Jeremías 31:16 - Q'eqchi Bible

¹⁶ Ab'an li Qaawa' kixye re chi jo'ka'in: “Matyaab'ak chik, a Rakel; ut maatz'eq chik li xya'al aawu, xb'aan naq tatq'ajkamuuq sa' xk'ab'a' laak'anjel: eb' laawalal aak'ajol te'elq chaq sa'eb' li tenamit li xik' neke'ilok reheb' -chan li Qaawa'-.

Li Santil hu

¹⁶ Joꞌcaꞌin quixye li Ka̱cuaꞌ: —Ex ixk, canabomak ya̱bac xban nak li raylal li yo̱quex chixcꞌulbal ta̱cua̱nk xkꞌajca̱munquil. Eb le̱ ralal e̱cꞌajol teꞌe̱lk saꞌ xtenamiteb li xicꞌ nequeꞌiloc reheb ut teꞌsukꞌi̱k cuiꞌchic saꞌ lix naꞌajeb.

Jeremías 31:16 ပူးပေါင်းရင်းမြစ်များ

Li xHu LIX RUT 2:12

Li Qaawa' chik'ehoq aawe reeqaj li chaab'il k'anjel xab'aanu! A' taxaq li Qaawa', xYos laj Israel, li rub'el li xwankil xulaak'e aawib' chi xmuheela, chiq'ajkamunq aawe jo' aak'ulub', chan.

Jeremías 30:3

xb'aan naq twulaq xkutankil naq tinsutq'isiheb' chaq wi' chik eb' lintenamit Israel ut Judá li wankeb' chaq chi preexil. Laa'in, li Qaawa', ninyehok re a'in. Tink'eheb' chi wank sa' li xna'ajeb' ink'ehom reheb' li xxe'toonil yuwa'”, chan li Qaawa'.

Hebreos 11:6

Ab'anan wi maak'a' qapaab'aal, ink'a' naru naq li Yos taasaho'q xch'ool qik'in, xb'aan naq ani najilok chi xk'atq li Yos tento tixpaab' naq wank li Yos ut a'an naxq'ajkamuheb' li neke'sik'ok re.

Hebreos 6:10

Xb'aan naq tiik xch'ool li Yos, moko hoon ta nasachk sa' xch'ool leechaab'il k'anjel ut chanru xetenq'aheb' chaq laj santil paab'anel, ut toj yookex chi xtenq'ankileb' anaqwan, sa' xk'ab'a' li Qaawa'.

2 Crónicas 15:7

A'ut laa'ex mich'inank eech'ool ut kaw xaqxooqex, xb'aan naq wank xq'ajkamunkil leek'anjel”.

Jeremías 33:7

Tinsutq'isiheb' chaq eb' laj Judá ut eb' laj Israel sa' li xna'ajeb' ut tink'ojob'eb' wi' chik sa' li xtenamiteb' re naq te'wanq jo' naq ke'wank chaq junxil.

Jeremías 30:18

Li Qaawa' kixye ajwi' chi jo'ka'in: “Eb' li ralal xk'ajol laj Jakob te'sutq'iiq chaq wi' chik sa' li xmuheb'aaleb', xb'aan naq twuxtaana ru li xna'ajeb' a'an. Jerusalén taawaklesimanq wi' chik sa' xb'een li po'lem, ut li kawub'resinb'il ochoch taayiib'aaq wi' chik sa' li xna'aj tz'aqal.

Isaías 30:19

Ex aj Jerusalén, mexyaab'ak chik. Li Qaawa' taaruxtaana eeru naq trab'i xyaab' leekux; ka'ajwi' texrab'i chi tz'aamank ut elajink, texsume.

Eclesiastés 9:7

Jo'kan b'i', wa'in ut uk'an chi anchal aach'ool, xb'aan naq li Yos sa sa' xch'ool rik'ineb' laab'aanuhom.

Jeremías 23:3

Laa'in tink'ameb' chaq linkarneer b'arwi' xwaanilasiheb', tinch'utub'eb' ut teb'ink'am chaq wi' chik sa' li xna'ajeb', re naq te'k'iiq ut te'k'ihanq.

Isaías 25:8

ut tixsach chi junajwa xwankil li kamk. Li Qaawa' tixmes li xya'al ruheb' chixjunil li poyanam ut tixsach li xxutaan li xtenamit junsut junrub'el choxa. Li Qaawa' kiyehok re a'in.

1 Ts 4:14

Ma ink'a' tab'i' naqapaab' naq li Jesus kikamk ut kiwakliik wi' chik chi yo'yo? Jo'kan naq li Yos tixk'ameb' rik'in li Jesus eb' li xe'kamk sa' xk'ab'a' A'an.

Jeremías 29:14

Tink'e wib' chi tawe'k eeb'aan ut tink'eheb' chaq chi sutq'iik leekomon li wankeb' chaq chi preexil; texwisi chaq sa' chixjunileb' li tenamit ut na'ajej b'arwi' xexincha'cha'i, texinch'utub' ut texinsutq'isi wi' chik sa' li na'ajej b'arwi' kexwisi. Laa'in, li Qaawa', ninyehok re a'in».

Salmos 30:5

B'ichahomaq cho'q re li Qaawa' laa'ex li nekexpaab'ank re; chenima li xk'ab'a' xb'aan naq k'ajo' xsantilal!

Oseas 1:11

Toja' naq eb' laj Judá ut eb' laj Israel te'xjunaji rib'eb', te'xxaqab' jun ajwi' aj jolominel reheb' ut yalaq b'ar te'sutq'iiq chaq Jerusalén. Relik chi yaal naq q'axal nimaq li xkutankil Jisrehel!

Jeremías 33:11

li b'ichank ut li sahil ch'oolejil, li ninq'ehik, li xb'ich li b'eelomej ut li ixaqilb'ej; taa'ab'imanq xyaab' xkuxeb' chixjunileb' li te'chalq chi mayejak re b'anyoxink sa' rochoch li Qaawa', yooqeb' chi xyeeb'al: «Chexyoxinq chiru li Nimajwal Yos xb'aan naq chaab'il li Qaawa', ut li xnimal xrahom wank chi junelik!». Relik chi yaal naq tink'ameb' chaq wi' chik sa' li xna'ajeb' li wankeb' chaq chi preexil, re naq te'wanq wi' chik jo' naq ke'wank chaq xb'enwa”, chan li Qaawa'.

Génesis 43:31

Chirix chik a'an kixch'aj li ru, ki'elk chaq ut yal tixkuy li xyaab' naq kixye: “K'amomaq chaq li tzekemq”.

Génesis 45:1

Laj José ink'a' chik kixkuy li xyaab' chiruheb' li xaqxookeb' chi xk'atq, ut kixye: “Isihomaq chixjunileb' chiwu!”, chan. Maajun chik kikanaak rik'in naq kixk'e rib' chi xnaweb' li ras.

Salmos 126:5

Eb' li yookeb' chi yaab'ak naq neke'awk, te'saho'q xch'ool naq te'q'oloq.

Isaías 40:10

K'ehomaq reetal, yo chi chalk li Qaawa' rik'in xnimal xwankil: chixjunil wank rub'el roq rub'el ruq'! K'ehomaq reetal, rochb'een chaq li xtojb'al ut k'amol b'e chaq chiru li q'ajkamunk.

Ezequiel 37:21

ut ye reheb': «Jo'ka'in xye li Qaawa': Ok we chi risinkileb' chaq laj Israel sa' xyanqeb' li tenamit koxe'na'ajunq wi'; tinch'utub'eb' yalaq b'ar ut tink'ameb' chaq wi' chik sa' li xna'ajeb'.