Jeremías 30:3 - Q'eqchi Bible

³ xb'aan naq twulaq xkutankil naq tinsutq'isiheb' chaq wi' chik eb' lintenamit Israel ut Judá li wankeb' chaq chi preexil. Laa'in, li Qaawa', ninyehok re a'in. Tink'eheb' chi wank sa' li xna'ajeb' ink'ehom reheb' li xxe'toonil yuwa'”, chan li Qaawa'.

Li Santil hu

³ Ta̱cuulak xkꞌehil nak la̱in tinqꞌueheb cuiꞌchic chi sukꞌi̱c saꞌ lix naꞌajeb lin tenamit li cuanqueb chi pre̱xil. Tinqꞌueheb chi sukꞌi̱c saꞌ li naꞌajej li quinqꞌue reheb lix xeꞌto̱nil yucuaꞌeb re nak teꞌcua̱nk aran, chan li Dios.

Jeremías 30:3 ပူးပေါင်းရင်းမြစ်များ

Jeremías 29:14

Tink'e wib' chi tawe'k eeb'aan ut tink'eheb' chaq chi sutq'iik leekomon li wankeb' chaq chi preexil; texwisi chaq sa' chixjunileb' li tenamit ut na'ajej b'arwi' xexincha'cha'i, texinch'utub' ut texinsutq'isi wi' chik sa' li na'ajej b'arwi' kexwisi. Laa'in, li Qaawa', ninyehok re a'in».

Jeremías 16:15

te'xye b'an chik: «Loq'oninb'ilaq li Qaawa' li xk'amok re laj Israel sa' li tenamit wan chaq sa' xjayal releb'l iq' ut sa' chixjunileb' li na'ajej b'arwi' kixcha'cha'iheb'». Laa'in teb'ink'am chaq wi' chik sa' li ch'och' ink'ehom reheb' li xxe'toonil yuwa'eb'.

Ezequiel 20:42

«Sa' li kutan a'an, naq texwoksi wi' chik sa' xch'och'el Israel, sa' li tenamit kinyeechi'i sa' jurament reheb' leena' leeyuwa', aran teenaw naq laa'in li Qaawa'.

Jeremías 30:18

Li Qaawa' kixye ajwi' chi jo'ka'in: “Eb' li ralal xk'ajol laj Jakob te'sutq'iiq chaq wi' chik sa' li xmuheb'aaleb', xb'aan naq twuxtaana ru li xna'ajeb' a'an. Jerusalén taawaklesimanq wi' chik sa' xb'een li po'lem, ut li kawub'resinb'il ochoch taayiib'aaq wi' chik sa' li xna'aj tz'aqal.

Sofonías 3:20

Chiruheb' li kutan a'an texink'am chaq ut texinch'utub'. Toja' naq tinnima leek'ab'a' ut texink'e chi nawe'k sa' xyanqeb' chixjunileb' li tenamit sa' ruuchich'och', naq texwosob'tesi wi' chik”, chan li Qaawa' Yos.

Jeremías 33:26

tintz'eqtaanaheb' aj raj wi' eb' li ralal xk'ajol laj Jakob ut eb' li ralal xk'ajol laj David, laj k'anjel chiwu. Ut ink'a' raj tinxaqab' junaq li ralal chi awab'ejink sa' xb'eeneb' li ralal xk'ajol laj Abrahán, laj Isahak ut laj Jakob. Xb'aan naq wajom laa'in naq te'sutq'iiq chaq wi' chik sa' li xna'ajeb' ke'k'ame'k wi' chi preexil ut twuxtaana ruheb'”, chan li Qaawa'.

Jeremías 32:44

Te'xloq'atq xch'och'eb' ut te'xtoj rik'in plaat; te'xtz'iib'a xhuhul, te'xkaaxti ut eb' li testiiw te'xjuch' li xk'ab'a'eb' sa' xhuhul li ch'och'. A'in taak'ulmanq sa' xteepal Benjamín, sa' xsutam Jerusalén ut sa'atqeb' li tenamit re Judá, sa'eb' li tzuultaq'a ut sa' xteepal Nejeb, xb'aan naq te'sutq'iiq chaq wi' chik li wankeb' chaq chi preexil”, chan li Qaawa'.

