Jeremías 33:2 - Q'eqchi Bible

² “Jo'ka'in xye li Qaawa', li kixk'uub' li ruuchich'och', kixyiib' ut kixk'ojob' chi junajwa sa' xna'aj; li xk'ab'a' a'an Qaawa':

Li Santil hu

² Li Ka̱cuaꞌ li quiyi̱ban re li ruchichꞌochꞌ ut quixxakab saꞌ xnaꞌaj, li nimajcual Dios xcꞌabaꞌ, quixye re laj Jeremías:

Jeremías 33:2 ပူးပေါင်းရင်းမြစ်များ

Isaías 37:26

Ma xawab'i chi us? Ak ink'uub'ahom chaq a'in chalen junxil; chalen chaq q'e kutan inkawresihom chaq, ut anaqwan yookin chi xb'aanunkil. Jo'kan naq laa'at xatsachok ruheb' li tenamit ut po'lem xakanab'eb' li kaw sutinb'ileb' chi tz'ak.

Éxodo 15:3

Li Qaawa' a'an q'axal kaw rib'; Qaawa' Yos: a'an li xk'ab'a'.

Éxodo 6:3

Xink'ut wib' jo' Nimajwal Yos chiru laj Abrahán, laj Isahak ut laj Jakob, ab'anan ink'a' xink'eheb' chixnaw lintz'aqal k'ab'a': a' li Qaawa'.

Apocalipsis 21:10

Ut sa' musiq'ej kinxk'am sa' xb'een jun li nimla tzuul, najt xteram, ut kixk'ut chiwu li santil tenamit Jerusalén, yo chaq chi kub'eek sa' choxa rik'in li Yos,

Isaías 62:7

meek'e chi hilank li Qaawa' toj reetal tixwaklesi wi' chik li xtenamit ut chixjunil li ruuchich'och' tixnima xloq'al Jerusalén.

Isaías 43:21

Toja' naq li tenamit li kinkawresi cho'q we te'xb'icha linloq'al.

Isaías 43:1

Anaqwan, jo'ka'in kixye li Qaawa', laj yoob'tesihom aawe, a Israel, laj winqob'resihom aawe, a Jakob: “Matxiwak xb'aan naq laa'in xatinkol; laa'in xink'ehok laak'ab'a', wehat chik.

Isaías 14:32

K'aru taayeemanq reheb' li xtaql eb' laj Filistea li te'chalq qik'in? Taayeemanq reheb' naq li Qaawa' kik'ojob'ank re Sión ut aran te'xkol rib' li neb'a' wankeb' sa' li xtenamit li Yos.

Salmos 102:16

Eb' li poyanam q'axal te'roxloq'i li xk'ab'a' li Qaawa'; te'siksotq xb'aan laaloq'al chixjunileb' li awab'ej sa' ruuchich'och'.

Salmos 87:5

Chirix li tenamit Sión taayemaanq: “Chixjunileb' xe'yo'laak arin”. A' li Nimajwal Yos kik'ojob'ank re.

Apocalipsis 21:2

Ut kiwil li santil tenamit, a' li ak' Jerusalén, yo chaq chi kub'eek sa' choxa rik'in li Yos, jo' jun li ixq ok re chi sumlaak, tiqib'anb'il chi us cho'q re li xb'eelom.

Hebreos 11:16

Ab'an yookeb' chaq chi xsik'b'al jun li tenamit q'axal chaab'il, a' li wank sa' choxa. Jo'kan naq li Yos ink'a' naxutaanak xb'aaneb', ink'a' naxutaanak naq naxk'ab'a'in “xYoseb' a'an”, xb'aan naq ak kixkawresi jun li tenamit cho'q reheb'.

Hebreos 11:10

Xb'aan naq laj Abrahán naroyb'eni li tenamit ub'elanb'il chi us, a' li wank li Yos cho'q aj na'leb'ahom ut aj kab'lahom re.

Amós 9:6

Li Qaawa' kixyiib' li xmuheb'aal sa' choxa ut kixk'ojob' li kupku sa' xb'een li ruuchich'och'. A'an naxch'utub' li xha'el li palaw ut naxhoy chaq sa' xb'een li ruuchich'och'. Li xk'ab'a' a'an Qaawa'.

Amós 5:8

Li Qaawa', a'an li kiyiib'ank reheb' li k'iila chahim, Pléyades ut Oryón li xk'ab'a'eb', ut aak'ab' naxkanab' wi' li kutan. A'an naxjunaji li xha'el li palaw ut naxpaji chaq sa' xb'een li ruuchich'och'. A'an li nasachok xwankil eb' li kaweb' rib' ut naxjuk' li kawub'resinb'il tenamit. Li xk'ab'a' a'an Qaawa'.

Jeremías 32:18

Laa'at nakawuxtaana ruheb' li k'iila o'q'ob' chi poyanam, ab'anan nakarahob'tesiheb' ajwi' eb' li winq xb'aan li xmaakeb' li xna' xyuwa'eb'. At Nimajwal Yos li rajawal kaw aawib'; laak'ab'a' laa'at a'an Nimajwal Yos!

Jeremías 10:16

A'ut li xYos laj Jakob moko jo'kan ta: A'an kiyiib'ank re li choxach'och' ut kixsik' ru laj Israel cho'q reechanihom: “Li Nimajwal Yos” a'an li xk'ab'a'.

Jeremías 16:21

“Jo'kan naq anaqwan tink'ut chiruheb' linloq'al ut linwankil, re naq te'xnaw naq Nimajwal Yos nink'ab'a'in”, chan li Qaawa'.

Jeremías 51:19

A'ut li xYos laj Jakob moko jo'kan ta: A'an kiyiib'ank re li choxach'och' ut kixsik' ru laj Israel cho'q reechanihom: “Li Nimajwal Yos” a'an li xk'ab'a'.

Isaías 42:8

Laa'in li Qaawa'. A'in tz'aqal link'ab'a'. Ink'a' nink'e linloq'al re jalan chik, chi moko ninq'axtesi linwankil reheb' li jalanil yos.