Jeremías 31:8 - Q'eqchi Bible

⁸ Laa'in teb'ink'am chaq sa' li tenamit wank sa' xjayal releb'l iq', ut tinch'utub'eb' li wankatqeb' chaq sa' xmaril li ruuchich'och'. Rochb'eenaqeb' chaq eb' li mutz' jo'wi' eb' li yeq roq, eb' li ixq li wankeb' sa' yu'am ut eb' li ak xe'alank: jun nimla teep li te'sutq'iiq chaq wik'in.

Li Santil hu

⁸ La̱in tincꞌameb chak lin tenamit saꞌ eb li naꞌajej li cuanqueb cuiꞌ saꞌ li norte. Tinchꞌutub ruheb chixjunileb yalak bar cua̱nkeb saꞌ ruchichꞌochꞌ. Eb li mutzꞌ ruheb ut eb li ye̱k rok teꞌcha̱lk rochbeneb, joꞌ eb ajcuiꞌ li yaj aj ixk ut li ac xeꞌqꞌuira. Kꞌaxal nabaleb li qꞌuila tenamit li teꞌcha̱lk.

Jeremías 31:8 ပူးပေါင်းရင်းမြစ်များ

Ezequiel 34:16

Tinsik' chaq li karneer sachenaq, tinsutq'isi chaq li xcha'cha'iik, tinb'an li xtiq' rib', tink'irtasi li yaj ut twileb' ajwi' li ninqeb' xtib'el ut kaweb' rib'. Tinb'eresiheb' sa' tiikilal.

Jeremías 23:8

te'xb'aanu b'an jurament sa' xk'ab'a' li Nimajwal Yos li xk'amok chaq eb' laj Israel sa' li tenamit wan chaq sa' xjayal releb'l iq' jo'wi' sa'atq chixjunileb' li tenamit b'arwi' kixcha'cha'iheb'. Ut te'wanq wi' chik sa' li xch'och'eb'”.

Isaías 42:16

Tink'ameb' li mutz' sa' junaq b'e ink'a' numenaqeb' chisa', ut tinb'eresiheb' sa' junaq na'ajej b'arwi' toj maji' wanjenaqeb'. Chiruheb' a'an tinsutq'isi li aak'ab' cho'q saqenk, ut eb' li julux b'e te'kanaaq chi nat'anb'ak ru. Chixjunil li k'a'aq re ru a'in tinb'aanu; relik chi yaal naq tinb'aanu chi junpaat”, chan li Qaawa'.

Miqueas 4:6

Xyehom li Qaawa': “Sa' li kutan a'an teb'inxok chaq linkarneer li yeq ra'eb'; tinch'utub'eb' li cha'cha'inb'ileb' ut li xinrahob'tesiheb'.

Hebreos 12:12

Jo'kan utan, taqsihomaq leelub'luukil uq' ut xaqab'omaq chi kaw li xb'een eeraq li maak'a' xmetz'ew;

Ezequiel 34:13

Twisiheb' chaq sa'eb' li jalanil tenamit, tinch'utub'eb' ut tink'ameb' sa' li xna'ajeb'. Tinch'oolaniheb' sa' xteepal Israel, chiruheb' li tzuultaq'a, chirehatq eb' li nima' ut sa'atqeb' chixjunileb' li k'aleb'aal.

Isaías 40:11

Jo' junaq aj ilol ketomq, naxb'eresiheb' li xkarneer; naxq'alu eb' li xkok' karneer ut naxq'uneb', ut naxk'eheb' chi hilank li toja' xe'alank.

1 Ts 5:14

Naqatz'aama ajwi' cheru, ex qas qiitz'in, cheq'usaqeb' li sachsookeb' xna'leb'; chewaklesihaqeb' li neke'ch'inank xch'ool, chetenq'aheb' li ink'a' kaweb' xch'ool sa' xpaab'aaleb' ut chiwanq eekuyum rik'ineb' chixjunil.

San Mateo 12:20

Ink'a' tixtoq li kaxlan'aj ak jorol, chi moko tixchup xsaqenkil li noq' toj nab'utz'utz'nak, toj reetal tixxaqab' xwankil li tiikilal chi junajwa.

Jeremías 3:18

“Chiruheb' li kutan a'an eb' laj Israel ut eb' laj Judá te'wanq chik sa' junajil, ut sa' wiib'al chik te'chalq sa'eb' li na'ajej wankeb' chaq sa' xjayal releb'l iq' ut tole'okaq sa' li ch'och' ink'ehom chi reechani eb' leexe'toonil yuwa'.

Isaías 52:10

Li Qaawa' xk'ut li xnimal xwankil chiruheb' chixjunil li tenamit; ut yalaq b'ar toj sa' xmaril li ruuchich'och' x'ilmank li kolb'a ib' nachalk rik'in li qaYos.

Isaías 43:6

Tinye reheb' li wankeb' sa' xjayal releb'l iq': «Q'ajsihomaq chaq we», ut reheb' li wankeb' sa' xjayal xsak'leb' iq': «Maarameb' chik. K'ameb' chaq we eb' li walal ink'ajol toj chi najt, chalen chaq sa' xmaril li ruuchich'och';

Deuteronomio 30:4

Us ta cha'cha'inb'ilex toj sa' xmaril li ruuchich'och', aran ajwi' tolexxok li Qaawa' leeYos ut taachalq chesik'b'al.

