Jeremías 32:39 - Q'eqchi Bible

³⁹ Tink'e naq junaj aj chik li xch'ooleb' ut li xyu'ameb' chi xloq'oninkil wu chi junelik, re naq sa wanqeb' a'an ut eb' li ralal xk'ajoleb' li te'wanq moqon.

Li Santil hu

³⁹ La̱in tinqꞌue saꞌ xchꞌo̱leb nak caꞌaj cuiꞌ la̱in tineꞌxlokꞌoni chi junaj xchꞌo̱leb. Ut junelic teꞌxxucua cuu re nak us teꞌe̱lk joꞌ eb ajcuiꞌ li ralal xcꞌajol li teꞌcua̱nk mokon.

Jeremías 32:39 ပူးပေါင်းရင်းမြစ်များ

Hechos 4:32

Li xk'ihaleb' laj paab'anel junajeb' li xch'ool, junajeb' li raanm naq wankeb' chirib'ileb' rib'. Maa'ani naxye naq re li k'aru wank re, chixjunil b'an komon e cho'q reheb'.

San Juan 17:21

re naq junaqeb' ta chixjunileb'. Jo' naq laa'at, at inYuwa', wankat wik'in ut laa'in aawik'in, jo'kan ajwi' junaqeb' ta a'an qik'in re naq tixpaab' li ruuchich'och' naq laa'at xattaqlank chaq we.

Ezequiel 37:25

Te'wanq sa' li ch'och' ink'ehom re laj Jakob, laj k'anjel chiwu, b'arwi' ke'wank eb' leemama' leerixa'an. Aran te'wanq eb' a'an, eb' li ralal xk'ajol ut eb' li ri xmameb' chi junelik; ut a' laj David, laj k'anjel chiwu, taajolominq reheb' junq'e junq'e kutan.

Ezequiel 36:26

Tink'e eere jun ak' ch'oolej ut ak' musiq'ej; twisi eerik'in li xkawil eejolom ut tink'e eere jun q'unil ch'oolej.

Hebreos 10:20

xb'aan naq wank jun ak' ut yo'yookil b'e kixte cho'q qe sa' li t'ikr, naraj naxye sa' li xjunxaqalil.

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

Jeremías 32:40

Tink'ojob' jun Sumwank rik'ineb', li wanq xwankil chi junelik: laa'in ninye li waatin naq junelik twusila ruheb', ut tink'e sa' xch'ooleb' naq te'roxloq'i wu ut ink'a' chik te'xnajtob'resi rib' wik'in.

Proverbios 23:17

Maarahi li xna'leb'eb' laj maak, chaxiwaaq b'an ru li Qaawa'.

2 Crónicas 30:12

Jo'kan ajwi' sa' xteepal Judá li Yos kixtoch' xch'ooleb' li tenamit re naq chi junaj ru xch'ooleb' te'xb'aanu li k'aru ke'xye li awab'ej ut li xjolomileb' li tenamit, jo' chanru xchaq'rab' li Qaawa'.

1 Corintios 7:14

Xb'aan naq li b'eelomej maak'a' xpaab'aal a'an santob'resinb'il sa' xk'ab'a' li rixaqil, ut li ixaqilb'ej maak'a' xpaab'aal a'an santob'resinb'il sa' xk'ab'a' li xb'eelom aj paab'anel. Wi ta ink'a' jo'kan, eb' leeralal eek'ajol tz'aj raj ru li xyu'ameb', a'ut anaqwan santeb'.

Hechos 13:33

kitz'aqlok ru xb'aan li Yos sa' qayanq laa'o li ralal xk'ajol. Xb'aan naq li Yos kixwaklesi chi yo'yo li Jesus, jo' chanru tz'iib'anb'il sa' xkab' li Saalm: «Laa'at li Walal; anaqwan xatinyoob'tesi».

Isaías 35:8

Ut taawanq jun nimb'e li tixk'ab'a'in: “Loq'laj B'e”. Ink'a' te'nume'q aran li ink'a' neke'xpaab' li Qaawa', chi moko eb' li maak'a' xna'leb' te'xb'eeni rib' chisa'.

2 Corintios 13:11

Ex was wiitz'in, chisaho'q sa' leech'ool, tz'aqalaq eere eeru, chek'e xkawub' leech'ool, junajaq ru leek'a'uxl, wanqex sa' tuqtuukilal, ut li Yos li nak'ehok li rahok ut li tuqtuukilal taawanq eerik'in.

Romanos 11:16

Ut wi sant li xb'een ru li awimq, sant ajwi' chixjunil. Jo'wi' anchal wi sant li xxe' li che', santeb' ajwi' li ruq'.

Hechos 9:31

Sa'eb' li kutan a'an li Iklees wank sa' tuqtuukilal sa' chixjunil Judea, Galilea ut Samaria; yo chi kawuuk jo'wi' chi k'iik rik'in xpaab'ankil li Qaawa'. K'ajo' naq yookeb' chi tamk laj paab'anel rik'in li xk'ojob'ankil xch'ooleb' xb'aan li Santil Musiq'ej.