Hebreos 8:8

Ab'an li Yos kixye reheb' li tenamit a'an re xq'usb'aleb': “K'ehomaq reetal, chalkeb' re li kutan tink'ojob' wi' jun ak' Sumwank rik'ineb' laj Israel ut laj Judá:

Joel 3:1

“Naq taawulaq xkutankil ut xq'ehil, tinsutq'isiheb' chaq wi' chik sa' li xna'ajeb' eb' laj Judá ut eb' laj Jerusalén.

Ezequiel 36:24

Laa'in texinch'utub', texwisi chaq sa'eb' li junjunq chi na'ajej ut tenamit, ut texink'am chaq wi' chik sa' leech'och'.

Salmos 53:6

Ab'an te'xsiksiki rib' xb'aaneb' xxiw, us ta maak'a' taaxib'esinq reheb', xb'aan naq li Yos tixsach xwankil li xik' na'ilok re. Numtajenaq te'k'ute'q xxutaan xb'aan naq li Yos naxtz'eqtaanaheb'.

San Lucas 21:6

“Chixjunil a'in li yookex chi xka'yankil, taawulaq xkutankil naq ink'a' taakanaaq pek chi xb'een pek chi ink'a' ta taajuk'manq”.

San Lucas 19:43

Xb'aan naq chalkeb' re li kutan sa' aab'een naq tate'xtz'ap eb' li xik' neke'ilok aawe, tate'xsut ut tate'xpitz'i yalaq b'ar aacha'al;

San Lucas 17:22

Ut kixye reheb' li xtzolom: —Taawulaq xq'ehil naq teerahi rilb'al yal ta junaq reheb' li xkutankil li K'ajolb'ej, ab'anan ink'a' teeril.

Ezequiel 47:14

Li ch'och' li kinyeechi'i sa' jurament reheb' leemama' leerixa'an, taajek'imanq ut junnaqik li xb'isb'al naq teeraqaxi reheb' chixjunileb'. A'anaq leereechanihom.

Jeremías 32:37

Teb'inch'utub' chaq sa' chixjunileb' li na'ajej b'arwi' kincha'cha'iheb' xb'aan linjosq'il ut li xmay linch'ool; tink'ameb' chaq wi' chik sa' li na'ajej a'in ut te'wanq sa' tuqtuukilal.

Jeremías 31:38

“Chalk re xkutankil naq lintenamit taawaklesimanq wi' chik, chalen wan wi' li najt xteramil ochoch re laj Jananel toj sa' li okeb'aal wank sa' xxuk li tenamit.

Jeremías 31:31

“Chalk re li kutan -chan li Qaawa'- naq laa'in tink'ojob' jun ak' Sumwank rik'ineb' laj Israel ut eb' laj Judá,

Jeremías 31:27

Li Qaawa' kixye chi jo'ka'in: “Taawulaq xkutankil naq te'tamq wi' chik eb' li poyanam ut eb' li ketomq sa' xteepal Israel ut Judá.

Jeremías 30:10

“Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol, tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.

Jeremías 27:22

«Chixjunil a'in taak'ame'q Babilonia ut aran tkanaaq chaq, toj reetal naq laa'in twaj xk'amb'al chaq wi' chik», chan li Qaawa'”.

Jeremías 27:11

Ab'an li tenamit li tixk'e rib' rub'el xwankil li awab'ej re Babilonia ut taak'anjelaq chiru, laa'in tinkanab' chi wank sa' li xna'aj re naq taahilanq aran sa' tuqtuukilal ut taa'awq chiru”, chan li Qaawa'.

Jeremías 23:5

“Taawulaq xkutankil naq tinxaqab' junaq ralal laj David, q'axal tiikaq xch'ool ut wanq xna'leb' chi awab'ejink; a'an tixk'anjela ru li tiikilal ut li k'ulub'ej sa' li na'ajej a'in.

Esdras 3:12

Naab'aleb' laj tij, laj Leví ut xjolomileb' junkab'al li ak tiixeb' xb'aan naq ak rilomeb' chaq li xb'een rochoch li Yos junxil, anaqwan japjookeb' re chi yaab'ak naq yookeb' chi rilb'al chanru yo chi ok li rub'elankil li x'ak' ochoch li Qaawa'. Ab'anan wankeb' ajwi' li japjookeb' re xb'aan xsahil xch'ooleb'.

