Jeremías 31:12 - Q'eqchi Bible

¹² “Te'chalje'q rik'in b'ichank sa' xb'een li tzuul Sión; jun chalikaqeb' wan wi' li xsimaatan li Qaawa', chi xyalb'al xsahil li triiw, li b'iin ut li aseeyt, ut te'k'ojlaaq xch'ool rik'in li raleb' li karneer ut li wakax. Chanchanaqeb' jun li xna'aj awimq t'aqresinb'il chi us, ut maajoq'e chik te'wiib'anq xch'ool.

Li Santil hu

¹² Japjo̱keb re xban xsahil xchꞌo̱leb nak yo̱keb chi cha̱lc saꞌ li tzu̱l Sión. Teꞌsahokꞌ saꞌ xchꞌo̱leb xban li usilal tinba̱nu reheb. La̱in li Ka̱cuaꞌ. Tinqꞌueheb lix trigo, li acꞌ vino ut li aceite, joꞌ eb ajcuiꞌ lix carner, ut eb lix queto̱mk. Kꞌaxal us cua̱nkeb. Chanchanakeb li acui̱mk li natꞌakresi̱c chi us. Ma̱cꞌaꞌak chic rahil chꞌo̱lej.

Jeremías 31:12 ပူးပေါင်းရင်းမြစ်များ

Isaías 35:10

Eb' li kolb'ileb' xb'aan li Qaawa' te'sutq'iiq chaq, te'ok Sión yooqeb' chi b'ichank, ut chi xnaq' ruheb' taak'utunq li xsahilaleb' xch'ool chi junelik. Nimla sahilal taa'ochb'eeninq reheb' ut maak'a'aq chik li yaab'ak ut li rahil ch'oolej sa' xyanqeb'.

Joel 3:18

“Sa' li kutan a'an q'axal chaab'ilaq chik li ch'och', k'ajo' chik naq te'uuchinq li awimq; wanq chik li ha' sa' chixjunileb' li roqha' re Judá ut taayo'laaq jun yu'amha' sa' rochoch li Qaawa' li tixt'aqresi li xtaq'ahil Akasya.

Isaías 58:11

Laa'in tatinb'eres chi junelik, tink'ojob' laach'ool chi tzekank sa' li chaqich'och', tink'e xkawilal laawoq laawuq' ut kama'aqat chik li xchaq'alil ru na'ajej t'aqresinb'il chi us, jo'kaqat chik li yu'amha' ink'a' nachaqik.

San Juan 16:22

Jo'kan ajwi' laa'ex ra sa' eech'ool anaqwan, ab'anan tolwil wi' chik eeru ut taasaho'q leech'ool, ut li xsahil eech'ool maa'ani truuq taamaq'oq cheru.

Ezequiel 17:23

sa' li xnajt xteramil tzuul re Israel. Aran taak'iiq, taa'uuchinq ut taanimanq jo' xchaq'alil ru yaw. Sa' li xmu te'wanq k'iila paay chi xik'anel xul, te'hilanq ut te'sukub'q sa'eb' li ruq'.

Isaías 65:19

“Laa'in sahaq inch'ool rik'in Jerusalén, ut lintenamit tixk'e xnimal xsahil li waanm. Ink'a' chik taa'ab'iiq aran li yaab'ak chi moko li q'oqonk.

Isaías 60:20

Li saq'e ink'a' chik taa'ok chi moko li po taasachq, xb'aan naq laa'in tinkutanob'resinq aawe chi junelik; ut li xrahilal laach'ool tox'oso'q chi junajwa.

Apocalipsis 21:4

Tixchaqihob'resi chixjunil li xya'aleb' ru, ut ink'a' chik taawanq kamk, chi moko yaab'ak, chi moko japok e malaj rahilal, xb'aan naq li najter ruuchich'och' ak xnume'k”.

Apocalipsis 7:17

Xb'aan naq li Karneer li wank sa' xyi li nimajwal k'ojarib'aal tixb'eresiheb' ut tixk'am xb'eheb' toj sa'eb' xyo'leb'aal li yu'amha'. Ut li Yos taachaqihob'resinq re chixjunil li xya'aleb' ru”.

Romanos 2:4

Malaj ut nakatz'eqtaana li xchamal xsasal li rusilal li Yos, li xnimal xkuyum ut li xq'unal xch'ool? Ma ink'a' nakanaw naq li rusilal li Yos a'in natoch'ok aawe chi xyot'b'al laach'ool ut chi xjalb'al laak'a'uxl?

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.

Salmos 130:4

Ab'an laa'at nakakuy nakasach li qamaak, jo'kan naq aak'ulub' naq tatqoxloq'i.

Ezequiel 20:40

Xb'aan naq chixjunileb' laj Israel tine'xloq'oni sa' linsantil na'aj, sa' xb'een li tzuul najt xteram li wank aran Israel -chan li Qaawa'-. Aran teb'ink'ul chi anchal linch'ool ut tinpatz' leemayej, li xb'een ru leerawimq jo' ajwi' chixjunil li k'aru loq' cheru.