Hebreos 4:15

Xb'aan naq moko wank ta junaq xyuwa'il aj tij li ink'a' ta naxnaw ruxtaanankil ut xtoq'ob'ankil qu; wank b'an jun li kiyale'k rix rik'in chixjunil kama' ajwi' laa'o, ab'an ink'a' kimaakob'k jun sutaq.

1 Corintios 8:10

Wi junaq aj paab'anel toj q'un xch'ool taa'iloq aawe li wank aana'leb', yookat chi hilank sa' meex sa' rochochil li yal k'oxlanb'il yos, ma ink'a' tab'i' taa'eek'asiiq xch'ool chi xtzekankil li k'aru mayejanb'il chiruheb' li yal k'oxlanb'il yos?

San Juan 21:15

Naq ak xe'wa'ak, kixye li Jesus re laj Simón Pedro: —At Simón, ralalat laj Jwan, ma q'axal nikinaara chiruheb' a'in? Kixye a'an: —Hehe', Qaawa'. Laa'at nakanaw naq nakatinra. Kixye li Jesus re: —Chach'oolaniheb' linkok' karneer.

Zacarías 2:6

Ayuqex, elenqex chaq sa' li tenamit wank sa' xjayal releb'l iq', chan li Qaawa'. Laa'in xincha'cha'ink eere junsut junrub'el choxa. Elenqex anaqwan.

Sofonías 3:19

K'e reetal, sa' li kutan a'an tinsach ruheb' chixjunileb' li neke'rahob'tesink aawe. Tintenq'aheb' li karneer li yeq roqeb' ut tinxok chaq li sachenaq. Tinterq'usi leeloq'al ut leek'ab'a' sa' chixjunil li na'ajej b'arwi' xek'ul rahilal.

Ezequiel 20:41

Texink'ul jo' li sununkil mayej, naq texwisi chaq sa' xyanqeb' li tenamit b'arwi' cha'cha'inb'ilex; texinch'utub' ut, sa' eek'ab'a' laa'ex, tink'ut linsantilal chiru chixjunileb' li poyanam.

Ezequiel 20:34

Texwisi sa' xyanqeb' li tenamit b'arwi' cha'cha'inb'ilex ut texinch'utub' rik'in xnimal inwankil ut sa' josq'il.

Jeremías 29:14

Tink'e wib' chi tawe'k eeb'aan ut tink'eheb' chaq chi sutq'iik leekomon li wankeb' chaq chi preexil; texwisi chaq sa' chixjunileb' li tenamit ut na'ajej b'arwi' xexincha'cha'i, texinch'utub' ut texinsutq'isi wi' chik sa' li na'ajej b'arwi' kexwisi. Laa'in, li Qaawa', ninyehok re a'in».

Jeremías 3:12

Ayu sa' xjayal releb'l iq' ut ye li esilal a'in: «Xyehom li Qaawa': Sutq'in chaq wik'in, a Israel, aj q'etolat aatin. Ink'a' chik yo injosq'il sa' aab'een chi moko xik' chik nakatwil, xb'aan naq q'axal chaab'il linch'ool -chan li Qaawa'-.

Isaías 45:22

“Sutq'inqex chaq wik'in re naq texinkol, chejunilex li wankatqex chaq sa' xmaril li ruuchich'och', xb'aan naq laa'in li Yos ut maak'a' chik junaq.

Salmos 107:3

eb' li ke'ch'utub'aak sa' xyanqeb' li tenamit, chalen sa' releb'l ut toj sa' rokeb'l li saq'e, chalen sa' releb'l ut toj sa' rokeb'l li iq'.

Salmos 98:3

Ink'a' xsachk sa' xch'ool li xrahom ut li xchaab'ilal rik'ineb' li ralal xk'ajol laj Israel. Toj sa' xmaril li ruuchich'och' xe'ril li xkolom ut li xrahom li qaYos.

Salmos 65:5

Us xaq re li sik'b'il ru aab'aan, a' li nakak'am aawik'in re taawanq sa' laamuheb'aal. Chisaho'q sa' qach'ool rik'in li saa'us wank sa' laajunkab'al, rik'in li loq'laj eechej wank sa' laawochoch.

Jeremías 23:3

Laa'in tink'ameb' chaq linkarneer b'arwi' xwaanilasiheb', tinch'utub'eb' ut teb'ink'am chaq wi' chik sa' li xna'ajeb', re naq te'k'iiq ut te'k'ihanq.

Ezequiel 34:12

Jo' naq laj ilol ketomq naxk'e xch'ool chirixeb' li xketomq xe'xcha'cha'i rib'eb', jo'kan tinb'aanu laa'in reheb' linketomq; twisiheb' chaq sa' chixjunileb' li na'ajej xe'sachk wi' sa' jun rahil kutan ut aak'ab' ru.

Jeremías 16:15

te'xye b'an chik: «Loq'oninb'ilaq li Qaawa' li xk'amok re laj Israel sa' li tenamit wan chaq sa' xjayal releb'l iq' ut sa' chixjunileb' li na'ajej b'arwi' kixcha'cha'iheb'». Laa'in teb'ink'am chaq wi' chik sa' li ch'och' ink'ehom reheb' li xxe'toonil yuwa'eb'.