Jeremías 31:7 - Q'eqchi Bible

⁷ Jo'ka'in ajwi' kixye li Qaawa': “Japomaq eere xb'aan xsahil leech'ool chirixeb' laj Jakob, chiwanq sahil ch'oolejil sa' xk'ab'a' li xnimal ru tenamit. Puktesihomaq resil, chenimaaq ru ut yehomaq: «Li Qaawa' xkol li xtenamit, li rela'eb' laj Israel».

Li Santil hu

⁷ Li Ka̱cuaꞌ quixye: —¡Bichankex xban xsahil e̱chꞌo̱l saꞌ xcꞌabaꞌeb li ralal xcꞌajol laj Jacob, li nim xcuanquil saꞌ xya̱nkeb chixjunileb li tenamit! Chi-abi̱k xya̱b le̱ cux nak te̱lokꞌoni li Ka̱cuaꞌ ut te̱ye, “Li Ka̱cuaꞌ xcoloc reheb lix tenamit. Aꞌan xcoloc ke la̱o aj Israel li joꞌ qꞌuial chic xocana.”

Jeremías 31:7 ပူးပေါင်းရင်းမြစ်များ

Isaías 37:31

Eb' li te'kole'q sa' xyanqeb' li ralal xk'ajol laj Judá ut ink'a' te'kamq, jo'kaqeb' li che': cham te'xe'enq ut taqe'q te'uuchinq.

Salmos 28:9

Chakol taxaq laatenamit, at Qaawa', chawosob'tesiheb' taxaq laawalal aak'ajol; chach'oolaniheb' ut chab'eresiheb' chi junelik.

Salmos 14:7

Chichalq taxaq toj Sión li xkolb'aleb' laj Israel! Naq li Qaawa' tixwaklesi xch'ool li xtenamit, taa'ok chi ninq'ehik laj Jakob. K'ajo' naq taasaho'q sa' xch'ool laj Israel!

Jeremías 23:3

Laa'in tink'ameb' chaq linkarneer b'arwi' xwaanilasiheb', tinch'utub'eb' ut teb'ink'am chaq wi' chik sa' li xna'ajeb', re naq te'k'iiq ut te'k'ihanq.

Romanos 11:5

Jo'kan ajwi' anaqwan, sa'eb' li kutan a'in, wank jun “rela'” sik'b'il ru xb'aan rusilal li Yos.

Romanos 9:27

Laj Isaías ajwi' kixjap re chi xyeeb'al chirixeb' laj Israel: “Us ta naab'aleb' li ralal xk'ajol laj Israel jo' ta xk'ihal li samahib' chire li palaw, ab'anan ka'ajwi' li rela'eb' taakole'q.

Sofonías 2:9

Jo'kan naq Laa'in, li Nimajwal Yos ut xYos laj Israel, ninye li waatin naq Mohab taakanaaq jo' Sodoom, ut Amón taa'oso'q jo' Gomoor. Junes k'ix ut atz'am taa'elq chiru; nakirirnak chi junajwa taakanaaq. Jo'k'ihaleb' chik lintenamit xe'kole'k, te'xxok chixjunil ut eb' a'an te'eechaninq re li na'ajej a'an”.

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Miqueas 2:12

Ok we chi xch'utub'ankil chixjunil li xtenamit laj Jakob; twaj tinxok li rela'eb' laj Israel. Tinch'utub'eb' jo' na'uxk reheb' li karneer sa' li koral, jo' na'uxk reheb' li ketomq sa' li pach'aya'; ut tz'aapixikaq rab'inkileb' xb'aan xk'ihaleb'.

Amós 5:15

Tz'eqtaanahomaq li ink'a' us, rahomaq ru li us ut k'ehomaq xwankil li tiikilal sa' li raqok aatin. Mare anchal li Nimajwal Yos taaruxtaana ruheb' laj José, li jo'k'ihaleb' chik te'kole'q.

Joel 2:32

Ab'anan chixjunileb' li te'yaab'anq re xk'ab'a' li Qaawa', te'kole'q, xb'aan naq sa' li tzuul Sión ut Jerusalén taawanq li kolb'a ib', jo' kixye li Qaawa'. Jo'k'ihaleb' li sik'b'ileb' ru xb'aan li Qaawa' te'kole'q.

Oseas 1:7

Ab'anan twil xtoq'ob'aal ru eb' laj Judá ut tinkoleb': maawa' rik'in simaj malaj q'esnal ch'iich', rik'in yalok malaj kawaay, chi moko rik'ineb' li neke'xik chirixeb' kawaay, sa' ink'ab'a' b'an laa'in li Qaawa', li xYoseb'”.

Ezequiel 6:8

«Ab'anan tinkanab'eb' wiib' oxib'aqeb' chi yo'yo sa' eeyanq: te'kole'q chiru li kamk ut te'cha'cha'iiq sa'atqeb' li tenamit.

