Jeremías 32:17 - Q'eqchi Bible

¹⁷ «At Qaawa' Yos, laa'at aj winqob'resihom re choxach'och' rik'in xnimal aawankil ut xkawilal laawuq': maak'a' k'aru ch'a'aj xb'aanunkil chawu, at Qaawa'.

Li Santil hu

¹⁷ —At Ka̱cuaꞌ, at nimajcual Dios, kꞌaxal nim la̱ cuanquil. La̱at catyi̱ban re li choxa ut li ruchichꞌochꞌ riqꞌuin xnimal a̱cuanquil. Ma̱cꞌaꞌ chꞌaꞌaj cha̱cuu la̱at.

Jeremías 32:17 ပူးပေါင်းရင်းမြစ်များ

San Lucas 1:37

xb'aan naq maak'a' ch'a'aj chiru li Yos.

Jeremías 32:27

“K'e reetal, laa'in li Qaawa', li xYos chixjunileb' li wankeb' xyu'am. Maak'a' k'aru ch'a'aj xb'aanunkil chiwu.

Génesis 18:14

Ma wank tab'i' k'aru ch'a'aj chiru li Qaawa'? Sa'eb' li kutan xinye, sa' jun chihab' chik, tinsutq'iiq chaq, ut lix Sara taawanq jun xk'uula'al”.

Li xHu LAJ JOB 42:2

“Xink'e reetal naq nakatruuk xb'aanunkil chixjunil: wank aawankil chi xb'aanunkil jo'nimal li nakawaj.

San Mateo 19:26

Li Jesus kixka'yaheb' ut kixye reheb': —Chiruheb' li winq ink'a' naru, ab'an chiru li Yos naru chixjunil.

Éxodo 20:11

Xb'aan naq chiru waqib' kutan li Qaawa' kixb'aanu li choxach'och', li palaw ut chixjunil li wank chisa', ut sa' li xwuq li kutan kihilank. Jo'kan naq li Qaawa' kirosob'tesi li kutan sábado ut kixsantob'resi.

Jeremías 27:5

Rik'in xnimal linwankil ut linmetz'ew kink'uub' li ruuchich'och', jo'wi' eb' li poyanam ut li xul li wankeb' chisa', ut laa'in yaal we k'aru tinb'aanu rik'in chixjunil a'an: naru tink'e sa' ruq' li ani xk'ulub'a wi' linch'ool.

San Lucas 18:27

Kixsumeheb': —Li ink'a' naru chiruheb' li winq, a'an naru chiru li Yos, chan.

2 Reyes 19:15

ut kitijok chi jo'ka'in: “At Qaawa', xYosat laj Israel, li wank laak'ojarib'aal sa' xb'eeneb' li kerubín, ka'ajwi' laa'at li xYos chixjunileb' li awab'ejihom sa' ruuchich'och'! Laa'at katk'uub'ank re li choxach'och'!

Isaías 45:12

Laa'in kinyiib'ank re li ruuchich'och' ut kinyoob'tesiheb' li poyanam li wankeb' chisa'. Laa'in kinhelok re li choxa rik'ineb' li wuq' ut nintaqlank sa' xb'een chixjunileb' li chahim.

Apocalipsis 4:11

“Aak'ulub', at Qaawa', at qaYos, xk'ulb'al laanimal laaloq'al, li loq'onink ut laawankilal, xb'aan naq laa'at katyoob'tesink re chixjunil: rik'in laawajom ke'yoob'tesiik ut wankeb' chik anaqwan”.

Salmos 102:25

Jo'kan naq xinye: “At inYos, maamaq' linyu'am naq toj maji' nintixk; laa'at wankat chi junelik q'e kutan”.

Jeremías 51:15

Li Qaawa' kixk'uub' li ruuchich'och' rik'in li xwankil; kixk'ojob' sa' xna'aj li choxach'och' rik'in li xseeb'al xk'a'uxl ut kixhel ru li choxa rik'in li xnimal xnawom.

Nehemías 9:6

Toja' naq laj Esdras kixye: “At Qaawa', ka'jat wi' li Yos! Laa'at katyiib'ank re li xnimal li choxa ut chixjunileb' li chahim. Laa'at aj Winqob'resihom re li choxach'och' ut chixjunil li wank chisa'; laa'at katyiib'ank re li palaw ut jo'ch'inal jo'nimal yo'yo sa' xchamal. Laa'at xyo'leb'aal li yu'am; jo'kan naq nakate'xloq'on eb' li chahim sa' choxa.

Isaías 42:5

Jo'ka'in kixye li Qaawa' li kiyoob'tesink ut kihelok re li choxa, li kik'uub'ank re li ruuchich'och' jo'wi' li wank chiru, li kik'ehok xyu'am eb' li poyanam ut kixyoob'tesi chixjunileb' li wankeb' arin:

Daniel 2:22

A'an nak'ehok chi kutankil li muqmuukil k'a'uxl ut li ch'a'aj xtawb'al ru; naxnaw li k'aru muqmu sa' li aak'ab', xb'aan naq na'ochb'eeniik xb'aan li kutan saqenk.

Jeremías 51:19

A'ut li xYos laj Jakob moko jo'kan ta: A'an kiyiib'ank re li choxach'och' ut kixsik' ru laj Israel cho'q reechanihom: “Li Nimajwal Yos” a'an li xk'ab'a'.

Jeremías 1:6

Ut laa'in kinye: “Toq'ob' wu, at Qaawa', toj saajin chi us ut ink'a' ninnaw aatinak”.

