Jeremías 32:44 - Q'eqchi Bible

⁴⁴ Te'xloq'atq xch'och'eb' ut te'xtoj rik'in plaat; te'xtz'iib'a xhuhul, te'xkaaxti ut eb' li testiiw te'xjuch' li xk'ab'a'eb' sa' xhuhul li ch'och'. A'in taak'ulmanq sa' xteepal Benjamín, sa' xsutam Jerusalén ut sa'atqeb' li tenamit re Judá, sa'eb' li tzuultaq'a ut sa' xteepal Nejeb, xb'aan naq te'sutq'iiq chaq wi' chik li wankeb' chaq chi preexil”, chan li Qaawa'.

Li Santil hu

⁴⁴ Eb li chꞌochꞌ teꞌlokꞌma̱nk riqꞌuin tumin ut ta̱yi̱ba̱k xhuhileb. Ut teꞌxqꞌue li sello chiru li hu. Ut cua̱nkeb li testigos. Aꞌin ta̱cꞌulma̱nk saꞌ lix naꞌajeb li ralal xcꞌajol laj Benjamín li cuanqueb chi xjun sutam Jerusalén, joꞌ ajcuiꞌ saꞌ eb li tenamit Judá ut saꞌ eb li tenamit li cuanqueb saꞌ eb li naꞌajej li tzu̱l ru ut saꞌ eb li tenamit li cuanqueb Sefela ut saꞌ eb li tenamit li cuanqueb Neguev. Ta̱uxma̱nk chi joꞌcan xban nak la̱in tinsukꞌisiheb cuiꞌchic saꞌ xnaꞌajeb li queꞌcꞌameꞌ chi pre̱xil, chan li Ka̱cuaꞌ.

Jeremías 32:44 ပူးပေါင်းရင်းမြစ်များ

Jeremías 17:26

Te'chalq eb' laj Judá li wankatqeb' chaq chi xsutam Jerusalén, eb' li wankeb' chaq sa' xteepal Benjamín ut chiru taq'a, li wankeb' chaq chiru tzuul ut sa' xtaq'ahil Nejeb. Te'xk'amatq chaq eb' li xxul ut eb' li ru awimq cho'q xmayejeb', li k'ajpom jo'wi' chixjunil li k'a'aq re ru nayeechi'imank re b'anyoxink sa' rochoch li Yos.

Jeremías 33:26

tintz'eqtaanaheb' aj raj wi' eb' li ralal xk'ajol laj Jakob ut eb' li ralal xk'ajol laj David, laj k'anjel chiwu. Ut ink'a' raj tinxaqab' junaq li ralal chi awab'ejink sa' xb'eeneb' li ralal xk'ajol laj Abrahán, laj Isahak ut laj Jakob. Xb'aan naq wajom laa'in naq te'sutq'iiq chaq wi' chik sa' li xna'ajeb' ke'k'ame'k wi' chi preexil ut twuxtaana ruheb'”, chan li Qaawa'.

Jeremías 33:11

li b'ichank ut li sahil ch'oolejil, li ninq'ehik, li xb'ich li b'eelomej ut li ixaqilb'ej; taa'ab'imanq xyaab' xkuxeb' chixjunileb' li te'chalq chi mayejak re b'anyoxink sa' rochoch li Qaawa', yooqeb' chi xyeeb'al: «Chexyoxinq chiru li Nimajwal Yos xb'aan naq chaab'il li Qaawa', ut li xnimal xrahom wank chi junelik!». Relik chi yaal naq tink'ameb' chaq wi' chik sa' li xna'ajeb' li wankeb' chaq chi preexil, re naq te'wanq wi' chik jo' naq ke'wank chaq xb'enwa”, chan li Qaawa'.

Jeremías 33:7

Tinsutq'isiheb' chaq eb' laj Judá ut eb' laj Israel sa' li xna'ajeb' ut tink'ojob'eb' wi' chik sa' li xtenamiteb' re naq te'wanq jo' naq ke'wank chaq junxil.

Jeremías 32:37

Teb'inch'utub' chaq sa' chixjunileb' li na'ajej b'arwi' kincha'cha'iheb' xb'aan linjosq'il ut li xmay linch'ool; tink'ameb' chaq wi' chik sa' li na'ajej a'in ut te'wanq sa' tuqtuukilal.

