Jeremías 30:2 - Q'eqchi Bible

² “Jo'ka'in xye li Qaawa', xYos laj Israel: Tz'iib'a sa' junaq tasal hu chixjunileb' li aatin inyehom aawe,

Li Santil hu

² —Aꞌan aꞌin li a̱tin li quixye li Ka̱cuaꞌ, lix Dioseb laj Israel. Tzꞌi̱ba saꞌ jun li hu chixjunil li xinye a̱cue.

Jeremías 30:2 ပူးပေါင်းရင်းမြစ်များ

Jeremías 36:32

Toja' naq laj Jeremías kixxok jun chik li b'otb'ookil hu ut kixk'e re laj Baruk, laj tz'iib', ralal laj Nerías; ut a'an ki'ok chi xtz'iib'ankil eb' li aatin yo chi xyeeb'al laj Jeremías: kixtz'iib'a chixjunileb' li aatin jo' kixb'aanu xb'enwa sa' li b'otb'ookil hu kixk'at laj Johakín, awab'ej re Judá. Laj Jeremías kixk'e chi tz'iib'aak naab'al chik chi aatin re xtiqb'al ru li ak kixye.

Isaías 30:8

Ayu anaqwan ut tz'iib'a a'in chiru junaq tz'alamche' malaj junaq hu, ut aran tkanaaq toj chaalel eb' li kutan cho'q aj jitol reheb' chi junelik.

Apocalipsis 1:19

Tz'iib'a li k'aru xawil: li yo chi k'ulmank ut li taak'ulmanq moqon.

Apocalipsis 1:11

“Tz'iib'a sa' hu li yookat chi rilb'al, ut taqla rik'ineb' li wuqub' chi Iklees: aran Éfeso, Esmirna, Pérgamo, Tiatira, Sardes, Filadelfia ut Laodicea”.

2 Pedro 1:21

xb'aan naq maajun raatin propeet kichalk ta yal sa' xch'ool junaq winq, kichalk b'an rik'in naq ke'wank winq eek'asinb'ileb' xb'aan li Santil Musiq'ej, ke'aatinak jo' kiyehe'k chaq reheb' xb'aan li Yos.

1 Corintios 10:11

Chixjunil a'an kichalk sa' xb'eeneb' jo' loq'laj eetalil, ut kitz'iib'aak re xk'eeb'al qana'leb' laa'o li wanko sa' roso'jikeb' li kutan.

Romanos 15:4

Jo'ch'inal jo'nimal kitz'iib'aak chaq junxil, re qatzolb'al naq kitz'iib'aak chaq, re naq rik'in li xkawub' qach'ool ut li xk'ojob'ankil li qaanm naxk'e li Santil Hu chiwanq xnimal qoyb'enihom chi junelik.

Daniel 12:4

Ab'anan laa'at, a Daniel, maa'ani taaye wi' eb' li aatin a'in; k'uula chi tz'aptz'o li hu a'in toj sa' roso'jikeb' li kutan. Naab'aleb' te'xb'eeni rib' chi xsik'b'al li raatin li Qaawa' ut te'xtaw xtz'aqob' li xna'leb'eb'».

Isaías 8:1

Li Qaawa' kixye we: “Sik' junaq nimla tz'alamche' ut chiru a'an tz'iib'a chi chaab'il li aatin a'in: Maher-Salal-Jas-Bas (naraj naxye: «Chi seeb' taawanq li elq'ak ut li juk'uk»),

Deuteronomio 31:19

“Ut anaqwan tz'iib'ahomaq li b'ich a'in; chek'ut chiruheb' laj Israel, chek'eheb' chi xb'ichankil re naq li b'ich a'in tixch'olob' naq ink'a' us ke'xb'aanu eb' laj Israel.

Éxodo 17:14

Toja' naq li Qaawa' kixye re laj Moisés: “Tz'iib'a a'in sa' li hu re naq junelik wanq sa' eech'ool, ut yaab'asi sa' xxik laj Josué: «Laa'in tinsach chi junajwa li xk'ab'a'eb' laj Amalek junsut junrub'el choxa»”.

Jeremías 25:13

Tintaqla chaq sa' xb'een Babilonia chixjunil linyehom chaq chirix, jo'ch'inal jo'nimal li tz'iib'anb'il sa' li hu a'in ut yeeb'il chaq xb'aan laj Jeremías sa' ink'ab'a' chirixeb' chixjunil li tenamit.

Jeremías 30:1

A'aneb' a'in li aatin kixye li Qaawa' re laj Jeremías:

Jeremías 36:28

“Xok wi' chik junaq aab'otb'ookil hu ut tz'iib'a chisa' chixjunileb' li aatin xink'e chatz'iib'a xb'enwa sa' li hu li xk'at laj Johakín, li awab'ej re Judá.