Jeremías 14:13

Ut laa'in kinye: “At Qaawa' Yos, k'e reetal naq eb' li propeet yookeb' chi xyeeb'al reheb' li tenamit: «Ink'a' teeril yalok chi moko we'ej, tink'e b'an tuqtuukil usilal chi junajwa sa' li tenamit a'in», chankeb'”.

Hechos 17:24

“Li Yos li kiyiib'ank re li ruuchich'och' ut chixjunil li wank chisa', a'an ajwi' laj eechal re li choxach'och'. Ut a'an ink'a' nahilank sa' ochoch yiib'anb'il rik'in uq'ej,

Hechos 15:18

Raatin li Qaawa', li nab'aanunk re anaqwan li ak k'uub'k'u chalen chaq q'e kutan».

Hechos 14:15

—Ex qamiiw, k'a'ut naq nekeb'aanu a'in? Laa'o yal winqo ajwi', juntaq'eeto eerik'in laa'ex. Wanko arin chi xyeeb'al eere li chaab'il esilal a'in: naq chekanab'aq a k'a'aq re ru a'in li maak'a' xyaalal ut cheq'axtesi eerib' re li yo'yookil Yos li kib'aanunk re li choxach'och', li palaw ut chixjunil li wankeb' chisa'.

Zacarías 12:1

A'an a'in li raatin li Yos chirix li tenamit Israel. Li Qaawa', li kihelok re li choxa ut kik'ojob'ank re li ruuchich'och' sa' xna'aj, li kik'ehok xyu'am li winq ut li ixq, a'an kixye chi jo'ka'in:

Isaías 44:24

Jo'ka'in kixye li Qaawa' laj Kolol aawe, li kisiyank chaq aawe naq toj maji' nakatyo'laak: “Laa'in li Qaawa', laa'in kinyoob'tesink re chixjunil, injunes kinhel ru li choxa ut kink'ojob' li ruuchich'och' sa' xna'aj.

Ezequiel 11:13

Toj yookin ajwi' chi xyeeb'al li aatin a'in naq kikamk laj Pelatías, ralal laj Benaías. Kinwiq'laak, kinhupub' wib' chiru ch'och' ut kinjap we chi xyeeb'al: “At Qaawa', ma taachoy xsachb'al ru li rela' laj Israel?”.

Ezequiel 9:8

Naq yookeb' chi kamsink, laa'in kinkanaak injunes. Kinwiq'laak ut kinhupub' wib' chiru ch'och', ut kinjap we chi xyeeb'al xb'aan xrahil linch'ool: “At Qaawa', ma taawisi laajosq'il sa' xb'eeneb' laj Jerusalén toj reetal taasach ru li rela' laj Israel?”.

Jeremías 4:10

Ut laa'in kinye: “At Qaawa', k'ajo' naq xab'alaq'iheb' laj Jerusalén rik'in xyeeb'al naq te'wanq sa' tuqtuukilal, ut anaqwan a' chik li kamk xteneb'aak sa' xb'eeneb'!”.

San Marcos 10:27

Li Jesus kixka'yaheb' ut kixye: —Chiruheb' li winq ink'a' naru, ab'an chiru li Yos naru, xb'aan naq chixjunil naru chiru li Yos.

2 Reyes 3:18

Ut ink'a' taak'ojlaaq xch'ool li Qaawa' rik'in a'in, xb'aan naq tixq'axtesiheb' ajwi' laj Mohab sa' eeruq'.

Salmos 136:12

rik'in xwankil li ruq' ut xkawilal li xtel, li xnimal xrahom wank chi junelik!

Isaías 59:1

Ink'a' teek'oxla naq li Qaawa' maak'a' chik xwankil chekolb'al, chi moko tz'aptz'o ta li xxik cherab'inkil.

Jeremías 21:2

“B'aanu usilal, patz'on chiqix rik'in li Qaawa' k'a'ut naq laj Nabukodonosor, li awab'ej re Babilonia, x'ok chi yalok qik'in. Mare anchal tixb'aanu junaq sachb'ach'oolej li Qaawa' re naq tookanab'aaq sa' xyaalal xb'aan laj Nabukodonosor”. Toja' naq li Qaawa' kiraatina laj Jeremías,

Jeremías 33:3

Patz' link'ab'a' ut laa'in tatinchaq'b'e; tinye aawe xninqal na'leb' li wankeb' chi muqmu ut toj maji' nakanaw laa'at.

Daniel 6:20

Ut naq yo chi jilok, chi ra sa' xch'ool kixjap re chi xyeeb'al: “At Daniel, aj k'anjelat chiru li yo'yookil Yos ut li nakaloq'oni ru chi anchal laach'ool, ma xru laaYos chakolb'al sa' reheb' li kaqkoj?”, chan.

Zacarías 8:6

“Jo'ka'in naxye li Nimajwal Yos: Chiruheb' li kutan a'an jo'k'ihaleb' li te'kole'q, te'xk'oxla naq chixjunil a'in ch'a'ajkaq xb'aanunkil; ab'anan moko ch'a'ajkaq ta cho'q we laa'in, chan li Nimajwal Yos.

Números 11:23

Kichaq'ok li Qaawa' ut kixye re laj Moisés: “Ma nakak'oxla laa'at naq maak'a' inwankil chi xb'aanunkil a'in? Anaqwan taawil ma taa'uxmanq li naxye li waatin malaj ut ink'a'”, chan li Yos.