Jeremías 36:4 - Q'eqchi Bible

⁴ Toja' naq laj Jeremías kixb'oq laj Baruk, ralal laj Nerías, ut kixk'e chixtz'iib'a sa' li b'otb'ookil hu chixjunil li kiyehe'k re xb'aan li Qaawa'.

Li Santil hu

⁴ Ut laj Jeremías quixbok laj Baruc, li ralal laj Nerías ut quixye re chixjunil li quiyeheꞌ re xban li Ka̱cuaꞌ Dios. Ut laj Baruc quixtzꞌi̱ba chixjunil saꞌ li hu joꞌ quiyeheꞌ re xban laj Jeremías.

Jeremías 36:4 ပူးပေါင်းရင်းမြစ်များ

Jeremías 32:12

ut xinq'axtesi xkab'ichaleb' re laj Baruk, ralal laj Nerías, ri xmam laj Mahasías, chiru ajwi' laj Janamel, li ralal li wikan, chiruheb' lintestiiw li xe'xjuch' xk'ab'a'eb' sa' xhuhul li ch'och' ut chiru chixjunileb' laj Judá li k'ojk'ookeb' chiru xneb'aalil li rochocheb' laj k'aak'alenel.

Ezequiel 2:9

Toja' naq kiwil jun li uq'ej ye'yo chiwu, yo chi xk'eeb'al we jun li b'otb'ookil hu tz'iib'anb'il chi xka'pak'alil ru. Ut kixte li hu chiwu: aran tz'iib'anb'il junes rahilal, yaab'ak ut rahil ch'oolej.

Jeremías 36:32

Toja' naq laj Jeremías kixxok jun chik li b'otb'ookil hu ut kixk'e re laj Baruk, laj tz'iib', ralal laj Nerías; ut a'an ki'ok chi xtz'iib'ankil eb' li aatin yo chi xyeeb'al laj Jeremías: kixtz'iib'a chixjunileb' li aatin jo' kixb'aanu xb'enwa sa' li b'otb'ookil hu kixk'at laj Johakín, awab'ej re Judá. Laj Jeremías kixk'e chi tz'iib'aak naab'al chik chi aatin re xtiqb'al ru li ak kixye.

Jeremías 43:3

A' laj Baruk, ralal laj Nerías, xtakchi'ink chaq aawe re qaq'axtesinkil sa' ruq'eb' laj Kaldeha, re tookamsiiq malaj took'ame'q Babilonia”.

Romanos 16:22

Laa'in laj Tersio li xintz'iib'a li hu a'in, nintaqla xsahil eech'ool.

Zacarías 5:1

Kintaqsi wi' chik li wilob'aal ut sa' moy u kiwil jun li b'otb'ookil hu yo chi xik sa' iq'.

Jeremías 36:28

“Xok wi' chik junaq aab'otb'ookil hu ut tz'iib'a chisa' chixjunileb' li aatin xink'e chatz'iib'a xb'enwa sa' li hu li xk'at laj Johakín, li awab'ej re Judá.

Jeremías 36:26

Chirix chik a'an li awab'ej kixye re laj Jeramiel, li ralal, jo' ajwi' re laj Seraías, ralal laj Asriel, ut re laj Selemías, ralal laj Abdel, naq te'xchap laj Jeremías, li propeet, rochb'een laj Baruk, laj tz'iib'. Ab'an li Qaawa' ak kixmuqeb' chik.

Jeremías 36:23

Rajlal naq laj Jehudí naxyaab'asi oxib' malaj kaahib' tzol chi aatin, li awab'ej naxseti a'an chiru li xch'iich' laj tz'iib' ut naxkut sa' ru xam. Jo'kan kixb'aanu toj reetal kixchoy xk'atb'al li hu sa' li ru xam.

Jeremías 36:21

Tikto li awab'ej kixtaqla laj Jehudí chi xxokb'al li b'otb'ookil hu; laj Jehudí kolxxok sa' rochoch laj Elisamá, laj tz'iib', ut kixyaab'asi sa' xxik li awab'ej jo'wi' sa' xxikeb' laj jolominel tenamit li wankeb' chi xsutam.

Isaías 8:1

Li Qaawa' kixye we: “Sik' junaq nimla tz'alamche' ut chiru a'an tz'iib'a chi chaab'il li aatin a'in: Maher-Salal-Jas-Bas (naraj naxye: «Chi seeb' taawanq li elq'ak ut li juk'uk»),

Jeremías 25:13

Tintaqla chaq sa' xb'een Babilonia chixjunil linyehom chaq chirix, jo'ch'inal jo'nimal li tz'iib'anb'il sa' li hu a'in ut yeeb'il chaq xb'aan laj Jeremías sa' ink'ab'a' chirixeb' chixjunil li tenamit.

Jeremías 30:2

“Jo'ka'in xye li Qaawa', xYos laj Israel: Tz'iib'a sa' junaq tasal hu chixjunileb' li aatin inyehom aawe,

Jeremías 36:6

Jo'kan utan ohat laa'at sa' xkutankil li ayuunik ut yaab'asi chi kaw xyaab' laakux chixjunil li raatin li Qaawa' li xink'e chatz'iib'a sa' li b'otb'ookil hu. Yaab'asi sa' xxikeb' li poyanam ut sa' xxikeb' ajwi' chixjunileb' laj Judá li xe'chalje'k chaq sa' li xtenamiteb'.

Jeremías 36:14

Toja' naq chixjunileb' laj jolominel tenamit ke'xtaqla laj Jehudí, ralal laj Natanías ut ri laj Selemías, ralal laj Kusí, chi xyeeb'al re laj Baruk: “Xok li b'otb'ookil hu li xayaab'asi sa' xxikeb' li tenamit ut kim qik'in”. Laj Baruk, ralal laj Nerías, kixxok li hu ut koho b'arwi' wankeb' a'an.

Jeremías 36:27

Chirix chik naq li awab'ej kixk'at li hu kitz'iib'aak xb'aan laj Baruk jo' chanru yeeb'il xb'aan laj Jeremías, li Qaawa' ki'aatinak wi' chik rik'in laj Jeremías ut kixye re:

Jeremías 51:59

A'an a'in li aatin kixye laj Jeremías, li propeet, re laj Seraías, laj k'aak'alehom re li awab'ej, ralal laj Nerías ut ri laj Mahasías, naq laj Sedesías, li awab'ej re Judá, yo chi xik aran Babilonia, sa' li xka chihab' chi awab'ejink.

Jeremías 51:60

Laj Jeremías ak xtz'iib'ahom sa' jun li hu resilal chixjunil li rahilal taachalq sa' xb'een Babilonia, naraj naxye chixjunil li tz'iib'anb'il reetalil sa' li hu a'in.

Daniel 7:1

Sa' li xb'een xchihab' chi awab'ejink laj Baltasar sa' xb'eeneb' laj Babilonia, kiwank jun xmatk' laj Daniel naq yo chi wark. Ut sa' junpaat, naq ki'ajk ru, kixtz'iib'a li k'aru kik'utb'esiik chiru.

Isaías 30:8

Ayu anaqwan ut tz'iib'a a'in chiru junaq tz'alamche' malaj junaq hu, ut aran tkanaaq toj chaalel eb' li kutan cho'q aj jitol reheb' chi junelik.