Jeremías 36:7 - Q'eqchi Bible

⁷ Mare chan naq te'xtz'aama xkuyb'al li xmaakeb' chiru li Qaawa' ut li junjunq tixkanab' xb'aanunkil li maa'usilal, xb'aan naq k'ajo' xjosq'il li Qaawa' sa' xb'een li tenamit a'in”.

Li Santil hu

⁷ Ma̱re teꞌtijok chiru li Dios ut teꞌxtzꞌa̱ma xcuybal xma̱c chiru ut teꞌxcanab xba̱nunquil li ma̱usilal xban nak li Ka̱cuaꞌ cꞌajoꞌ lix joskꞌil saꞌ xbe̱neb ut xye nak kꞌaxal ra tixba̱nu reheb li tenamit, chan laj Jeremías.

Jeremías 36:7 ပူးပေါင်းရင်းမြစ်များ

Jeremías 36:3

Mare anchal eb' laj Judá te'rab'i chixjunil li rahilal xink'oxla xb'aanunkil reheb', te'xyot' xch'ool te'xjal xk'a'uxl ut laa'in tinkuy tinsach li xmaakeb'”.

Oseas 5:15

“Chirix chik a'an tinsutq'iiq wi' chik sa' linna'aj, toj reetal te'xk'e reetal li xmaakeb' ut toline'xsik'. Naq wanqeb' sa' rahilal, relik chi yaal naq toline'xsik'”.

Lamentaciones 4:11

Xnumtaak xjosq'il li Qaawa' sa' xb'een li ruuchich'och'; ut xtaqla chaq jun li xam sa' xb'een Sión toj reetal x'oso'k li rub'elankil li tenamit.

Jeremías 21:5

Laa'in ajwi' jun tinyaloq eerik'in, rik'in xnimal inwankil ut inmetz'ew, chi k'ajo'aq injosq'il sa' eeb'een.

Jeremías 4:4

Ex poyanam aj Judá ut aj Jerusalén, q'axtesihomaq eerib' re li Qaawa' Yos, ut k'ehomaq sa' leech'ool li reetalil linSumwank. Mare anchal taachalq injosq'il jo' li xam ut taa'ok chi sachok, chi maajun chik taaramoq re, xb'aan li k'iila maa'usilal nekeb'aanu.

2 Reyes 22:17

xb'aan naq kine'xtz'eqtaana ut ke'ok chi k'atok pom chiruheb' jalan chik yos. Ke'xchiq' injosq'il rik'in chixjunil li k'aru ke'xyiib'. Jo'kan naq k'ajo' linjosq'il sa' xb'een li na'ajej a'in ut maajoq'e taach'anaaq.

2 Reyes 22:13

“Ayuqex chi patz'ok rik'in li Qaawa' chiwix laa'in, chirix li tenamit ut sa' xk'ab'a' chixjunileb' laj Judá. Patz'omaq k'aru naraj xyeeb'al eb' li aatin tz'iib'anb'ileb' sa' li hu xtawmank. Nim li xjosq'il li Qaawa' sa' qab'een, xb'aan naq eb' li qaxe' qatoon ink'a' ke'xpaab' li aatin wank sa' li hu a'in chi moko ke'xb'aanu jo' tz'iib'anb'il arin”.

Zacarías 1:4

Meeb'aanu jo' ke'xb'aanu eb' leemama' leerixa'an, li ke'aatinaak xb'aaneb' li propeet li ke'wank junxil, re raj naq te'xkanab' xb'aanunkil li maa'usilal ut li yib' aj na'leb'; ab'an ink'a' ke'raj wab'inkil chi moko inpaab'ankil -chan li Nimajwal Yos-.

Jonás 3:8

“Tiqib'omaq eerib' rik'in q'es ruhil t'ikr jo' reetalil li rahil ch'oolejil; tiqib'omaq ajwi' eb' li xul chi jo'kan. Ut kaw tz'aamanqex chiru li Yos. Li junjunq xkanab'aq xb'aanunkil li xmaa'usilal ut li raaxiik' naxb'aanu toj anaqwan.

Daniel 9:13

Chixjunil li rahilal a'in xchalk sa' qab'een jo' tz'aqal tz'iib'anb'il sa' li xChaq'rab' laj Moisés; ab'an laa'o ink'a' xqayal xtuulanob'resinkil li Qaawa' li qaYos: ink'a' xqakanab' xb'aanunkil li maa'usilal chi moko naqaj xpaab'ankil li yaal.

Ezequiel 22:20

Jo' naq natuub'aak li k'iila paay chi ch'iich' re xha'lesinkil sa' xam sa' li chiqleb'aal, jo'kan ajwi' tinb'aanu laa'in xb'aan linjosq'il: texintuub' ut tinsach eeru chi junwaakaj.

Ezequiel 20:33

Sa' xk'ab'a' linloq'al ninye li waatin naq tin'awab'ejinq sa' eeb'een rik'in xnimal inwankil ut sa' josq'il -chan li Qaawa'-.

Ezequiel 13:13

Jo'kan utan laa'in, li Qaawa', ninye chi jo'ka'in: Xb'aan linjosq'il tintaqla chaq jun kawil iq'; xb'aan xpo'ik linch'ool taawanq jun kawil hab' jo'wi' li saqb'ach li taajuk'uq re chixjunil.

