Jeremías 36:3 - Q'eqchi Bible

³ Mare anchal eb' laj Judá te'rab'i chixjunil li rahilal xink'oxla xb'aanunkil reheb', te'xyot' xch'ool te'xjal xk'a'uxl ut laa'in tinkuy tinsach li xmaakeb'”.

Li Santil hu

³ Ma̱re teꞌxcanab xba̱nunquil li ma̱usilal eb laj Judá nak teꞌrabi nak ta̱cha̱lk raylal saꞌ xbe̱neb, li nincꞌoxla xtaklanquil. Cui teꞌxjal xcꞌaꞌuxeb ut teꞌxcanab xba̱nunquil li ma̱usilal, la̱in tincuy tinsach lix ma̱queb ut lix ma̱usilal, chan li Ka̱cuaꞌ.

Jeremías 36:3 ပူးပေါင်းရင်းမြစ်များ

Jeremías 18:8

Ab'anan wi li tenamit a'an naxkanab' xb'aanunkil li maa'usilal, laa'in ink'a' chik tinrahob'tesi jo' k'uub'k'u inb'aan.

Hechos 3:19

Yot'omaq b'i' eech'ool ut jalomaq eek'a'uxl re naq te'kuymanq te'sachmanq leemaak.

Ezequiel 12:3

Jo'kan utan, at kaamel winq, xok li k'a'aq re ru aawe ut elen sa' xyanqeb', chi kutan ut chiruheb' chixjunileb'. Taakanab' laana'aj ut tatxik sa' jalan chik na'ajej. Mare chi jo'kan te'xtaw ru naq aj q'etoleb' aatin.

Jeremías 26:3

Mare anchal tate'xpaab' ut te'xkanab' xb'aanunkil li maa'usilal. Chi jo'kan ink'a' chik tintaqla chaq li rahilal sa' xb'eeneb', jo' xink'oxla xb'aanunkil xb'aan naq ink'a' us li xyehom ut xb'aanuhomeb'.

Deuteronomio 30:2

wi tatsutq'iiq chaq rik'in li Qaawa' laaYos ut taapaab' chi anchal aach'ool ut chi anchal aawaanm, laa'at ut eb' laawalal aak'ajol, jo' chanru yookin chi xyeeb'al aawe anaqwan,

Jeremías 36:7

Mare chan naq te'xtz'aama xkuyb'al li xmaakeb' chiru li Qaawa' ut li junjunq tixkanab' xb'aanunkil li maa'usilal, xb'aan naq k'ajo' xjosq'il li Qaawa' sa' xb'een li tenamit a'in”.

2 Pedro 3:9

Li Qaawa' ink'a' nab'ayk chi xk'eeb'al li b'arwan kixyeechi'i. Wankeb' neke'k'oxlank re naq yo chi b'ayk, ab'an moko yaal ta. Nim xkuyum li Yos eerik'in; ink'a' naraj naq taasachq junaq, naraj b'an naq chixjunileb' te'yot'e'q xch'ool ut te'xjal xk'a'uxl.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

San Marcos 4:12

re naq, us ta te'iloq maak'a' te'ril, us ta te'ab'inq maak'a' te'xtaw ru. Mare anchal te'xyot' xch'ool te'xjal xk'a'uxl ut te'kuye'q te'sache'q li xmaakeb'”.

Jeremías 35:15

Xink'e inch'ool chi xtaqlankil chaq eerik'in eb' linpropeet, laj k'anjeleb' chiwu, re xyeeb'al eere: Kanab'omaq li jo'maajo'il wank, chaab'ilob'resiiq leeyu'am ut meeloq'oni chik ru eb' li jalanil yos chi moko texk'anjelaq chiruheb'. Chi jo'kan wanqex sa' li na'ajej a'in ink'ehom eere laa'ex ut reheb' ajwi' leexe'toonil yuwa'. Ab'anan ink'a' xineepaab' chi moko xeraj wab'inkil.

Jeremías 24:7

Tink'e xna'leb'eb' re naq te'xnaw naq laa'in li Qaawa': a'anaqeb' lintenamit ut laa'inaq li xYoseb', xb'aan naq te'sutq'iiq chaq wik'in chi anchaleb' xch'ool.

Jeremías 18:11

“Jo'kan utan, ye a'in reheb' laj Judá ut reheb' laj Jerusalén: «Li Qaawa' xye chi jo'ka'in: Yookin xkawresinkil eerahob'tesinkil ut ak yookin xk'uub'ankil. Kanab'omaq xb'aanunkil li maa'usilal, tiikob'resiiq ru leeyu'am ut leeb'aanuhom».

