Jeremías 39:2 - Q'eqchi Bible

² Ak b'eleeb' kutan xb'e li xka po re li xjunlaju chihab' rokik laj Sedesías cho'q awab'ej, eb' laj Kaldeha ke'xte jun li okeb'aal sa' li xsuttz'akil li tenamit,

Li Santil hu

² Saꞌ li bele̱b xbe li xca̱ po nak yo̱ junlaju chihab roquic chokꞌ rey laj Sedequías, nak eb laj Babilonia queꞌxtꞌan li tzꞌac li sutsu cuiꞌ Jerusalén.

Jeremías 39:2 ပူးပေါင်းရင်းမြစ်များ

Sofonías 1:10

Jo'ka'in xye li Qaawa': “Sa' li kutan a'an taa'ab'imanq xyaab' kuxej chi xtz'aamankil xtenq'ankileb' chalen toj sa' li Okeb'aal reheb' li kar. Japjo'qeb' re chi tz'uyink sa' li Ak' Na'ajej ut taa'ab'iiq xyaab'eb' li tzuul li yooqeb' chi uq'e'k.

Ezequiel 33:21

Oob' kutan chik xb'e li xlaje po re li kab'laju chihab' qak'amb'al aran Babilonia, kol'elq wik'in jun li winq ki'elelik chaq Jerusalén, ut kixye we: “Li tenamit x'eechaniik xb'aaneb' li xik' neke'ilok qe”, chan we.

Jeremías 5:10

Okanqex sa' li tenamit ut sachomaq, ab'an moko teesach ta chi junajwa. Ka'ajwi' li ink'a' chaab'ileb' xch'ool teerisi, xb'aan naq moko weheb' ta.

Jeremías 1:3

Ki'aatinaak wi' chik naq laj Johakín, ralal laj Josías, kiwank cho'q awab'ej re Judá, junlaju chihab'aq rokik chi taqlank laj Sedesías, ralal laj Josías, sa' xb'eeneb' laj Judá, naraj naxye toj sa' ro' li po re li chihab' a'an, naq eb' laj Jerusalén ke'k'ame'k aran Babilonia.

Jeremías 32:1

Li Qaawa' kiraatina laj Jeremías naq ak lajeeb' chihab' rokik chi awab'ejink laj Sedesías aran Judá, ut ak waqxaqlaju xka'k'aal chihab' rokik chi awab'ejink laj Nabukodonosor.

Jeremías 34:22

Laa'in tinsutq'isiheb' chaq wi' chik ut te'chalq chi xsachb'al Jerusalén; te'reechani ut te'xk'e xxamlel. Ut nakirirnak te'kanaaq chixjunileb' li tenamit sa' xteepal Judá ut maajun chik poyanam taawanq chisa'”, chan li Qaawa'.

Jeremías 37:8

Eb' laj Kaldeha te'chalq wi' chik chi yalok rik'ineb' laj Jerusalén, te'reechani li tenamit ut te'xk'at.

Ezequiel 4:3

Chap ajwi' jun perelaq li ch'iich', taak'e sa' eeyanq laa'at rik'in li tenamit, jo' ruuchil junaq suttz'akil ch'iich', ut taaka'ya chi us li tenamit jo' tawi' yookat chi yalok rik'in. A'an jun eetalil cho'q reheb' laj Israel.

Ezequiel 5:2

Jun jachal laawismal taak'at sa' xyi li tenamit naq taaraqe'q xsutb'al rix Jerusalén. Li jun jachal chik taaxok ut taaseti chi ch'iich' chi junqre li tenamit; ut li rox jachal taakut sa' iq'. Toja' naq laa'in twaanilasiheb' chi ch'iich' eb' li poyanam.

Zacarías 8:19

“Jo'ka'in naxye li Nimajwal Yos: Li ayuunik chiru li xka po, li ro', li xwuq ut li xlaje po, a'anaq li xnimal sahil ch'oolej cho'q reheb' laj Judá; taasutq'iiq cho'q nimla ninq'e re paab'ank ut loq'onink. Cherahaq b'i' li tiikilal ut li tuqtuukilal.