Jeremías 37:21 - Q'eqchi Bible

²¹ Toja' naq laj Sedesías, li awab'ej, kixye naq laj Jeremías taakanaaq sa' tz'alam, chiru xneb'aalil li rochocheb' laj k'aak'alenel, ut chik'eemanq junaq xwa rajlal kutan, xkomon eb' li neke'yiib'aak sa' li B'e reheb' laj yiib'ahom wa. Ut a'an tz'aqal ki'uxmank toj reetal kilajk li wa sa' li tenamit. Jo'ka'in naq kikanaak laj Jeremías chi tz'apam, chiru li xneb'aalil li rochocheb' laj k'aak'alenel.

Li Santil hu

²¹ Ut li rey Sedequías quixtakla xqꞌuebal chi pre̱xil laj Jeremías saꞌ li neba̱l re li cab, li nequeꞌcuan cuiꞌ li nequeꞌcꞌacꞌalen. Ut aran quicana. Rajlal cutan queꞌxqꞌue junju̱nk xcaxlan cua li queꞌxyi̱b laj yi̱bom caxlan cua toj retal qui-osoꞌ saꞌ li tenamit.

Jeremías 37:21 ပူးပေါင်းရင်းမြစ်များ

Jeremías 38:28

Ut laj Jeremías kikanaak chiru xneb'aalil li rochocheb' laj k'aak'alenel, toj sa' li kutan ki'eechaniik wi' Jerusalén xb'aaneb' laj Kaldeha.

Jeremías 38:13

Toja' naq eb' li winq ke'risi chaq li propeet chi kelonb'il ut ke'xkanab' chiru xneb'aalil li rochocheb' laj k'aak'alenel.

Jeremías 52:6

Sa' li b'eleeb' xb'e li xka po re li chihab' a'an kinumtaak li we'ej sa' li tenamit ut tik maak'a' chik wa cho'q reheb' li poyanam.

Jeremías 38:9

“At awab'ej, yib'ru xe'xb'aanu eb' li winq a'an naq xe'xk'e sa' xjulel li ha' laj Jeremías, li propeet. Toq'ob' ru; aran taakamq xb'aan xtz'okajik, xb'aan naq maak'a' chik wa sa' li tenamit”.

Jeremías 32:2

Sa'eb' li kutan a'an, sutsu Jerusalén xb'aaneb' li xsoldaad li awab'ej re Babilonia, ut laj Jeremías b'ak'b'o chiru xneb'aalil li rochocheb' laj k'aak'alenel re li awab'ej re Judá.

Isaías 33:16

A'an taawanq sa' jun na'ajej najt xteram, taahilanq sa' jun kawub'resinb'il ochoch, ut taawanq xwa ruk'a' chi junelik.

2 Reyes 25:3

Sa' xb'ele li kutan re li xka po re li chihab' a'an kinumtaak li we'ej sa' li tenamit ut tik maak'a' chik wa cho'q reheb' li poyanam.

Li xHu LAJ JOB 5:20

Sa' xq'ehil li we'ej tatxkol chiru li kamk; sa' xkutankil li yalok tatxkol chiru li ch'iich'.

2 Timoteo 2:9

Sa' xk'ab'a' A'an yookin chi k'uluk rahilal, ut b'ak'b'ookin chi kareen chanchanin jun xnimal ru aj maak. A'ut li Raatin li Yos moko b'ak'b'o ta.

2 Timoteo 1:8

Jo'kan naq matxutaanak chi xyeeb'al li yaal chirix li Qaawa', chi moko tatxutaanaq inb'aan laa'in li wankin sa' tz'alam sa' xk'ab'a' A'an. Chakuyaq ajwi' laa'at li rahilal nak'ulmank sa' xk'ab'a' li Chaab'il Esilal. Chakuy rik'in xwankil li Yos

Efesios 6:20

Taqlanb'ilin xb'aan li Yos chi xyeeb'al li Chaab'il Esilal, us ta b'ak'b'ookin chi kareen. Chextijoq re naq tinpuktesi chi maak'a' inxiw, jo' teneb'anb'il sa' inb'een.

