.

Jeremías 13:17

Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

Jeremías 4:21

Jo' najtil chik yooqin rilb'al li reetalil li yalok ut yooqin rab'inkil xyaab'eb' li pur?

Jeremías 4:5

“Yehomaq li esilal a'in reheb' laj Judá ut puktesihomaq reheb' laj Jerusalén. Yaab'asihomaq li pur yalaq b'ar sa' li na'ajej a'in ut yehomaq resil chi kaw xyaab' leekux: «Ch'utub'omaq eerib' ut yo'qeb' sa'eb' li kawub'resinb'il tenamit.

Salmos 146:1

Aleluya! Tinnima ru li Qaawa' chi anchal linch'ool.

Salmos 119:136

Chanchan roqha' li xya'al wu xb'aan li yaab'ak, xb'aan naq nawil naq ink'a' neke'xpaab' laachaq'rab'.

Salmos 119:53

K'ajo' naq nachalk injosq'il xmaakeb' li ink'a' useb' xna'leb', a'eb' li neke'q'etok re laawaatin.

Salmos 103:1

Xsaalm laj David. Tinnima ru li Qaawa' chi anchal linch'ool, toj sa' xchamal li waanm tinnima li xloq'laj k'ab'a'.

Salmos 16:2

Ninye re li Qaawa': “At inNa' at inYuwa', maak'a' chik us cho'q we, ka'ajwi' laa'at”.

Jueces 5:21

Li nima' Kisón, li najteril roqha' kikelonk reheb'. Kawaq aach'ool, at waanm, b'ehen chi maak'a'aq aaxiw!

Números 10:9

“Naq akaq wanqex sa' leech'och' ut texxik chi yalok rik'ineb' li xik' neke'ilok eere, yaab'asihomaq li tronpeet chi yo'oon xyaab'; chi jo'kan texjultiko'q re li Qaawa' leeYos ut texxkol chiruheb' li xik' neke'ilok eere.

Génesis 49:6

Sa' li xmolameb' ink'a' taxaq chat-ok, at waanm; maajunaji taxaq aawib' sa' li xch'utameb', at inch'ool, xb'aan naq sa' xjosq'ileb' ke'kamsink poyanam ut sa' li xq'etq'etileb' ke'xseti roqeb' li wakax.

1 Corintios 14:8

Ut wi ta li tronpeet ink'a' saqenk taa'eek'anq, ani tixkawresi rib' re xik chi yalok?

Jeremías 6:24

Ut eb' laj Jerusalén ke'xye: “Naq xqab'i li esilal a'in, xookanaak chi maak'a' chik qametz'ew xb'aan qaxiw; k'ajo' naq xmayok sa' li qach'ool chi k'oxlak ut ra wanko jo' junaq ixq ok re chi alank.

Jeremías 8:21

Namayok li waanm chirix li xrahilal lintenamit; li xiwak x'eechanink we ut li rahil ch'oolej yo chinkamsinkil.

Jeremías 42:14

rik'in xyeeb'al: «Jwal us tooxik Ejiipt, b'arwi' ink'a' chik tqil li raaxiik' chi moko tqab'i xyaab'eb' li pur, chi moko tookamq xb'aan li we'ej»,

Jeremías 49:2

“Jo'kan naq chalk re xkutankil naq aran Rabá, sa' xteepal Amón, taa'ab'imanq li xyaab' kuxej re yalok ut po'lem taakanaaq wi' li tenamit a'an; te'k'atmanq eb' li poyanam ut eb' laj Israel te'reechani wi' chik li na'ajej kimaq'e'k chiruheb' -chan li Qaawa'-.

Jeremías 50:22

Yo li raaxiik' sa' li tenamit ut k'ajo' xyaab' li nimla rahilal!

Daniel 4:19

Toja' naq laj Daniel, Beltsasar nayeemank re, kisachk xch'ool ut mem kikanaak chiru jun k'amok xb'aan li xk'a'uxl. Ab'an li awab'ej kixye re: “Matxiwak, a Beltsasar, ut mi'ok aak'a'uxl xb'aan li matk' a'in chi moko xb'aan li xyaalal”. Kichaq'ok laj Beltsasar ut kixye: “At awab'ej, rehaqeb' taxaq li xik' neke'ilok aawe li matk' a'in; ut chinaq ta li xyaalalil sa' xb'eeneb' li neke'majewank aawe.

2 Reyes 4:19

“Jwal ra linjolom, jwal ra linjolom!”, chan li ch'ina'al. Toja' naq li yuwa'b'ej kixye re jun laj k'anjel: “K'am rik'in li xna'”.

2 Reyes 8:11

Chirix chik a'an laj Eliseo kixka'ya laj Jasahel jun k'amok ut ki'ok chi yaab'ak.

Isaías 21:4

Tik xsachk inna'leb' ut nachalk ke chiwix xb'aan linxiw; xiwajel aj chik cho'q we naq na'ewuuk ut ink'a' chik sa wankin naq na'ok li q'oqyink.

Jeremías 8:18

Q'axal ra sa' inch'ool, ka'aj chik maa ninkamk.

Lamentaciones 1:20

Ilin, at Qaawa', sa' li rahilal wankin wi'. Nayot'e'k linch'ool, nab'aqaqnak li waanm xb'aan li maak xinb'aanu: xinq'etq'eti wib' chawu. Chirix kab'l yookeb' chi kamsiik eb' li walal ink'ajol, ut sa' li kab'l yo ajwi' li kamk.