Jeremías 31:4 - Q'eqchi Bible

⁴ Tatinwaklesi wi' chik, a Israel, ut tatk'ojlaaq wi' chik sa' laana'aj. Tatxajoq wi' chik xb'aan xsahil sa' laach'ool, rik'in xyaab' li wajb' ut li tzojtzoj.

Li Santil hu

⁴ La̱in tinyi̱b cuiꞌchic le̱ tenamit, la̱ex aj Israel. Ut texinqꞌue cuiꞌchic chi cua̱nc saꞌ le̱ tenamit. Te̱chap cuiꞌchic le̱ cuajb ut texxic chi xajoc xban xsahil e̱chꞌo̱l.

Jeremías 31:4 ပူးပေါင်းရင်းမြစ်များ

Jeremías 33:7

Tinsutq'isiheb' chaq eb' laj Judá ut eb' laj Israel sa' li xna'ajeb' ut tink'ojob'eb' wi' chik sa' li xtenamiteb' re naq te'wanq jo' naq ke'wank chaq junxil.

Jeremías 31:13

Toja' naq eb' li tuq'ixq te'xajoq xb'aan xnimal xsahilaleb' xch'ool; jo'kanaqeb' ajwi' li saaj al ut eb' li cheekel winq. Tinsutq'isi li xrahilaleb' cho'q sahilal, tink'ojob'eb' xch'ool ut twisi chixjunil li ch'a'ajkilal sa' xyanqeb'.

Amós 5:2

Israel chanchan jun tuq'ixq kamenaq; xt'ane'k ut ink'a' chik naru chi wakliik. Jiljo chiru ch'och' xkanaak ut maajun nawaklesink re.

Hechos 15:16

«Chirix a'in tinsutq'iiq chaq ut tinyiib' wi' chik li xmuheb'aal laj David, a' li t'anjenaq. Tinwaklesi li xpo'lem ut tinkab'la wi' chik,

Salmos 149:3

Chenimaaq li xk'ab'a' rik'in xajok, chexb'ichanq ut chexwajb'aq rik'in tun ut aarp!

San Lucas 15:23

K'amomaq chaq li ral wakax ch'oolaninb'il chi us, kamsihomaq, chootzekanq ut chooninq'ehiq!

Lamentaciones 2:13

Ani tatinjuntaq'eeta wi', at tenamit Jerusalén? K'a' ta wi' ru tinye aawe? Ani tawi' tkoloq aawe ut tixk'ojob' aach'ool, at Sión k'ajo' xchaq'alil aawu? Jwal nim laarahilal, kama' xnimal li palaw: ani truhanq chak'irtasinkil?

2 Reyes 19:21

A'an a'in li aatin kixye li Qaawa' chirix li awab'ej re Asiria: “Nakate'xtz'eqtaana, nakate'xse'e eb' laj Sión jo' naxb'aanu junaq tuq'ixq; neke'xb'anb'ani li xjolomeb' li rixqilal aj Jerusalén.

Lamentaciones 1:15

Li Qaawa' xtz'eqtaana chixjunileb' li jwal kaweb' rib' chinkolb'al. Xch'utub'eb' li k'iila aj puub' chi yalok wik'in re xsachb'al ruheb' li saaj al neke'okenk chiwix. Xinxyeq'i sa' roq laa'in li tuq'ixq re Judá, jo' na'uxk reheb' li uub' re xyatz'b'al li xya'al.

Jeremías 31:21

“At Israel, k'e reetalil laab'e re naq sa' junpaat taataw; jultikaq aawe, k'e reetal chi us li b'e xatnume'k wi'. Sutq'in chaq, a Israel, kim wi' chik sa'eb' laatenamit, sa' laana'aj a'in.

Jeremías 18:13

Jo'kan naq li Qaawa' kixye chi jo'ka'in: “Patz'onqex anaqwan reheb' li tenamit ut ab'ihomaq ani reheb' ak rab'ihom junaq aatin jo' a'in. Eb' laj Israel xe'xb'aanu li q'axal yib'ru.

Jeremías 1:10

Chalen anaqwan xink'e aawankil sa' xb'eeneb' li tenamit ut eb' li awab'ej, re mich'ok ut juk'uk, re sachok ut t'anok, re waklesink ut xaqab'ank”, chan.

Salmos 69:35

Chinimaaq ru li Qaawa' xb'aan li choxach'och'; chinimaaq ru xb'aan li palaw ut chixjunil li nab'ulb'utk chisa'.

Salmos 51:18

Xb'aan naq ink'a' naxk'ul aawu li mayejak; ut wi tinyeechi'i aawe junaq k'atb'il mayej, ink'a' ajwi' taasaho'q laawaanm rik'in.

Jueces 11:34

Naq laj Jefté kisutq'iik wi' chik Mispá sa' li rochoch, ki'elk chaq li xrab'in chi xk'ulb'al, yo chaq chi xajok ut chi xch'e'b'al li tzojtzoj ch'iich'. Jun ajwi' li xrab'in laj Jefté; chirix a'an maak'a' chik xkok'al.

Amós 9:11

“Sa' li kutan a'an tinwaklesi wi' chik li t'anjenaq ochoch re laj David. Tintz'api li xpaapookil, tinyiib' wi' chik li ak juk'ulk ut tinkab'la jo' naq kiwank chaq junxil,

Jeremías 14:17

Ye reheb' li tenamit li aatin a'in: «Chi q'eq ut chi kutan ink'a' ninkanab' li yaab'ak xb'aan li nimla rahilal yo xk'ulb'al lintenamit, k'ajo' xnimal li xtiq'ilal!

Isaías 37:22

A'an a'in li aatin kixye li Qaawa' chirix li awab'ej re Asiria: “Nakate'xtz'eqtaana, nakate'xse'e eb' laj Sión jo' naxb'aanu junaq tuq'ixq; neke'xb'anb'ani li xjolomeb' li rixqilaleb' aj Jerusalén.

Salmos 30:11

Chinaawab'i, at Qaawa', chawuxtaana wu! Laa'at taxaq, at Qaawa', laj tenq'ahom we!

Isaías 30:32

Rajlal naq li Qaawa' tixrahob'tesi li tenamit a'an, taa'ab'imanq xyaab' li tun ut li aarp. A' li Qaawa' taa'elq chi yalok rik'ineb' laj Asiria.

Jeremías 24:6

Twileb' chi chaab'il, tink'ameb' chaq wi' chik sa' li xch'och'eb' ut tink'eheb' chi wakliik re naq ink'a' chik te'juk'e'q li xwankil; te'k'ojlaaq wi' chik sa' li xtenamiteb' ut ink'a' chik twisiheb' chisa'.

Jeremías 31:38

“Chalk re xkutankil naq lintenamit taawaklesimanq wi' chik, chalen wan wi' li najt xteramil ochoch re laj Jananel toj sa' li okeb'aal wank sa' xxuk li tenamit.

Jeremías 46:11

Ayu Galahad, a Ejiipt, re xsik'b'al laab'an. Ab'anan, us ta naab'al li b'an taawoksi, maak'a' taa'ok wi' xb'aan naq ink'a' chik tex'usaq.

Isaías 14:1

Naq li Qaawa' tixtoq'ob'a ru laj Jakob ut tixsik' wi' chik ru laj Israel, tixk'ojob'eb' wi' chik laj Israel sa' li xtenamiteb' ut eb' laj jalanil tenamit te'xjunaji rib' rik'ineb' li ralal xk'ajol laj Jakob.