Esdras 3:8

Naq ak wiib' chihab' chik xwulajikeb' sa' rochoch li Yos aran Jerusalén, sa' xkab' li po, ke'xtikib' k'anjelak laj Sorobabel, ralal laj Sehaltiel, ut laj Josué, ralal laj Josadak, rochb'eeneb' li ras riitz'ineb', eb' laj tij, eb' laj Leví ut jo'k'ihaleb' li ke'sutq'iik Jerusalén. Wankeb' aj Leví aj junmay chihab' ut li ak numenaq ke'xaqab'aak chi xjolominkil li xk'anjelankil li rochoch li Qaawa'.

Esdras 3:1

Sa' xwuq li po, naq eb' laj Israel wankeb' chik sa' li xtenamiteb', ke'xch'utub' rib' aran Jerusalén chi junajeb' xch'ool junajeb' xk'a'uxl.

Deuteronomio 30:3

toja' naq li Qaawa' laaYos tatrosob'tesi wi' chik, taaril xtoq'ob'aal aawu, tatrisi chaq sa' chixjunileb' li tenamit xatxcha'cha'i wi' ut tatxch'utub' wi' chik.

Jeremías 31:23

Li Nimajwal Yos, li xYos laj Israel, kixye chi jo'ka'in: “Naq tinsutq'isiheb' chaq eb' laj Judá ut te'wanq wi' chik sa' li xch'och'eb' ut xtenamiteb', te'xye wi' chik li aatin a'in: «Li Qaawa' chirosob'tesi taxaq li santil tzuul a'in, xmuheb'aal li tiikilal!».

Deuteronomio 30:5

Tatxk'am wi' chik sa' li xch'och'eb' laana' laayuwa' re naq aawehaq ajwi' laa'at li na'ajej a'an. Tixk'e xnimal xsahil aach'ool ut q'axal chik tatxnaab'alob'resi chiruheb' laaxe'toon.

Jeremías 3:18

“Chiruheb' li kutan a'an eb' laj Israel ut eb' laj Judá te'wanq chik sa' junajil, ut sa' wiib'al chik te'chalq sa'eb' li na'ajej wankeb' chaq sa' xjayal releb'l iq' ut tole'okaq sa' li ch'och' ink'ehom chi reechani eb' leexe'toonil yuwa'.

Jeremías 29:10

“Xb'aan naq jo'ka'in xye li Qaawa': «Ka'ajwi' taaraqe'q li lajeeb' xkaak'aal chihab' leewanjik rub'el xwankileb' laj Babilonia, laa'in texwula'ani ut tinb'aanu li kinyeechi'i eere, naq texsutq'iiq chaq wi' chik sa' li na'ajej a'in.

Jeremías 30:4

A'aneb' a'in li aatin kixye li Qaawa' chirixeb' laj Israel ut Judá.

Jeremías 31:16

Ab'an li Qaawa' kixye re chi jo'ka'in: “Matyaab'ak chik, a Rakel; ut maatz'eq chik li xya'al aawu, xb'aan naq tatq'ajkamuuq sa' xk'ab'a' laak'anjel: eb' laawalal aak'ajol te'elq chaq sa'eb' li tenamit li xik' neke'ilok reheb' -chan li Qaawa'-.

Jeremías 51:60

Laj Jeremías ak xtz'iib'ahom sa' jun li hu resilal chixjunil li rahilal taachalq sa' xb'een Babilonia, naraj naxye chixjunil li tz'iib'anb'il reetalil sa' li hu a'in.

Salmos 126:4

At Qaawa', chak'e wi' chik xsahil qach'ool kama' nakab'aanu reheb' li nima' sa' li chaqich'och'!

Ezequiel 34:13

Twisiheb' chaq sa'eb' li jalanil tenamit, tinch'utub'eb' ut tink'ameb' sa' li xna'ajeb'. Tinch'oolaniheb' sa' xteepal Israel, chiruheb' li tzuultaq'a, chirehatq eb' li nima' ut sa'atqeb' chixjunileb' li k'aleb'aal.

Sofonías 2:7

Ut jo'k'ihaleb' te'kole'q sa' xteepal Judá a'aneb' chik te'eechaninq re li na'ajej a'an. Aran te'xk'aak'ale li xketomqeb' ut te'hilanq sa' rochocheb' laj Askalón, naq li Qaawa' li qaYos tolxtenq'aheb' laj Judá ut tixsutq'isiheb' wi' chik sa'eb' li xna'ajeb'.