Isaías 44:26

Ab'an ninxaqab' xwankil li raatineb' laj k'anjel chiwu ut ninb'aanu naq us te'elq eb' lintaql. Laa'in ninye naq taatenamito'q wi' chik Jerusalén, ut ninjultika naq eb' li tenamit sa' xteepal Judá te'waklesiiq wi' chik. Laa'in tinwaklesinq reheb' sa' li xpo'lemil.

Jeremías 13:19

Eb' li tenamit sa' xteepal Nejeb sutsuukeb' xb'aaneb' li xik' neke'ilok reheb', ut maajun chik naru chi nume'k aran. Chixjunileb' laj Judá xe'chape'k ut xe'k'ame'k chi preexil sa' najtil tenamit.

Jeremías 30:3

xb'aan naq twulaq xkutankil naq tinsutq'isiheb' chaq wi' chik eb' lintenamit Israel ut Judá li wankeb' chaq chi preexil. Laa'in, li Qaawa', ninyehok re a'in. Tink'eheb' chi wank sa' li xna'ajeb' ink'ehom reheb' li xxe'toonil yuwa'”, chan li Qaawa'.

Jeremías 31:23

Li Nimajwal Yos, li xYos laj Israel, kixye chi jo'ka'in: “Naq tinsutq'isiheb' chaq eb' laj Judá ut te'wanq wi' chik sa' li xch'och'eb' ut xtenamiteb', te'xye wi' chik li aatin a'in: «Li Qaawa' chirosob'tesi taxaq li santil tzuul a'in, xmuheb'aal li tiikilal!».

Jeremías 33:13

Sa'eb' li tenamit wankeb' chaq chi tzuul jo' ajwi' li wankeb' chiru taq'a, sa' xteepal Nejeb ut sa' xteepal Benjamín, sa'eb' li na'ajej chi xsutam Jerusalén ut sa'atqeb' li xtenamitul Judá, te'ilmanq wi' chik eb' laj ilol ketomq chi rajlankileb' li xkarneer”, chan li Qaawa'.

Abdías 1:19

Eb' laj Israel li wankeb' Nejeb te'reechaniheb' li tzuul sa' xteepal Edom; ut eb' li wankeb' chiru taq'a, te'reechani li xtenamiteb' laj Filistea. Te'reechani ajwi' li xteepaleb' laj Efraín ut aj Samaria; ut eb' laj Benjamín, a'aneb' li te'eechaninq re li na'ajej Galahad.

Abdías 1:20

Jo'k'ihaleb' laj Israel li ke'isiik sa' li xtenamiteb' te'kanaaq Kanahán toj Sarepta; ut eb' laj Jerusalén li tz'aptz'ookeb' Sefarad, te'reechaniheb' li tenamit sa' xteepal Nejeb.

Sofonías 2:7

Ut jo'k'ihaleb' te'kole'q sa' xteepal Judá a'aneb' chik te'eechaninq re li na'ajej a'an. Aran te'xk'aak'ale li xketomqeb' ut te'hilanq sa' rochocheb' laj Askalón, naq li Qaawa' li qaYos tolxtenq'aheb' laj Judá ut tixsutq'isiheb' wi' chik sa'eb' li xna'ajeb'.

Zacarías 7:7

Ma ink'a' jultik eere eb' li aatin xyehom chaq li Qaawa' chi xtz'uumal reheb' li propeet junxil, naq Jerusalén ut eb' li tenamit chi xsutam wankeb' chaq sa' tuqtuukilal ut k'ajo'eb' li xpoyanamil, ut li chaqich'och' re Nejeb ut li ru taq'a toj tenamiteb' chaq?»”.

Jeremías 30:18

Li Qaawa' kixye ajwi' chi jo'ka'in: “Eb' li ralal xk'ajol laj Jakob te'sutq'iiq chaq wi' chik sa' li xmuheb'aaleb', xb'aan naq twuxtaana ru li xna'ajeb' a'an. Jerusalén taawaklesimanq wi' chik sa' xb'een li po'lem, ut li kawub'resinb'il ochoch taayiib'aaq wi' chik sa' li xna'aj tz'aqal.