Jeremías 38:17 - Q'eqchi Bible

¹⁷ Tikto laj Jeremías kixye re laj Sedesías: “Jo'ka'in xye li Nimajwal Yos, xYos laj Israel: «Wi taaq'axtesi aawib' sa' ruq'eb' li xjolomileb' li xsoldaad li awab'ej re Babilonia, laa'at ut eb' laajunkab'al texkole'q, ut li tenamit a'in ink'a' taak'atmanq.

Li Santil hu

¹⁷ Ut laj Jeremías quixye re laj Sedequías: —Joꞌcaꞌin quixye li Ka̱cuaꞌ li nimajcual Dios, lix Dioseb laj Israel. “Cui ta̱kꞌaxtesi a̱cuib saꞌ rukꞌeb li nequeꞌtenkꞌan re lix reyeb laj Babilonia, la̱at incꞌaꞌ tatcamsi̱k, ut li tenamit aꞌin incꞌaꞌ ta̱cꞌatekꞌ. La̱at joꞌ eb ajcuiꞌ la̱ cualal a̱cꞌajol incꞌaꞌ texcamsi̱k.

Jeremías 38:17 ပူးပေါင်းရင်းမြစ်များ

Jeremías 27:12

Laa'in laj Jeremías kinye chixjunil li esil a'in re laj Sedesías, li awab'ej re Judá, ut kinye ajwi' re chi jo'ka'in: “K'ehomaq eerib' rub'el xwankil li awab'ej re Babilonia ut li xtenamit, re naq teekol leeyu'am.

Jeremías 38:2

“Jo'ka'in xye li Qaawa': «Li ani taakanaaq sa' li tenamit a'in taakamsiiq chi q'esnal ch'iich', malaj taakamq xb'aan li we'ej malaj ut xb'aan li raxkamk. Ab'an li taa'elq ut tixq'axtesi rib' sa' ruq'eb' laj Kaldeha, a'an tixkol li xyu'am ut us taa'elq».

Jeremías 27:17

Meerab'i naq neke'xye chi jo'kan. K'ehomaq eerib' rub'el xwankil li awab'ej re Babilonia ut teekol leeyu'am. K'aru aj e naq tkanaaq chi po'lem Jerusalén?

Jeremías 39:3

ut chixjunileb' li xninqal ru winq re laj Nabukodonosor ke'ok ut koxe'kanaaq chire li Nimla Okeb'aal. A'aneb' laj Nerkal-Saréser, laj Sankar-Nebo, laj Sarsekín, xnimal ru aj jolominel, laj Nerkal-Saréser jun chik, nim ajwi' xwankil, ut chixjunileb' li xkomoneb' li xninqaleb' ru winq re li awab'ej re Babilonia.

2 Reyes 24:12

Toja' naq laj Jekonías, awab'ej re Judá, rochb'een li xna', eb' laj k'anjel chiru, eb' laj jolominel k'anjel ut eb' ilol ochoch, ke'xk'e rib' rub'el xwankil li awab'ej re Babilonia; ut a'in kixk'am laj Johakín sa' tz'alam naq ak waqxaqib' chihab' chik rokik chi awab'ejink.

Amós 5:27

Jo'kan naq anaqwan texink'am toj junpak'al Damaask”, chan li Qaawa', li Nimajwal Yos.

Salmos 80:14

nachoye'k xb'aan li chakow elenaq sa' li k'iche' ut nat'upiik xb'aaneb' li josq' aj xul.

Salmos 80:7

Xoohaak'e chi se'eek xb'aaneb' li tenamit nach'eb' qik'in; k'ajo' naq nokoohe'xhob' eb' li xik' neke'ilok qe!

1 Crónicas 17:24

Chitz'aqloq ru li k'aru xayeechi'i, chinimaaq taxaq xloq'al laak'ab'a' chi junelik ut chiyeemanq naq li Qaawa', li Nimajwal Yos, xYos laj Israel, a'an tz'aqal li Yos cho'q reheb' laj Israel! Xaqxooq taxaq sa' xna'aj li xjunkab'al laj David laj k'anjel chawu xb'aan xnimal aarahom.

Li xHu LAJ JOB 23:13

Li k'aru naraj xb'aanunkil li Yos, naxb'aanu. Ani taaramoq chiru xb'aanunkil li rajom?

Esdras 9:4

Chixjunileb' li neke'roxloq'i li raatin li xYos laj Israel ke'xch'utub' rib' wik'in naq ke'rab'i resil li xmaakeb' li ke'chalk chaq Babilonia. Ab'an laa'in k'ajo' xrahil linch'ool: kinkanaak chi k'ojk'o toj sa' xhonalil li ewuukil mayej.

Génesis 12:13

B'aanu b'i' usilal, chayehaq naq laa'at li wanab', re naq us tin'elq sa' aak'ab'a' ut tinkole'q xb'aan laawusilal”.

2 Reyes 25:27

Waqlaju xka'k'aal chihab' xxikik chi preexil laj Johakín, awab'ej re Judá, sa' li wuqub' xka'k'aal xb'e li kab'laju po, laj Ebil-Merodak, awab'ej re Babilonia, kixtikib' awab'ejink ut kirusila ru Johakín, awab'ej re Judá, ut kirisi sa' tz'alam.

Jeremías 27:8

Wi wank junaq tenamit malaj junaq awab'ej li ink'a' naxk'e rib' rub'el xwankil laj Nabukodonosor, li awab'ej re Babilonia, ut ink'a' naraj k'anjelak chiru, laa'in tinraqoq aatin sa' xb'eeneb' rik'in rahilal, we'ej ut raxkamk, toj reetal toxe'oso'q sa' ruq' -chan li Qaawa'-.

Jeremías 40:9

Laj Kedalías, ralal laj Ajikán ut ri laj Safán, kixye reheb' sa' jurament: “Mexxiwak chi k'anjelak chiruheb' laj Kaldeha. Kanaaqex sa' li tenamit, k'anjelanqex chiru li awab'ej re Babilonia, ut us wanqex.

Ezequiel 8:4

Aran wank li xloq'al li xYos laj Israel, kama' tz'aqal li kiwil chiru li taq'a.

Jeremías 44:7

«Jo'kan utan, laa'in li Nimajwal Yos, li xYos laj Israel, ninye chi jo'ka'in: K'a'ut naq nekeb'oq li nimla rahilal a'in sa' eeb'een? K'a'ut naq nekek'e chi kamk chixjunileb' laj Judá, eb' li winq ut eb' li ixq, eb' li saaj al ut eb' li k'uula'al, toj reetal naq maajun chik eere tkanaaq?