Jeremías 39:4 - Q'eqchi Bible

⁴ Naq laj Sedesías, li awab'ej re Judá, ut chixjunileb' laj puub' ke'ril li yo chi k'ulmank, ke'elelik chiru q'oqyink sa' li tenamit, sa' xb'ehil li rawimq li awab'ej; ke'nume'k sa' xyanqeb' li suttz'ak ut ke'xchap xb'e re xik Arabá.

Li Santil hu

⁴ Nak laj Sedequías lix reyeb laj Judá ut eb lix soldados queꞌrileb lix soldados li xicꞌ nequeꞌiloc reheb, queꞌe̱lelic chiruheb. Chiru kꞌojyi̱n queꞌel saꞌ xnaꞌaj li racui̱mk li rey saꞌ li oqueba̱l li cuan saꞌ xyi li cuib chi tzꞌac ut queꞌco̱eb saꞌ li be li naxic Arabá.

Jeremías 39:4 ပူးပေါင်းရင်းမြစ်များ

Amós 2:14

Toja' naq li kaw na'aanilak ink'a' tixkuy elelik; li kaw xmetz'ew maak'a' chik taa'ok wi' chi moko li kaw rib' tixkol li xyu'am.

2 Crónicas 32:5

Chi q'axal kaw xch'ool, laj Esekías kixtaqla xwaklesinkil chixjunileb' li suttz'ak t'anjenaqeb', kixyiib'atq najt xteramil ochoch sa' xb'eeneb', kixk'e chi yiib'aak jun chik suttz'ak chirixeb' li ak wankeb', kixkawub'resi chi us li na'ajej Miló xk'ab'a' sa' xtenamit laj David, ut q'axal naab'aleb' li jutz' ch'iich' ut xkolb'aleb' rib' laj puub' kixyiib'.

Ezequiel 12:12

Li awab'ej li najolomink eere, taariiqa li k'a'aq re ru re ut, chiru li q'oqyink, taa'elq sa' xhopolal li tz'ak li teeyiib' laa'ex. Tixtz'ap li ru re naq ink'a' taaril li na'ajej naq taa'elq.

Deuteronomio 28:25

Li Qaawa' tixk'e naq eb' li xik' neke'ilok aawe te'xq'ax aawu: sa' jun ruq'b'e toxaak'uleb' ut sa' wuqub' chik ruq'b'e tat-eleliq chiruheb', ut laa'at xiwajelaqat chiruheb' chixjunil li awab'ejilal sa' ruuchich'och'.

Levítico 26:36

“Jo'k'ihaleb' sa' eeyanq te'kole'q, teb'ink'e chi xiwak ut te'eleliq naq te'rab'i chi t'ane'k junaq xxaq li che'; te'eleliq kama' tawi' naq yooqeb' chi elelik sa' li yalok, ut te't'ane'q chi maajun taa'aanilasinq reheb'.

Levítico 26:17

Laa'in tinjosq'o'q eerik'in ut eb' li xik' neke'ilok eere te'xq'ax eeru; te'numtaaq sa' eeb'een eb' li neke'kaqalink eere, ut tento tex'eleliq chi maajun taa'aanilasinq eere.

Isaías 22:11

Sa' xyanqeb' li suttz'ak xeyiib' jun li kumb' re xxokb'al li ha' li wank sa' li q'eel kumb'. Ab'anan ink'a' xek'e reetal naq a' li Qaawa' kib'aanunk re chixjunil a'an, ut ink'a' xek'oxla ani kik'uub'ank re a'an chalen chaq junxilaj.

Jeremías 32:4

ut laj Sedesías, li awab'ej, ink'a' taakole'q sa' ruq'eb' laj Kaldeha, taaq'axtesiiq b'an sa' ruq' li awab'ej re Babilonia ut te'aatinaq chirib'ileb' rib'.

Ezequiel 12:4

Chi kutan ut chiruheb' chixjunileb' taaxok li k'a'aq re ru aawe, jo' tawi' xik aawe sa' jalanil na'ajej; ut ewu taachap aab'e chiruheb', jo' li naxik chi najt chi preexil.

Isaías 22:3

Chixjunileb' li neke'jolomink eere junxikikeb' naq xe'elelik chiru li simaj re xkolb'aleb' rib', ut xe'chape'k naq yookeb' chi xik us ta ak najt xe'wulak.

Isaías 29:2

toja' naq tink'e li tenamit a'in sa' rahilal, ut taawanq yaab'ak ut tz'uyink; ut laa'ataq tz'aqal jun li artal nujenaq chi kik'.

Jeremías 32:5

Laj Nabukodonosor tixk'am laj Sedesías toj Babilonia, b'arwi' twanq toja' re naq laa'in tinraqoq aatin sa' xb'een. Us ta laa'ex texyaloq rik'ineb' laj Kaldeha, moko us ta tex'elq», chan li Qaawa'”.