Jeremías 32:35 - Q'eqchi Bible

³⁵ Xe'xyiib'atq ajwi' x'artal laj Bahal sa' xtaq'ahil Ben-Hinón, re xk'atb'al li ralal xk'ajoleb' cho'q xmayejeb' chiru laj Molok. Chi jo'kan xe'xk'e chi maakob'k eb' laj Judá, li maajun wa inyehom reheb' chi moko xnume'k b'ayaq sa' inch'ool naq jo'kan te'xb'aanu.

Li Santil hu

³⁵ Queꞌxyi̱b li naꞌajej li najt xteram re teꞌxlokꞌoni cuiꞌ li yi̱banbil dios Baal saꞌ li ru takꞌa re Ben-hinom ut re ajcuiꞌ nak teꞌxcꞌat chokꞌ xmayejeb eb li ralal xcꞌajol chiru lix dios Moloc. La̱in incꞌaꞌ quinye reheb nak teꞌxba̱nu aꞌan, chi moco quincꞌoxla nak teꞌxba̱nu li ma̱usilal aꞌan li kꞌaxal yibru nak queꞌxcꞌam xbeheb laj Judá chi ma̱cobc.

Jeremías 32:35 ပူးပေါင်းရင်းမြစ်များ

Jeremías 7:31

Sa' xTaq'ahil Ben-Hinón xe'xyiib' li tijob'aal re Tófet, re xyeechi'inkileb' li ralal xk'ajol cho'q k'atb'il mayej, li maajun wa inyehom reheb' chi moko xink'oxla b'ayaq a'an.

Levítico 18:21

“Maajun laawalal aak'ajol taamayeja chiru li yos Molok. Maatz'eqtaana li xk'ab'a' laaYos chi kama' a'an. Laa'in li Qaawa'.

2 Crónicas 33:6

Kixk'ateb' li ralal cho'q xmayej sa' xtaq'ahil Ben-Hinón ut kixtzol li q'ehink, li nawalink ut li tuulak. Kipatz'okatq rik'ineb' laj q'e ut rik'ineb' li musiq'ej; xikenaq wi' chik xb'een li maa'usilal kixb'aanu toj reetal kixpoq' xjosq'il li Qaawa'.

2 Reyes 23:10

Kixmux ru li na'ajej na'uxk wi' mayejak sa' xtaq'ahil Ben-Hinón, re naq maajun chik tixq'axtesi chi k'ate'k li ralal xk'ajol sa' xk'ab'a' laj Molok.

1 Reyes 16:19

Chixjunil a'in kik'ulmank xb'aan chixjunil li maa'usilal kixb'aanu, naq kimaakob'k chiru li Qaawa' jo' kixb'aanu laj Jerobohán naq kixk'eheb' laj Israel chi maakob'k.

Ezequiel 23:37

Eb' a'an ke'xmux xsumlajikeb' ut oso'jenaqeb' li ruq' sa' kik'. Kine'xtz'eqtaana naq ke'xloq'oni ruheb' li jalanil yos ut ke'xk'at sa' xam cho'q mayej eb' li walal ink'ajol.

Isaías 57:5

li nekexxik chi xb'aanunkil leemaa'usilal rub'eleb' li ji malaj rub'elatq k'a'aq chik chi ninqal che'; nekekamsi leekok'al chireheb' li nima' ut sa'atqeb' li ochoch pek.

2 Crónicas 33:9

Laj Manasés kixk'am xb'eheb' laj Judá ut eb' laj Jerusalén chi xb'aanunkil li maa'usilal, ut q'axal yib' wi' chik ru ke'xb'aanu chiru li ke'xb'aanu eb' li tenamit ke'sache'k ru xb'aan li Qaawa' chiruheb' laj Israel.

2 Reyes 23:15

Kixjuk' ajwi' li artal wank Betel ut li tijob'aal li wank chi tzuul, xyiib'ahom laj Jerobohán, ralal laj Nebat, naq kixk'ameb' xb'eheb' laj Israel chi maakob'k. Kixk'at li tijob'aal, kixpuk'iheb' li pek toj reetal kixkanab' jo' pojtz', ut kixk'at li xjalam u lix Aserá.

2 Reyes 21:11

“Jwal nim li xmaak laj Manasés, awab'ej re Judá. Q'axal numtajenaq wi' chik li maa'usilal xb'aanu chiru li ke'xb'aanu eb' laj Amor junxil chaq, ut kixk'am xb'eheb' laj Judá re xloq'oninkileb' ru eb' li jalanil yos.

2 Reyes 3:3

Ab'anan kixq'axtesi rib' sa' li maak kixb'aanu laj Jerobohán, ralal laj Nebat, naq kixk'am xb'eheb' laj Israel chi maakob'k.

1 Reyes 21:22

Tinsacheb' ru eb' laawalal aak'ajol jo' naq kinsacheb' ru li ralal xk'ajol laj Jerobohán, ralal laj Nebat. Te'xk'ul jo' kixk'ul li xjunkab'al laj Basá, ralal laj Ajías, xb'aan naq xachiq' injosq'il ut xak'ameb' xb'e eb' laj Israel chi maakob'k.