Hechos 3:26

Xb'enwa cho'q eere laa'ex li Yos kixwaklesi chi yo'yo li Jesus li xmoos ut kixtaqla chaq cherosob'tesinkil, re naq li junjunq tixkanab' li xmaa'usilal”.

Hechos 2:39

Xb'aan naq eere li yeechi'inb'il xb'aan li Yos, reheb' ajwi' leeralal eek'ajol ut reheb' chixjunil li wankeb' chi najt, jo'k'ihaleb' tixb'oqeb' li Qaawa' li qaYos.

Ezequiel 37:22

Junaj aj chik chi tenamit te'kanaaq wi' sa' li na'ajej a'in, sa' xteepal Israel, ut jun ajwi' chi awab'ej taa'awab'ejinq reheb' chixjunileb'. Moko wiib'aqeb' ta chik chi awab'ejihom naq wanqeb' chi moko jachjooqeb' chik chirib'ileb' rib'.

Jeremías 6:16

Jo'ka'in kixye li Qaawa': “Xaqlinqex sa'atqeb' li b'e ut ilonqex, patz'omaq chirixeb' li najter b'e b'ar wank li b'e chaab'il; a'an li b'e teek'am re naq sa chik texwanq”. A'ut eb' a'an ke'xye: “Ink'a' naqaj xik sa' li b'e a'an”, chankeb'.

Isaías 52:8

Ab'i li xyaab' xkuxeb' laj k'aak'alenel: japjookeb' re sa' junajil xb'aan xsahilaleb' xch'ool, xb'aan naq xe'ril rik'in ruheb' naq li Qaawa' xchalk wi' chik Sión.

Salmos 128:6

Toxaawil ajwi' eb' laawi aamam. Chiwanq taxaq tuqtuukilal sa' xb'een laj Israel!

Salmos 112:1

Aleluya! Us xaq re li naroxloq'i li Qaawa' ut q'axal nasaho'k sa' xch'ool rik'in xpaab'ankil li xchaq'rab'!

Deuteronomio 5:29

Us rajan naq junelik taxaq jo'kanaqeb' li xch'ool re woxloq'inkil ut xpaab'ankil chixjunileb' linchaq'rab'. Chi jo'kan wanqeb' xsahilaleb' xch'ool eb' a'an ut eb' li ralal xk'ajol chi junelik.

Génesis 22:12

Kixye li ánjel: “Maataqsi laawuq' sa' xb'een li ch'ina'al ut mik'a' aab'aanu re: anaqwan ninnaw naq nakaxiwa ru li Yos, xb'aan naq ink'a' xaram chiwu laawalal, li junaj chirib'il”.

Génesis 18:19

Sik'b'il chaq ru inb'aan re naq tixk'ut li b'eek jo' naraj li Qaawa' chiruheb' li ralal xk'ajol jo'wi' chiruheb' li te'wanq moqon, re naq te'wanq sa' tiikilal ut sa' chaab'ilal. Chi jo'kan tink'e re laj Abrahán li b'arwan xinyeechi'i re”.

Génesis 17:7

Tink'ojob' chi junajwa linSumwank aawik'in, jo' ajwi' rik'ineb' laawalal aak'ajol li te'wanq moqon. Laa'inaq laaYos ut xYoseb' ajwi' laawalal aak'ajol chi junelik.

Deuteronomio 6:24

Chirix chik a'an li Qaawa' kooxchaq'rab'i chi xyu'aminkil chixjunileb' li chaq'rab' a'in ut roxloq'inkil ru li qaYos. Chi jo'kan sa toowanq ut yo'yooqo, jo' wanko toj sa' li kutan a'in.

Salmos 86:11

Chak'ut taxaq chiwu laab'e, at Qaawa', re naq tinwanq sa' xyaalal; chak'e taxaq naq junes a'in tinsik': xpaab'ankil ut roxloq'inkil laaloq'laj k'ab'a'.

Isaías 65:23

Ink'a' chik te'xtawasi rib' chi k'anjelak chi maak'a' rajb'al, chi moko te'kamq li ralaleb' chi toj saajaqeb', xb'aan naq osob'tesinb'ilaqeb' a'an rochb'eeneb' li ralal xk'ajoleb': a'anaqeb' jun tenamit osob'tesinb'il xb'aan li Qaawa'.

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

Deuteronomio 6:2

Chi jo'kan teeroxloq'i ru li Qaawa' leeYos chiru chixjunil leeyu'am, ut teepaab' chixjunileb' li chaq'rab' ut li aatin nink'e eere anaqwan, jo'wi' reheb' leeralal eek'ajol ut leeri eemam, re naq taanajto'q roq leeyu'am.

Jeremías 24:7

Tink'e xna'leb'eb' re naq te'xnaw naq laa'in li Qaawa': a'anaqeb' lintenamit ut laa'inaq li xYoseb', xb'aan naq te'sutq'iiq chaq wik'in chi anchaleb' xch'ool.

Ezequiel 37:24

Laj David, laj k'anjel chiwu, a'an taa'awab'ejinq ut taab'eresinq re chixjunileb'. Te'ab'inq chik chiwu ut te'xpaab', te'xyu'ami li waatin ut linchaq'rab'.