Isaías 51:11

Jo'ka'in naq te'sutq'iiq chaq li te'kole'q xb'aan li Qaawa', yooqeb' chi b'ichank naq te'ok Sión. Li rahilal ut li yaab'ak taasachmanq chi junajwa; numtajenaqaq li xsahil xch'ooleb', ut a'an taak'utunq tz'aqal sa' xnaq' ruheb'.

Isaías 1:30

Chanchanaqex li jun toon chi ji natz'umaak li xxaq malaj jo' li uutz'u'uj naq maak'a' chik li ha'.

Jeremías 31:4

Tatinwaklesi wi' chik, a Israel, ut tatk'ojlaaq wi' chik sa' laana'aj. Tatxajoq wi' chik xb'aan xsahil sa' laach'ool, rik'in xyaab' li wajb' ut li tzojtzoj.

Jeremías 3:14

Li Qaawa' kixye chi jo'ka'in: “Chalqex wi' chik wik'in, ex walal ink'ajol aj q'etolex aatin, xb'aan naq laa'in li Qaawa' laj eechal eere. Junjunq eere tinsik' ru sa' li junjunq chi tenamit ut ka'kab' sa' li xjunq kab'al li ralal xk'ajol laj Israel, re teb'ink'am chaq sa' li tenamit Sión.

Jeremías 31:6

Xb'aan naq taawulaq xkutankil naq eb' laj ilol tenamit te'xjap reheb' chi xyeeb'al sa' xb'een xtzuulul Efraín: «Xaqlinqex ut yo'qeb' aran Sión, rik'in li Qaawa' li qaYos»”, cha'qeb'.

Jeremías 31:7

Jo'ka'in ajwi' kixye li Qaawa': “Japomaq eere xb'aan xsahil leech'ool chirixeb' laj Jakob, chiwanq sahil ch'oolejil sa' xk'ab'a' li xnimal ru tenamit. Puktesihomaq resil, chenimaaq ru ut yehomaq: «Li Qaawa' xkol li xtenamit, li rela'eb' laj Israel».

Jeremías 31:24

Arin te'wanq eb' laj Judá ut chixjunileb' li tenamit wankeb' sa' xteepal, eb' laj k'alom ut eb' laj ilol ketomq.

Jeremías 31:25

Xb'aan naq tink'eheb' chi uk'ak ut chi tzekank chi yo'oon li lub'luukeb' ut tawajenaqeb'”.

Jeremías 32:15

Xb'aan naq xyehom li Nimajwal Yos, li xYos laj Israel, naq sa' li na'ajej a'in taaloq'manq wi' chik ochoch, k'aleb'aal ut li xna'ajeb' li awimq».

Jeremías 33:12

Li Nimajwal Yos kixye chi jo'ka'in: “Sa' li na'ajej a'in li maak'a'eb' wi' li poyanam ut eb' li xul, sa'atqeb' chixjunil li tenamit, taawanq wi' chik li pim b'arwi' eb' laj ilol ketomq te'xk'am li xketomqeb'.

Jeremías 33:13

Sa'eb' li tenamit wankeb' chaq chi tzuul jo' ajwi' li wankeb' chiru taq'a, sa' xteepal Nejeb ut sa' xteepal Benjamín, sa'eb' li na'ajej chi xsutam Jerusalén ut sa'atqeb' li xtenamitul Judá, te'ilmanq wi' chik eb' laj ilol ketomq chi rajlankileb' li xkarneer”, chan li Qaawa'.

Ezequiel 34:14

Tinch'oolaniheb' wan wi' li chaab'il pim, sa'atqeb' li tzuul re Israel; aran te'hilanq sa' chaab'il na'ajej ut te'ichajib'q chi us chiruheb' li tzuul re Israel.

Hageo 2:19

K'ehomaq reetal chi us: chalen anaqwan ink'a' taalajq li triiw sa' leek'uleb'aal. Laa'ex toj maak'a' li uub', li iig, li triiw, li granaad, li oliiw sa' leerochoch; ab'an chalen anaqwan laa'in texwosob'tesi»”.

Isaías 52:8

Ab'i li xyaab' xkuxeb' laj k'aak'alenel: japjookeb' re sa' junajil xb'aan xsahilaleb' xch'ool, xb'aan naq xe'ril rik'in ruheb' naq li Qaawa' xchalk wi' chik Sión.

Ezequiel 36:30

Tink'eheb' chi uuchink chi yo'oon chixjunileb' li che' ut eb' li awimq, re naq ink'a' texkanaaq sa' xutaan chiruheb' li tenamit junch'ol xb'aan li we'ej.

Zacarías 8:12

Xb'aan naq laa'in tin'awoq re li tuqtuukil usilal: eb' li xtoonal li uub' te'uuchinq chi us; taa'elq chik li awimq chiru li ch'och' ut li k'ajob' tixt'aqresi wi' chik li ch'och'; ut chixjunil a'in tink'e chi reechaniheb' li Rela' li tenamit a'in.