Isaías 61:9

Q'axal nawnooq ruheb' li ralal xk'ajol xb'aaneb' li tenamit, ut chixjunileb' li te'iloq reheb' te'xk'e reetal naq a'aneb' jun tenamit osob'tesinb'il xb'aan li Qaawa'.

Isaías 44:23

At choxa, jap aawe xb'aan xsahil aach'ool sa' xk'ab'a' li xb'aanuhom li Qaawa'. B'ichanqex, sahoqex, ex xchamal li ruuchich'och'! Ex k'iche' ut ex tzuul eerochb'een chixjunileb' li che', pisk'onqex xb'aan xsahil eech'ool, xb'aan naq li Qaawa' xk'ut li xloq'al chiru laj Israel naq xkoleb' li ralal xk'ajol laj Jakob.

Isaías 37:4

Ma ink'a' tawi' xrab'i li Qaawa' laaYos li xyehom li xnimal ru aj k'anjel li xtaqlaak chaq xb'aan laj eechal re, a' li awab'ej re Asiria, re xhob'b'al li yo'yookil Yos? Jwal us raj naq li Qaawa' laaYos taarahob'tesinq re xb'aaneb' li raatin xye. Laa'at tijon chiru li Qaawa' chirixeb' laj Israel li toj yo'yookeb'!»”.

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Isaías 1:9

Wi ta li Nimajwal Yos ink'a' xooxkol wiib' oxib'aq, xookanaak raj kama' Sodoom, chanchano raj li tenamit Gomoor.

Salmos 106:47

At Qaawa', at qaNimajwal Yos, choohaakol taxaq! Choohaawisi sa' xyanqeb' chixjunil li poyanam ut choohaach'utub', re naq tooyoxinq chawu ut tqanima laaloq'al!

Salmos 69:35

Chinimaaq ru li Qaawa' xb'aan li choxach'och'; chinimaaq ru xb'aan li palaw ut chixjunil li nab'ulb'utk chisa'.

Salmos 67:1

Re li xjolomileb' laj b'ichanel. Rik'ineb' li wajb' li wankeb' li ru. Saalm ut b'ich.

Deuteronomio 32:43

“Ex tenamit, chexsaho'q eerochb'een li xtenamit li Yos, xb'aan naq A'an tixk'e reeqaj li xkik'eleb' laj k'anjel chiru, taa'eeqajunq sa' xb'eeneb' li xik' neke'ilok re, ab'an tixkuy xmaakeb' li xtenamit ut taarisi li maa'usilal sa' li xna'ajeb'”.

Deuteronomio 28:13

Li Qaawa' tatxk'e chi uub'ej, moko tatxk'e ta chi ixb'ej. Junelik tatk'amoq b'e ut maajun wa k'amb'ilaq aab'e, wi nakapaab' li xchaq'rab' li Qaawa' laaYos rik'in xk'uulankil sa' aach'ool ut xk'anjelankil ru li yookin chi xyeeb'al aawe anaqwan,

Jeremías 3:23

Relik chi yaal naq maak'a' aj e li xik sa' xb'eeneb' li tzuul ut li ninq'ehik sa' xb'eeneb' li b'ool. Ka'ajwi' li Qaawa' li qaYos nakolok reheb' laj Israel.

Jeremías 20:13

B'ichahomaq ut loq'onihomaq ru li Qaawa', xb'aan naq A'an xkolok reheb' li wankeb' sa' rahilal sa' ruq'eb' li ink'a' useb' xna'leb'.

Jeremías 31:12

“Te'chalje'q rik'in b'ichank sa' xb'een li tzuul Sión; jun chalikaqeb' wan wi' li xsimaatan li Qaawa', chi xyalb'al xsahil li triiw, li b'iin ut li aseeyt, ut te'k'ojlaaq xch'ool rik'in li raleb' li karneer ut li wakax. Chanchanaqeb' jun li xna'aj awimq t'aqresinb'il chi us, ut maajoq'e chik te'wiib'anq xch'ool.

Lamentaciones 1:1

Toq'ob' xaq ru li tenamit Jerusalén! Xnimal ru tenamit naq kiwank sa' xyanqeb' chixjunil li tenamit, ut k'ajo'eb' li poyanam ke'wank chisa'; ab'an anaqwan xkanaak sa' junaatalil, chanchan aj chik jun xmalka'an xkanaak. Junxil Jerusalén nataqlank sa' xb'eeneb' li tenamit, ut anaqwan a'an chik minb'il ru chi k'anjelak.

Salmos 126:2

Toja' naq kiqajap qe chi se'ek; k'ajo' naq koob'ichank xb'aan xsahil qach'ool! Toja' naq ke'xye li poyanam chirib'ileb' rib': “Sachb'ach'oolej xb'aanu li Qaawa' rik'ineb' a'an!”.

Isaías 52:8

Ab'i li xyaab' xkuxeb' laj k'aak'alenel: japjookeb' re sa' junajil xb'aan xsahilaleb' xch'ool, xb'aan naq xe'ril rik'in ruheb' naq li Qaawa' xchalk wi' chik Sión.