1 Reyes 15:30

A'an kik'ulmank xb'aan li maak kixb'aanu laj Jerobohán naq kixk'am xb'eheb' laj Israel chi maakob'k ut kixchiq' xjosq'il li Qaawa', xYos laj Israel.

1 Reyes 15:26

Laj Nadab kixb'aanu li ink'a' nawulak chiru li Qaawa': kixk'anasi re li xyuwa' ut kixk'am xb'eheb' laj Israel chi maakob'k.

1 Reyes 14:16

Ut tixq'axtesiheb' laj Israel sa' ruq'eb' laj jalan tenamit, xb'aan li xmaak laj Jerobohán, naq kimaakob'k a'an ut kixk'eheb' chi maakob'k eb' laj Israel”.

1 Reyes 11:33

Xb'aan naq laj Salomón xinxtz'eqtaana ut x'ok chi xloq'oninkil ru lix Astarté, xyoseb' laj Sidón, laj Kamós, xyoseb' laj Mohab, ut laj Milkón, xyoseb' laj Amón, ut ink'a' chik nab'eek sa' tiikilal chiwu, ink'a' chik naxpaab' li waatin ut linchaq'rab', jo' kixb'aanu laj David li xyuwa'.

Deuteronomio 24:4

li xb'een b'eelomej li kikanab'ank li ixaqilb'ej, moko truuq ta chik tixk'am cho'q rixaqil, xb'aan naq ak xtz'ajni rib' li ixq a'an. A'an tz'i'b'eetal chiru li Qaawa', ut laa'at ink'a' naru taasach xloq'al li ch'och' tixk'e aawe li Qaawa' laaYos chaweechani.

Deuteronomio 18:10

Miwank junaq sa' eeyanq li tixnumsi li ralal malaj li xrab'in sa' xam, malaj tixb'aanu li q'ehib'k ut li rilb'al li yu'am chaalel rik'in xka'yankil eb' li chahim. Maajun eere tixb'aanu li tuulak malaj xmoyb'al xsa' li uhej.

Éxodo 32:21

Ut kixye re laj Aharón: “K'aru xe'xb'aanu aawe li tenamit a'in naq xak'am chaq sa' xb'eeneb' li xnimal maak a'in?”, chan.

Hechos 7:43

Ink'a', a' chik li xmuheb'aal laj Molok ut li xchahimal li yos Refán xek'am cherix, eb' li xjalam u li xeyiib' re xloq'oninkileb' ru. Jo'kan naq laa'in texink'am toj junpak'al Babilonia».

Deuteronomio 12:31

Maab'aanu chi jo'kan re li Qaawa' laaYos. Xb'aan naq chixjunil li tz'i'b'eetal chiru li Qaawa', chixjunil li tz'eqtaananb'il xb'aan, neke'xb'aanu eb' a'an re xloq'oninkil li xyoseb': a' ajwi' eb' li ralal ut xrab'ineb' neke'xk'at sa' xk'ab'a'eb' li xyos!

1 Reyes 11:7

Chiruheb' li kutan a'an, laj Salomón kixk'e chi yiib'aak x'artalil laj Kamós, xtz'eqb'eetalil yos eb' laj Mohab, aran sa' xb'een li tzuul li wank chi xk'atq Jerusalén. Kixk'e ajwi' chi yiib'aak x'artalil laj Milkón, xtz'eqb'eetalil yos eb' laj Amón.

Jeremías 7:30

Jo'ka'in kixye li Qaawa': “Eb' laj Judá xe'xb'aanu li ink'a' nawulak chiwu: xe'xk'am li xtz'i'b'eetal aj yos sa' linsantil ochoch ut xe'xsach xwankil li na'ajej nanimaak wi' link'ab'a'.

Jeremías 19:2

Chirix chik a'an tatxik sa' xtaq'ahil Ben-Hinón, sa' li Rokeb'aal laj Pak'onel, ut aran toxaaye li aatin tinye aawe.

Jeremías 44:4

«Laa'in junelik kink'e inch'ool chi xtaqlankileb' chaq eerik'in linpropeet, aj k'anjeleb' chiwu, re xyeeb'al eere naq meeb'aanu li tz'i'b'eetalil na'leb' li ink'a' nawulak chiwu.

2 Reyes 21:4

ut kixyiib'atq artal sa' rochoch li Yos, sa' li na'ajej kixye wi' li Qaawa': “Jerusalén tink'ojob' link'ab'a'”.

2 Crónicas 36:14

Jo'kaneb' ajwi' chixjunileb' li xyuwa'ileb' laj tij ut eb' li poyanam: numtajenaq li maa'usilal ke'xb'aanu, jo' chanru k'aynaqeb' xb'aanunkil eb' li jalanil tenamit, ut ke'xmux li rochoch li Yos, li ak q'axtesinb'il chi xloq'oninkil ru li Qaawa' aran Jerusalén.

Jeremías 30:14

Xate'xtz'eq chirix xch'ooleb' eb' li neke'rahink aawu, maak'a' chik nakate'raj wi'. Xb'aan naq xatintiq' jo' naxb'aanu li xik' na'ilok, jo' naxb'aanu li josq' aj winq; xatinrahob'tesi xb'aan xk'ihal laamaak: k'ajo' li maa'usilal xab'aanu!