Jeremías 30:6 - Q'eqchi Bible

⁶ Ayuqex chi xpatz'b'al ut k'ehomaq reetal: ma na'alank junaq winq? Wi ink'a', k'a'ut naq eb' li winq neke'xchap li xyi rixeb', chanchaneb' chik li ixq okeb' re chi alank? K'a'ut naq saqkirinkeb' aj chik neke'ilok?

Li Santil hu

⁶ Cꞌoxlahomak junpa̱tak. ¿Ma naru ta biꞌ nayoꞌla junak xcꞌulaꞌal li cui̱nk? ¿Cꞌaꞌut nak yo̱queb chi xucuac li cui̱nk ut yo̱queb chi ya̱bac? Sakquirin aj chic nequeꞌiloc xbaneb xxiu. Chanchaneb chic li ixk li oqueb re chi qꞌuira̱c.

Jeremías 30:6 ပူးပေါင်းရင်းမြစ်များ

Nahum 2:10

Nakirirnak, nayamnak ut juk'ulk chixjunil, jo'ka'in naq xkanaak li tenamit Nínive. Neke'lub'je'k xb'aaneb' xxiw, neke'siksotk li roqeb', maak'a' chik xmetz'eweb' li poyanam; ut saqeb' aj chik chixjunileb' xb'aan xiwak.

Joel 2:6

Q'axal neke'siksotk eb' li poyanam chi rilb'aleb', ut chixjunileb' neke'saqo'k xb'aaneb' xxiw.

Jeremías 4:31

Toja' naq xwab'i xyaab' xkux jun li ixq, chanchan naq toj xb'enwa ok re chi alank. A'an pe' li xyaab' xkux li xrab'in li tenamit Sión; naxjiq' xch'ool chi yaab'ak, naxye' li ruq' ut naxye: «Toq'ob' wu, oso'k we xb'aaneb' laj kamsinel poyanam!»”.

Isaías 21:3

Jo'kan naq naxiwak xsa' linsa', nachalje'k inrahilal jo' li ixq ok re chi alank, nasachk inna'leb' xb'aan xrahil linch'ool ut k'ajo' naq ninxiwak xb'aan li nawil.

1 Ts 5:3

Naq yooqeb' chi xyeeb'al: “Wanko sa' tuqtuukilal ut maak'a' chik qak'a'uxl”, toja' naq taachalq li roso'jikeb' sa' junpaat chi maak'a'aq sa' xch'ooleb', jo' naq nachalk xrahil li alank sa' xb'een li ixq; ut ink'a' naru te'eleliq chiru.

Oseas 13:13

Xwulak xkutankil naq taa'alaaq, ab'anan laj Efraín a'an jun li al kaw xjolom li ink'a' naraj yo'laak sa' xyaalal.

Jeremías 22:23

Anaqwan sa nakathilank sa' laawochoch li yiib'anb'il rik'in yaw li chalenaq Líbano; ab'anan tatyaab'aq naq tolatxtaw li rahilal, jo' naxk'ul li ixq ok re chi alank”.

Jeremías 6:24

Ut eb' laj Jerusalén ke'xye: “Naq xqab'i li esilal a'in, xookanaak chi maak'a' chik qametz'ew xb'aan qaxiw; k'ajo' naq xmayok sa' li qach'ool chi k'oxlak ut ra wanko jo' junaq ixq ok re chi alank.

Salmos 48:6

ab'anan naq xe'ril li tenamit, xe'sachk xna'leb', k'ajo' naq xe'xiwak ut xe'siksotk!

Daniel 5:6

k'ajo' naq kisaqkirino'k li xnaq' ru, kisachk xch'ool, ke'lub'e'k li roq ut ke'parpotk li xtzelek.

Jeremías 50:43

Naq li awab'ej re Babilonia xrab'i resileb', k'ajo' naq xchalk xxiw ut nasiksotk; xmayok li xch'ool jo' junaq ixq ok re chi alank.

Jeremías 49:24

Eb' laj Damaask xe'ch'inank xch'ool ut okeb' re chi elelik. Neke'siksotk xb'aan xxiweb'; k'ajo' li rahilal yookeb' chi xk'ulb'al, jo' junaq ixq li ok re chi alank.

Isaías 29:22

Jo'kan naq li Qaawa', li xYos laj Israel, li kikolok re laj Abrahán, naxye chi jo'ka'in: “Chalen anaqwan ink'a' chik te'kaqo'q xb'aan xxutaaneb' eb' li ralal xk'ajol laj Jakob:

Jeremías 13:21

K'aru taaye naq tatink'e chi awab'ejiik xb'aaneb' li xak'uleb' aawik'in cho'q aawamiiw? Q'axal ra taak'ul xb'aaneb' jo' junaq ixq ok re chi alank.

Jeremías 48:41

Xe'chapje'k eb' li tenamit ut xe'eechaniik eb' li kawub'resinb'il ochoch. Chiru li kutan a'an k'ajo' naq taamayoq xch'ooleb' laj puub' aj Mohab, siksootqeb' aj chik jo'kaqeb' li ixq ok re chi alank.

Jeremías 49:22

K'ehomaq reetal, li xik' na'ilok re Bosrá yo chi chalk sa' xb'een jo' junaq t'iw li xhel li xxik' sa' xb'een li xtzak. Sa' li kutan a'an q'axal te'xiwaq eb' li kaweb' rib' aj Edom, chanchanaqeb' li ixq li ok re chi alank”.