Jeremías 4:11 - Q'eqchi Bible

¹¹ Chiruheb' li kutan a'an taayeemanq reheb' li poyanam a'in ut reheb' laj Jerusalén: “Chalk chaq re sa' li chaqich'och' jun tiqwal iq' sa' xb'een lintenamit. A'an maawa' iq' re xpuuxinkil ru li triiw,

Li Santil hu

¹¹ Ta̱cuulak xkꞌehil nak ta̱yehekꞌ reheb li tenamit aꞌin ut reheb laj Jerusalén chi joꞌcaꞌin: Chanchan jun li tikcual ikꞌ li ta̱cha̱lk saꞌ li chaki chꞌochꞌ. Ma̱cuaꞌ li kꞌunil ikꞌ li narisi rix li trigo.

Jeremías 4:11 ပူးပေါင်းရင်းမြစ်များ

Oseas 13:15

Us ta laj Efraín taa'atz'umaq jo' li pim, taachalq li tiqwal iq' sa' xjayal releb'l saq'e; taawakliiq chaq sa' li chaqich'och' ut tixchaqihob'resi chixjunileb' li yu'amha' jo'wi' eb' li releb'aal li ha'. Ut taamaq'e'q chixjunil li xb'ihomal jo' ajwi' jo'nimal jwal chaab'il li wank re.

Ezequiel 17:10

Wi taa'awliiq sa' jalan chik na'ajej, ink'a' taak'iiq. Naq taa'apunq li iq' li taachalq sa' releb'l saq'e, taachaqiq chi junajwa. Taachaqiq sa' li ch'och' awb'il wi'»”.

San Lucas 3:17

Ak wan chaq xk'anjelob'aal sa' li ruq' re xyamtesinkil li xch'oxleb'aal: tixk'uula li xtriiw sa' li xk'uuleb'aal, ab'an li xk'imal tixk'at sa' xam li maajoq'e taachupq”.

San Mateo 3:12

Ak wan chaq xk'anjelob'aal sa' li ruq' ut tixyamtes li xch'oxleb'aal: tixk'uula li xtriiw sa' li xk'uuleb'aal, ab'an li xk'imal tixk'at sa' xam li maajoq'e taachupq”.

Oseas 13:3

Jo'kan naq te'oso'q jo' li eq'laakil choql, jo' li xchu'ke li nasachk chi junpaat; jo'kaqeb' li k'im li nasaapuuk xb'aan li iq' ut jo'kaqeb' li sib' na'elk sa' li b'entaan.

Ezequiel 19:12

Ab'anan kimich'e'k sa' josq'il, ut t'ant'o kikanaak chiru ch'och'. Kichaqik xb'aan xtiqwal li iq', ut ke't'ane'k eb' li ru; ke'chaqik li xkawil uq' ut ke'kutmank sa' xam.

Lamentaciones 4:6

Li xmaak lintenamit naxq'ax ru li xmaa'usilal li tenamit Sodoom, li kisache'k ru chi junpaat chi maajun junaq kitenq'ank re.

Lamentaciones 4:3

A'atqeb' li ixqi xojb' neke'xk'e xtu' eb' li ral; ab'an lintenamit jalan chik li xk'a'uxl: neke'xkanab' sa' b'e eb' li k'uula'al, jo' naxb'aanu laj tak' ra' sa' chaqich'och'.

Lamentaciones 3:48

Chanchan roqha' li xya'al wu naq ninyaab'ak, xb'aan xsachik linraarookil tenamit.

Lamentaciones 2:11

Ink'a' chik nin'ilok xb'aan li yaab'ak, ink'a' chik ninkuy ut kamk we, xb'aan naq xsache'k lintenamit; eb' li kok'al ut eb' li toj yookeb' chi tu'uk neke'kamk sa' xyi li tenamit xb'aan li tz'okaak.

Jeremías 23:19

K'ehomaq reetal naq xchalk xjosq'il li Qaawa', jo' jun kaqsut-iq' li xchalk sa' xb'eeneb' li neke'b'aanunk maa'usilal.

Jeremías 14:17

Ye reheb' li tenamit li aatin a'in: «Chi q'eq ut chi kutan ink'a' ninkanab' li yaab'ak xb'aan li nimla rahilal yo xk'ulb'al lintenamit, k'ajo' xnimal li xtiq'ilal!