Efesios 4:1

Jo'kan utan, laa'in li wankin sa' tz'alam sa' xk'ab'a' li Qaawa', nintz'aama cheru naq chexwanq jo' chanru leeb'oqb'al k'eeb'il eere,

Hechos 28:30

Laj Pablo kikanaak tz'aqal wiib' chihab' sa' jun li kab'l kixto'oni, yo chi xk'ulb'al chixjunileb' li neke'wulak rik'in,

Hechos 28:16

Naq koxoo'okaq Roma, laj Pablo kikanab'aak chi hilank sa' jun li kab'l xjunes, rochb'een laj puub' li nak'aak'alenk re.

Hechos 24:27

Jo'ka'in naq ke'nume'k wiib' chihab'. Chirix chik a'an ki'ok laj Porsio Festo cho'q reeqaj laj Félix; ut a'an kiraj xq'unb'esinkil xch'ooleb' laj Judiiy, jo'kan naq kixkanab' laj Pablo sa' tz'alam.

Hechos 12:5

Ut naq laj Pedro wank sa' tz'alam, li Iklees ink'a' naxkanab' tijok chirix chiru li Yos.

San Mateo 6:33

Sik'omaq xb'enwa li xnimajwal awab'ejihom li Yos ut li tiikilal li nachalk rik'in, ut chixjunil li nekeraj taak'eemanq chaq eere cho'q xtz'aqob'.

Lamentaciones 5:10

Naxamnak li qatib'el jo' xtiqwal li xam, xb'aan xmay li tz'okaak.

Jeremías 32:8

Ut relik chi yaal naq laj Janamel, li ralal li wikan, xk'ulunk wik'in, jo' ak xyehom we li Qaawa'; xolinraatina chiru xneb'aalil li rochocheb' laj k'aak'alenel re li awab'ej ut xyeechi'i we li xna'aj li wank Anatot, sa' xteepal Benjamín, xb'aan naq ink'ulub' xloq'b'al ut reechaninkil. Toja' naq xintaw ru naq a'an xtaqlahom li Qaawa',

Proverbios 21:1

Li xk'a'uxl li awab'ej chanchan jun nima', li nak'ame'k xb'aan li Yos b'arwi' naraj A'an.

Proverbios 16:7

Naq li Qaawa' naxk'ul xch'ool li qayu'am, a'eb' ajwi' li xik' neke'ilok qe neke'ok wi' chik sa' amiiwil qik'in.

Salmos 37:19

Moko ra ta te'xk'ul sa' xq'ehil li rahilal; ut naq taawanq we'ej, numtajenaqaq li xtzekemqeb'.

Salmos 37:3

Kawaq aach'ool rik'in li Qaawa' ut b'aanu li us, wanqat sa' laana'aj ut chatk'iiq sa' tuqtuukilal;

Jeremías 33:1

Li Qaawa' kiraatina wi' chik laj Jeremías naq toj wan chaq sa' tz'alam chiru xneb'aalil li rochocheb' laj k'aak'alenel re li awab'ej, ut kixye re:

Jeremías 38:6

Tikto eb' a'an ke'xchap laj Jeremías ut ke'xk'e sa' li xjulel xha' laj Malkías, ralal li awab'ej, li wank chiru xneb'aalil li rochocheb' laj k'aak'alenel. Ke'xkub'si laj Jeremías rik'in k'aam sa' li xjulel li ha'. Aran maak'a' chik ha', junes sulul aj chik wank chisa'; jo'kan naq laj Jeremías kisob'e'k sa' li sulul.

Jeremías 20:2

jo'kan naq kixk'e chi sak'e'k li propeet ut chi nat'e'k li roq sa' nat'che', li wank sa' li xNimla Okeb'aal laj Benjamín, chi xk'atq li rochoch li Yos.