Ezequiel 8:18

K'ajo' linjosq'il sa' xb'eeneb'! Ink'a' twil xtoq'ob'aal ruheb' chi moko tinkuy li xmaakeb'. Us ta te'xjap re chi xyaab'ankil link'ab'a', ab'an laa'in ink'a' twab'iheb'”, chan li Qaawa'.

Ezequiel 5:13

“Toja' naq twisi linjosq'il sa' xb'eeneb' ut tin'eeqajunq toj reetal taak'ojlaaq linch'ool. Ut naq akaq xwisi linjosq'il sa' xb'eeneb', te'xnaw naq laa'in, li Qaawa', xinb'aanu chi jo'kan xb'aan naq namayok li waanm.

Jeremías 26:3

Mare anchal tate'xpaab' ut te'xkanab' xb'aanunkil li maa'usilal. Chi jo'kan ink'a' chik tintaqla chaq li rahilal sa' xb'eeneb', jo' xink'oxla xb'aanunkil xb'aan naq ink'a' us li xyehom ut xb'aanuhomeb'.

Jeremías 25:5

«Kanab'omaq xb'aanunkil li maa'usilal ut li ink'a' us -chankeb'-. Chi jo'kan sa texwanq sa' li na'ajej xk'ehom eere chi junajwa li Qaawa' ut cho'q reheb' leexe'toonil yuwa'.

Jeremías 19:15

“Li Nimajwal Yos, li xYos laj Israel, xye chi jo'ka'in: «Tintaqla chaq chixjunil li rahilal xinye resil, sa' xb'een li tenamit a'in ut sa' xb'een chixjunileb' li wankeb' chi xsutam, xb'aan naq xe'xjipi rib' ut ink'a' xe'xpaab' li waatin», chan li Qaawa'”.

Jeremías 16:10

“Naq taaseeraq'i chixjunil a'in reheb' li tenamit, te'xpatz' aawe: «K'a'ut naq li Qaawa' xtaqla chaq sa' qab'een li nimla rahilal a'in? K'aru li ink'a' us xqab'aanu? K'aru xqamaakon chiru li Qaawa' li qaYos?».

Jeremías 1:3

Ki'aatinaak wi' chik naq laj Johakín, ralal laj Josías, kiwank cho'q awab'ej re Judá, junlaju chihab'aq rokik chi taqlank laj Sedesías, ralal laj Josías, sa' xb'eeneb' laj Judá, naraj naxye toj sa' ro' li po re li chihab' a'an, naq eb' laj Jerusalén ke'k'ame'k aran Babilonia.

2 Crónicas 34:21

“Ayuqex chi patz'ok rik'in li Qaawa' chiwix laa'in, chirixeb' laj Israel ut eb' laj Judá, k'aru naraj xyeeb'al eb' li aatin tz'iib'anb'ileb' sa' li hu xtawmank. Nim li xjosq'il li Qaawa' sa' qab'een, xb'aan naq eb' li qaxe' qatoon ink'a' ke'xpaab' li raatin li Qaawa' chi moko ke'xk'anjela ru li tz'iib'anb'il sa' li hu a'in”.

Deuteronomio 31:17

Ab'an laa'in tinjosq'o'q rik'ineb', teb'inkanab' xjuneseb' ut tinmuq li wu chiruheb'. K'ajo' li rahilal ut ch'a'ajkilal taachalq sa' xb'eeneb'! Sa' li kutan a'an te'xye: «Ma ink'a' tab'i' yooko chi xk'ulb'al eb' li rahilal a'in xb'aan naq maak'a' chik li qaYos qik'in?», cha'qeb'.

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.

Jeremías 37:20

Ab'i anaqwan li tinye aawe, at awab'ej; chak'e taxaq li nintz'aama chawu: minaataqla chik sa' rochoch laj Jonatán, laj tz'iib', re naq ink'a' tinkamq aran”.

Jeremías 42:2

rik'in laj Jeremías, li propeet, ut ke'xye re: “Naqatz'aama jun li usilal chawu: Tijon chiru li Qaawa' laaYos, chiqix laa'o li jun ch'inach'uuto xookanaak. K'ajo' qak'ihal junxil, ut anaqwan yookat chik rilb'al naq ink'a' chik k'iho.

Ezequiel 12:3

Jo'kan utan, at kaamel winq, xok li k'a'aq re ru aawe ut elen sa' xyanqeb', chi kutan ut chiruheb' chixjunileb'. Taakanab' laana'aj ut tatxik sa' jalan chik na'ajej. Mare chi jo'kan te'xtaw ru naq aj q'etoleb' aatin.

Daniel 9:18

K'e chaq laaxik chi ab'ink, at inYos. Chak'e reetal li qarahilal ut chawil taxaq chanru wank laatenamit Jerusalén: nakirirnak aj chik li na'ajej nayaab'asimank wi' laak'ab'a'. Moko kaw ta qach'ool xb'aan xtiikilal li qab'aanuhom, rik'in b'an li xnimal aawuxtaan. Jo'kan naq chawab'i taxaq li qatij.

Joel 2:12

“Ut anaqwan sutq'inqex chaq wik'in chi anchal leech'ool, rik'in ayuunik, yaab'ak ut rik'in tz'uyink”, chan li Qaawa' Yos.

Joel 2:13

Meepej chik leeraq' ut tehomaq leech'ool chiwu. Sutq'inqex wi' chik rik'in li Qaawa' leeYos, xb'aan naq A'an aj uxtaan ut q'un xch'ool, ink'a' najosq'o'k chi junpaat ut q'axal narahok; jwal ra nareek'a xb'aanunkil li rahilal.