Jeremías 9:7

Jo'kan naq li Qaawa', li Nimajwal Yos, kixye chi jo'ka'in: “Tinrahob'tesi lintenamit re xch'ajob'resinkileb', xb'aan naq k'a' ta chik ru tinb'aanu reheb' re te'usaaq?

Jeremías 9:1

Kama' taxaq jun yu'amha' linjolom, ut li xya'al wu kama' taxaq li roq nima' re yaab'ak chi q'eq ut chi kutan chirix lintenamit li xe'kamsiik!

Jeremías 8:19

Yalaq b'ar na'ab'imank li xyaab'eb' lintenamit: “Ma maa'ani chik li Qaawa' aran Sión? Ma maak'a' chik li awab'ej aran?”, chankeb'. Ut li Qaawa' kichaq'ok ut kixye rehab': “K'a'ut naq xe'xchiq' injosq'il xb'aaneb' li xjalanil yoseb', li maak'a' neke'ok wi' chi moko nawb'ileb' ru”, chan.

Isaías 64:6

Chiqajunilo laa'o chanchan muxb'il qu, ut li tiikilal naqab'aanu kama' wi' jun li t'ikr tz'ajn ru. Xoot'ane'k chiqajunilo jo' li xxaq li che' naq natz'umaak, ut xook'ame'k xb'aaneb' li qamaak jo' naq na'apunk li kawil iq'.

Isaías 41:16

Taakuteb' chi najt ut li iq' taak'amoq reheb', te'cha'cha'iiq xb'aan li kaqsut-iq'; a'ut laa'at taasaho'q laach'ool rik'in li Qaawa', taanimob'resi aawib' sa' xk'ab'a' li xSant laj Israel.

Isaías 27:8

Kixrahob'tesi li xtenamit naq kirisi sa' li xna'ajeb' ut kixtaqlaheb' sa' jalanil tenamit; kiraanilasiheb' chi najt xb'aan li xxiwajel josq'il, jo' naq na'apunk li kawil iq' nachalk sa' xjayal releb'l saq'e.

Isaías 22:4

Jo'kan naq xinye: “Elenqex chiwu ut kanab'omaqin injunes chi yaab'ak xb'aan xrahil linch'ool; meech'i'ch'i'i eerib' chi xk'ojob'ankil li waanm xb'aan li roso'jik lintenamit”, chankin.

Lamentaciones 4:10

A'atqeb' ajwi' li chaab'il na'b'ej xe'xchiq li xkok'al cho'q xtzekemqeb': rahil tzekemq xkanaak wi' cho'q reheb' sa' li kutan ki'oso'k wi' lintenamit Jerusalén.

Salmos 11:6

Tixtaqla chaq xam ut asuupr sa' xb'eeneb' li wankeb' xmaak, ut tixq'ajkamuheb' rik'in kaqsut-iq' li tixk'at chixjunil.

Jeremías 4:12

a'an b'an jun kawil iq' li taachalq chi xb'aanunkil li nintaqla wi', xb'aan naq ok we chi raqok aatin sa' xb'eeneb' a'an”.

Jeremías 13:24

Jo'kan utan texincha'cha'i jo' li k'im naq nak'ame'k xb'aan li iq' nachalk sa' li chaqich'och'.

Habacuc 1:6

Ok we chi xwaklesinkil chaq eb' laj Kaldeha sa' eeb'een: a'an jun tenamit q'axal josq' ut junelik yo'oon wankeb' chi xik yalaq b'ar sa' ruuchich'och' chi reechaninkileb' li na'ajej li moko reheb' ta.

Habacuc 1:11

Neke'nume'k jo' li kaqsut-iq'; chirix chik a'an neke'sachk chi k'ojk'o xch'ooleb' rik'in li xkawilaleb': a'an tz'aqal neke'xk'e cho'q xyoseb'”.

Oseas 4:19

K'amb'ilaqeb' yalaq b'ar xb'aan li iq' naq te'oso'q, ut q'axal te'xutaanaq xb'aan naq xe'xmux li xpaab'aaleb'.