Jeremías 34:8 - Q'eqchi Bible

⁸ Li Qaawa' ki'aatinak rik'in laj Jeremías, naq laj Sedesías kixk'e rib' sa' aatin rik'in chixjunileb' laj Jerusalén, re naq te'xkanab' chi ach'ab'anb'il eb' li xmuneb'.

Li Santil hu

⁸ Li Ka̱cuaꞌ quia̱tinac riqꞌuin laj Jeremías nak ac xba̱nu jun li contrato laj Sedequías riqꞌuineb chixjunileb li cuanqueb Jerusalén re nak teꞌachꞌaba̱k chixjunileb li lokꞌbil mo̱s.

Jeremías 34:8 ပူးပေါင်းရင်းမြစ်များ

Levítico 25:10

Teexaqab' li lajeeb' roxk'aal chihab' cho'q santil chihab': a'anaq jun chihab' re li ach'ab'ank. Chiru li chihab' a'an teeye resil li rach'ab'ankileb' chixjunil li wankeb' sa' xsutam li tenamit. Li junjunq taasutq'iiq wi' chik rik'ineb' li xkomon ut toxreechani wi' chik li xch'och'.

Jeremías 34:17

Jo'kan naq laa'in, li Qaawa', ninye chi jo'ka'in: Laa'ex ink'a' xineepaab' ut ink'a' xekanab' chi ach'ab'anb'il leeras eeriitz'in; jo'kan naq laa'in tinkanab' chi chalk sa' eeb'een li raaxiik', li we'ej ut li raxkamk, re naq te'ok xxiw chixjunileb' li tenamit sa' ruuchich'och' chi rilb'al leerahilal.

2 Reyes 11:17

Chirix chik a'an laj Johadá kixk'ojob' jun sumwank rik'in li Qaawa' ut li tenamit, re naq a'anaqeb' tz'aqal xtenamit li Qaawa'. Jo'kan ajwi' kixb'aanu rik'in li awab'ej ut li tenamit.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Nehemías 9:38

Sa' xk'ab'a' chixjunil a'in laa'o naqaye li qaatin naq tqapaab' li sumwank a'in. Xe'xk'ulub'an li hu a'in eb' laj k'amol qab'e, eb' laj Leví ut eb' laj tij, li ke'xtz'iib'a ajwi' xk'ab'a'eb'.

2 Crónicas 29:10

Ab'an anaqwan x'alaak sa' inch'ool xk'ojob'ankil jun sumwank rik'in li Qaawa', xYos laj Israel, re naq tixnajtob'resi qik'in li xnimal xjosq'il.

2 Crónicas 23:16

Chirix chik a'an laj Johadá kixk'ojob' jun li sumwank rik'in chixjunil li tenamit ut li awab'ej, re naq li tenamit a'anaq tz'aqal xtenamit li Qaawa'.

Deuteronomio 15:12

“Wi laawas aawiitz'in aj hebreo, winq malaj ut ixq, tixk'ayi rib' aawe, waqib' chihab' ajwi' taak'anjelaq chawu; ab'an sa' xwuq li chihab' taakanab' chi ach'ab'anb'il.

Isaías 58:6

Moko a'an ta li ayuun nawaj. “Li ayuun nawaj laa'in a'an a'in: rach'ab'ankileb' li wankeb' sa' tz'alam chi maak'a'eb' xmaak, xk'ixb'al li xk'aamal li rahob'tesiik, rach'ab'ankileb' li tawasinb'ileb' ut risinkil chixjunil li kawil taqlank.