Jeremías 38:22 - Q'eqchi Bible

²² Chixjunileb' li ixq li xe'kanaak sa' rochoch li awab'ej re Judá, te'isiiq ut te'q'axtesimanq sa' ruq'eb' li xjolomileb' li xsoldaad li awab'ej re Babilonia; ut eb' li ixq a'an yooqeb' chi xyeeb'al: «Xate'xb'alaq'i ut xe'numtaak sa' aab'een eb' laachaab'il amiiw. Naq xsob'e'k laawoq sa' sulul, xate'xkanab' aajunes», cha'qeb'.

Li Santil hu

²² Chixjunileb li ixk li cuanqueb saꞌ la̱ cuochoch teꞌisi̱k saꞌ li cab ut teꞌkꞌaxtesi̱k saꞌ rukꞌeb li nequeꞌtenkꞌan re lix reyeb laj Babilonia. Ut eb li ixk teꞌxye a̱cue, “Xateꞌxbalakꞌi ut xeꞌnumta saꞌ a̱be̱n li cacꞌojob a̱chꞌo̱l saꞌ xbe̱neb. Anakcuan xachꞌic a̱cuib saꞌ chꞌaꞌajquil. Chanchan nak xachꞌic la̱ cuok saꞌ sulul. Xateꞌxcanab a̱junes la̱ cuami̱g.”

Jeremías 38:22 ပူးပေါင်းရင်းမြစ်များ

Lamentaciones 5:11

Sa' xteepal Judá ut Sión xe'xmux eb' li qixaqil ut eb' li tuq'ixq.

Lamentaciones 1:2

K'ajo' naq nayaab'ak chiru q'oqyink, ut li xya'al ru nat'ululnak sa' xnaq' ru. Maajun junaq nak'ojob'ank xch'ool sa' xyanqeb' li xe'rahink ru. Chixjunileb' li ramiiw xe'xkanab' xjunes, ut xik' chik na'ile'k xb'aaneb' chixjunil.

Jeremías 43:6

eb' li winq, li ixq, li kok'al, li xrab'ineb' li awab'ej ut chixjunileb' li poyanam li ke'kanab'aak rub'el xwankil laj Kedalías, ralal laj Ajikán ut ri laj Safán, xb'aan laj Nabusaradán, xjolomileb' laj k'aak'alenel. Ke'xch'utub' ajwi' laj Jeremías, li propeet, ut laj Baruk, ralal laj Nerías.

Miqueas 7:5

Meepaab' li tixye eere leeras eeriitz'in chi moko chek'ojob' eech'ool chirix junaq leeramiiw; chek'e ajwi' reetal li teeseeraq'i rik'in leerixaqil.

Lamentaciones 1:13

Xtaqla chaq xam toj sa' choxa li xulxjuk'i linb'aqel. Xk'e jun ra'al sa' linb'e re naq tinsutq'iiq wi' chik chiwix. Xinxkanab' injunes chi k'uluk rahilal rajlal kutan.

Jeremías 41:10

Moqon kixchapeb' li xrab'ineb' li awab'ej jo'wi' eb' li poyanam toj wankeb' Mispá, a'eb' li ke'k'ehe'k chi ril laj Kedalías, ralal laj Ajikán, xb'aan laj Nabusaradán, xjolomileb' laj k'aak'alenel; kixchapeb' ut ki'ok xk'amb'aleb' sa' xteepaleb' laj Amón.

Jeremías 38:19

Kichaq'ok laj Sedesías, li awab'ej, ut kixye: “Ninxiwak xb'aaneb' laj Judiiy li xe'q'axonk sa' xyanqeb' laj Kaldeha. Mare anchal tinq'axtesiiq sa' ruq'eb' ut tine'xrahob'tesi”.

Jeremías 20:10

Nawab'i naq neke'hashotk eb' li poyanam: “Yalaq b'ar wank li rahilal. Kimqex ut qajitaq”, chankeb'. Eb' li wamiiw yookeb' ajwi' royb'eninkil naq tinluktaaq, ut neke'xye: “Mare tixkanab' rib' chi b'alaq'iik; toja' naq toonumtaaq sa' xb'een ut tqak'e reeqaj re li naxye”, chankeb'.

Jeremías 6:12

Eb' li rochocheb', li xk'aleb'aaleb' ut li rixaqileb' jalan chik taa'eechaninq reheb', naq tintaqla chaq li nimla rahilal re xrahob'tesinkileb' li wankeb' sa' li na'ajej a'in -chan li Qaawa' Yos-.

Isaías 42:17

Chi k'ajo'aq xxutaaneb' te'eleliq li neke'xkawub'resi xch'ooleb' chirixeb' li jalanil yos, eb' li neke'yehok re junaq jalam u: “Laa'at li qayos”.

Salmos 69:14

Ab'an, at Qaawa', laa'in nintijok chawu: anaqwan li chaab'il honal. Sa' xk'ab'a' xnimal laarahom chinaasume; rik'in laawuxtaan laatenq'aal chinaakol, at inYos.

Salmos 69:2

Chinaakol taxaq, at inYos, yo chi wulak li ha' toj chinkux.

Salmos 41:9

“Wank chik rub'el xwankil li xb'alb'a; jiljo anaqwan, ink'a' chik taawakliiq”, chankeb'.

Jeremías 46:21

Jo'kaneb' ajwi' laj puub' tojb'ileb' xb'aan, chanchaneb' li ch'oolaninb'il wakax; eb' a'an ajwi' te'eleliq sa' aanil ut ink'a' te'xkuy sumenk chi yalok, xb'aan naq xwulak xkutankil li tojb'amaak, xtaw xq'ehil li xnimal rahilal.

Jeremías 46:5

Ab'anan k'aru yookeb' chi xk'ulb'al? Eb' laj Ejiipt xe'ch'inank xch'ool ut yookeb' chi elelik; eb' li xsoldaad yo xkamsinkileb' ut yookeb' chi elelik chi ink'a' neke'ilok chirixeb'. Xiwajel rilb'al li rahilal yalaq b'ar -chan li Qaawa'-.

Jeremías 8:10

Jo'kan naq jalan chik taa'eechaninq re li rochocheb', li xk'aleb'aaleb' ut li rixaqileb'. Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij, ka'ajwi' b'alaq'ik neke'xb'aanu chixjunileb'.

Jeremías 13:21

K'aru taaye naq tatink'e chi awab'ejiik xb'aaneb' li xak'uleb' aawik'in cho'q aawamiiw? Q'axal ra taak'ul xb'aaneb' jo' junaq ixq ok re chi alank.

Jeremías 38:21

Ab'an wi ink'a' taaq'axtesi aawib', a'an a'in li xk'utb'esi chiwu li Qaawa':

Li xHu LAJ JOB 6:15

Ab'an laa'ex, ex was wiitz'in, xineeb'alaq'i jo' junaq roq nima': wank nachaqik ut wank nab'ut'irk.

Jeremías 27:14

Meepaab' li raatineb' li propeet naq neke'xye eere: «Meek'e eerib' rub'el xwankil li awab'ej re Babilonia», xb'aan naq eeb'alaq'inkil yookeb'.

Jeremías 27:15

Moko laa'in ta xintaqlank reheb' -chan li Qaawa'-, ut yookeb' chi roksinkil link'ab'a' chi yal tik'ti'. Mare anchal texwisi sa' leena'aj, ut texkamq laa'ex jo'wi' eb' li propeet xe'b'alaq'ink eere”.