1 Samuel 7:3

Jo'kan naq laj Samuel kixye reheb' chixjunil laj Israel: “Wi teeraj sutq'iik rik'in li Qaawa' chi anchal eech'ool, isihomaq sa' eeyanq eb' li jalanil yos ut eb' lix Astarté. Q'axtesihomaq eerib' re li Qaawa' ut junes A'an teeloq'oni, ut A'an taakoloq eere sa' ruq'eb' laj Filistea”.

Deuteronomio 30:8

Laa'at tatsutq'iiq chaq rik'in li Qaawa' laaYos, taapaab' ut taak'anjela ru chixjunil li xchaq'rab' li yookin chi xyeeb'al aawe sa' li kutan a'in.

Hechos 28:27

Xb'aan naq kawujenaq chik xch'ooleb' li tenamit a'in, xe'jipo'k sa' xxikeb' ut xe'xtz'ap xsa' ruheb': mare anchal te'iloq rik'ineb' li ru, te'ab'inq rik'ineb' li xxik, te'xtaw xyaalal sa' xch'ooleb' ut te'xjal xk'a'uxeb', ut laa'in teb'ink'irtasi».

Hechos 26:20

kohin b'an xb'enwa rik'ineb' laj Damaask; chirix chik a'an rik'ineb' laj Jerusalén ut sa' chixjunil xsutam Judea jo' ajwi' rik'ineb' li maawa'eb' aj Judiiy, chi xyeeb'al naq che'xyot' xch'ool che'xjal xk'a'uxl. Xinye ajwi' reheb' naq che'sutq'iiq rik'in li Yos ut che'wanq jo' xk'ulub' wi' li yot'b'ach'oolej jalb'ak'a'uxl.

San Lucas 20:13

“Toja' naq laj eechal re li awimq kixye sa' xch'ool: «K'aru tinb'aanu anaqwan? Tintaqla li walal raaro inb'aan; mare te'roxloq'i a'an», chan sa' xch'ool.

San Mateo 13:15

Xb'aan naq kawujenaq li xch'ool li tenamit a'in, jipeb' sa' xxik ut xe'xmutz' li ruheb'. Mare anchal te'iloq rik'ineb' li ru, te'ab'inq rik'ineb' li xxik, te'xtaw xyaalal sa' xch'ooleb' ut te'xjal xk'a'uxeb', ut laa'in teb'ink'irtasi».

Sofonías 2:3

Sik'omaq li Qaawa' chejunilex li kub'enaq eewankil sa' li ruuchich'och' a'in, jo'k'ihalex li nekexpaab'ank re li xchaq'rab'. K'anjelahomaq li tiikilal ut li q'unil ch'oolej: mare anchal texkole'q sa' xkutankil li xjosq'il li Qaawa'.

Ezequiel 18:23

Ma nasaho'k tab'i' linch'ool naq nakamk laj maak? -chan li Qaawa'-. Li nawulak chiwu, a'an a'in: naq li ink'a' us xch'ool tixjal li xk'a'uxl ut wanq xyu'am.

Jeremías 23:14

Xwil ajwi' li k'aru neke'xb'aanu eb' li propeet aj Jerusalén: q'axal yib' wi' chik ru li xb'aanuhomeb'. Neke'muxuk sumlaak ut neke'b'alaq'ik; neke'xk'e xkawil xch'ooleb' li ink'a' useb' xna'leb' re naq maajun tixkanab' xb'aanunkil li maa'usilal. Eb' a'an jo'wi' eb' li wankeb' Jerusalén chanchaneb' laj Sodoom ut eb' laj Gomoor!

Isaías 6:10

Kawub'resi li xch'ooleb' li tenamit a'in, chajipob'resi li xxikeb' ut chamutz' li ruheb'. Mare anchal te'iloq rik'ineb' li ru, te'ab'inq rik'ineb' li xxik, te'xtaw xyaalal sa' xch'ooleb' ut te'xjal xk'a'uxeb', ut laa'in teb'ink'irtasi”, chan.

Nehemías 1:9

Ab'an wi texsutq'iiq chaq wik'in, wi teepaab' ut teek'anjela ru linchaq'rab', tinxik chesik'b'al ut texink'am wi' chik sa' li na'ajej sik'b'il ru inb'aan cho'q inmuheb'aal, us ta ak cha'cha'inb'ilex toj sa' xmaril li choxa», chankat.

Deuteronomio 5:29

Us rajan naq junelik taxaq jo'kanaqeb' li xch'ool re woxloq'inkil ut xpaab'ankil chixjunileb' linchaq'rab'. Chi jo'kan wanqeb' xsahilaleb' xch'ool eb' a'an ut eb' li ralal xk'ajol chi junelik.

Salmos 139:24

Chak'e reetal, mare anchal xinkanab' li chaab'il b'e; chinaab'eres taxaq sa' li junelik yu'am.