Jeremías 38:6 - Q'eqchi Bible

⁶ Tikto eb' a'an ke'xchap laj Jeremías ut ke'xk'e sa' li xjulel xha' laj Malkías, ralal li awab'ej, li wank chiru xneb'aalil li rochocheb' laj k'aak'alenel. Ke'xkub'si laj Jeremías rik'in k'aam sa' li xjulel li ha'. Aran maak'a' chik ha', junes sulul aj chik wank chisa'; jo'kan naq laj Jeremías kisob'e'k sa' li sulul.

Li Santil hu

⁶ Joꞌcan nak queꞌxchap laj Jeremías ut riqꞌuin cꞌa̱m queꞌxcubsi saꞌ xjulel lix haꞌ laj Malquías li ralal laj Hamelec. Li jul aꞌan cuan saꞌ li neba̱l re li tzꞌalam. Ma̱cꞌaꞌ haꞌ chi saꞌ. Junes sulul xsaꞌ. Ut laj Jeremías quisubun saꞌ li sulul.

Jeremías 38:6 ပူးပေါင်းရင်းမြစ်များ

Jeremías 37:21

Toja' naq laj Sedesías, li awab'ej, kixye naq laj Jeremías taakanaaq sa' tz'alam, chiru xneb'aalil li rochocheb' laj k'aak'alenel, ut chik'eemanq junaq xwa rajlal kutan, xkomon eb' li neke'yiib'aak sa' li B'e reheb' laj yiib'ahom wa. Ut a'an tz'aqal ki'uxmank toj reetal kilajk li wa sa' li tenamit. Jo'ka'in naq kikanaak laj Jeremías chi tz'apam, chiru li xneb'aalil li rochocheb' laj k'aak'alenel.

Jeremías 38:22

Chixjunileb' li ixq li xe'kanaak sa' rochoch li awab'ej re Judá, te'isiiq ut te'q'axtesimanq sa' ruq'eb' li xjolomileb' li xsoldaad li awab'ej re Babilonia; ut eb' li ixq a'an yooqeb' chi xyeeb'al: «Xate'xb'alaq'i ut xe'numtaak sa' aab'een eb' laachaab'il amiiw. Naq xsob'e'k laawoq sa' sulul, xate'xkanab' aajunes», cha'qeb'.

Jeremías 37:16

Laj Jeremías kik'ehe'k sa' jun li jul ut aran kiwank chiru k'iila kutan.

Salmos 69:2

Chinaakol taxaq, at inYos, yo chi wulak li ha' toj chinkux.

Hechos 16:24

Ut a'an, naq kixk'ul li xchaq'rab'inkil, kixtiikisiheb' sa' tz'alam toj chisa' ut kixnat' li roqeb' sa' che'.

Zacarías 9:11

At Jerusalén, sa' xk'ab'a' li sumwank xinb'aanu aawik'in rik'in kik' twisiheb' chaq sa' li jul maak'a' ha' chisa' jo'k'ihaleb' li wankeb' chaq chi preexil.

Salmos 109:5

Li usilal ninb'aanu naq'ajkamuuk rik'in maa'usilal, ut xik' nikine'ril xb'aan naq ninrahok.

Salmos 40:2

Xink'ojob' linch'ool rik'in li Qaawa', ut a'an xk'utzub' chaq rib' re rab'inkil li xyaab' inkux.

Génesis 37:24

ke'xchap ut ke'xkut sa' li kumb', li maak'a' ha' chisa'.

Hebreos 10:36

Na'ajmank ru naq wanq eekuyum sa' li rahilal re xb'aanunkil li rajom li Yos ut xk'ulb'al li k'aru yeechi'inb'il chaq xb'aan.

Jeremías 36:26

Chirix chik a'an li awab'ej kixye re laj Jeramiel, li ralal, jo' ajwi' re laj Seraías, ralal laj Asriel, ut re laj Selemías, ralal laj Abdel, naq te'xchap laj Jeremías, li propeet, rochb'een laj Baruk, laj tz'iib'. Ab'an li Qaawa' ak kixmuqeb' chik.

Jeremías 32:2

Sa'eb' li kutan a'an, sutsu Jerusalén xb'aaneb' li xsoldaad li awab'ej re Babilonia, ut laj Jeremías b'ak'b'o chiru xneb'aalil li rochocheb' laj k'aak'alenel re li awab'ej re Judá.

Jeremías 38:13

Toja' naq eb' li winq ke'risi chaq li propeet chi kelonb'il ut ke'xkanab' chiru xneb'aalil li rochocheb' laj k'aak'alenel.

Daniel 6:16

Toja' naq li awab'ej kixtaqla xk'amb'al laj Daniel re naq taakute'q sa' xyanqeb' li kaqkoj. Ab'anan naq toj maji' nakutmank sa' xjuleb' li kaqkoj, laj Darío kixye re laj Daniel: “A' taxaq li Qaawa' laaYos, li nakak'anjela ru chi anchal laach'ool, chikoloq aawe sa' reheb' li kaqkoj”, chan. Ut ke'xkut sa' li jul.