Jeremías 30:17 - Q'eqchi Bible

¹⁷ Relik chi yaal naq tatink'irtasi wi' chik ut tinb'an laatiq'ilal, us ta xak'ab'a'in: «Tz'eqtaananb'il» jo' ajwi': «Maajun nak'oxlank re li tenamit Sión». Laa'in, li Qaawa', ninyehok re a'in”.

Li Santil hu

¹⁷ La̱in texinqꞌuirtesi ut tinban le̱ yocꞌolal, usta eb li xicꞌ nequeꞌiloc e̱re nequeꞌxye nak li tenamit Sión tzꞌekta̱nanbil ut ma̱ ani nacꞌoxlan re.

Jeremías 30:17 ပူးပေါင်းရင်းမြစ်များ

Salmos 107:20

Kixtaqla chaq li raatin ut kixk'irtasiheb', kirisiheb' sa' xjulel li kamk.

Jeremías 33:6

K'ehomaq reetal, laa'in tink'e xb'aneb' ut teb'ink'irtasi wi' chik. Tink'e naab'al xsahil xch'ooleb' re naq te'wanq sa' tuqtuukilal chi maak'a'aq chik xiwak.

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

Salmos 103:3

A'an nakuyuk re chixjunil linmaak ut naxk'irtasi chixjunil linyajel;

Éxodo 15:26

Kixye reheb': “Wi relik chi yaal taawab'i xyaab' xkux li Qaawa' laaYos ut tatwanq sa' tiikilal chiru, wi taak'e aach'ool chirixeb' li xchaq'rab' ut taapaab' li xtaqlahom, ink'a' tintaqla chaq sa' aab'een li rahilal kintaqla sa' xb'eeneb' laj Ejiipt, xb'aan naq laa'in li Qaawa', laj k'irtasihom aawe”.

Salmos 23:3

naxk'e wi' chik inmetz'ew. Nikinxb'eres sa' li tiikil b'e sa' xk'ab'a' xnimal li xrahom.

Oseas 6:1

“Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

Ezequiel 34:16

Tinsik' chaq li karneer sachenaq, tinsutq'isi chaq li xcha'cha'iik, tinb'an li xtiq' rib', tink'irtasi li yaj ut twileb' ajwi' li ninqeb' xtib'el ut kaweb' rib'. Tinb'eresiheb' sa' tiikilal.

Apocalipsis 22:2

Ut sa' xyi li nimb'e ut chi xka'pak'alil li nima' wank li che' nak'ehok yu'am: kab'laju sut na'uuchink, junq sut rajlal po, ut eb' li xxaq li che' a'in nak'anjelak cho'q xb'aneb' li tenamit.

Isaías 30:26

Toja' naq li xsaqenkil li po taalemtz'uno'q jo' li saq'e tuqtu wa'leb', ut li xsaqenkil li saq'e taalemtz'uno'q wuqub' sut chik jo' xsaqenkil li wuqub' kutan, naq li Qaawa' tixk'irtasi ut tixlan li xtiq'ilal li xtenamit.

Jeremías 30:13

Maajun natenq'ank aawe; laatiq'ilal moko taak'iraaq ta, maajun natawok xb'anol laarahilal.

Jeremías 8:22

Ma maak'a' tawi' junaq b'an aran Galahad? Ma maajun tawi' naru chi b'anok aran? K'a'ut naq ink'a' nak'iraak lintenamit?

Jeremías 3:22

Chalqex wi' chik wik'in, ex walal ink'ajol aj q'etolex aatin, ut laa'in twisi leeq'etq'etil”. “Waaye'o arin, xoosutq'iik chaq aawik'in, xb'aan naq laa'at li Qaawa' li qaYos.

Salmos 12:5

eb' li neke'yehok re: “Li ru'uj qaq' a'an qakawilal; li xtz'uumal qe nokooxtenq'a, ani tawi' taataqlanq sa' qab'een?”.

Isaías 11:12

Tixtaqsi jun eetalil cho'q reheb' li poyanam, tixch'utub'eb' wi' chik eb' laj Israel li ke'isiik sa' li xtenamiteb', ut tixk'ameb' chaq eb' laj Judá li cha'cha'inb'ileb' sa' chixjunil li ruuchich'och'.

Jeremías 33:24

“Ma ink'a' nakawab'i naq eb' li poyanam neke'xye naq xintz'eqtaanaheb' li wiib' teep chi tenamit insik'om ru, a' laj Israel ut laj Judá? Jo'kan naq neke'xtz'eqtaana lintenamit, chi moko neke'ril jo' junaq tenamit.

Ezequiel 35:12

Toj aran taanaw naq laa'in xwab'i chixjunil laahob'om chirixeb' li xtzuulul Israel naq xaye: Ak xe'oso'k, anaqwan taaqeechani, chankat.

Ezequiel 36:20

Ab'an naq ke'wulak sa' jalan jalanq chi tenamit, ke'xmux linsantil k'ab'a', xb'aan naq nayeemank chirixeb': «A'aneb' a'in li xtenamit li Qaawa', ab'an xe'isiik chaq li xna'ajeb'».

Lamentaciones 2:15

Eb' li neke'nume'k sa' b'e neke'xpoq'poq'i li ruq'eb' chawilb'al; neke'xuxb'ak ut neke'xb'anb'ani li xjolomeb' chirix Jerusalén: “B'ar wank li tenamit, li Chaq'al ru naxk'ab'a'in? B'ar wank li xSahilal chixjunil li ruuchich'och'?”, chankeb'.

Salmos 142:4

naq yo chi lajk linmetz'ew ut nawiib'ank linch'ool. At Qaawa', laa'at nakanaw chanru linyu'am. Sa' li b'e ninnume'k wi', xe'xmuq xra'aleb' re int'anb'al.

Isaías 33:24

Maajun chik sa' qayanq tixye: “Yajin”, ut li Qaawa' tixkuy xmaakeb' li wankeb' sa' li tenamit Sión.

Isaías 56:8

Laa'in tinsutq'isiheb' chaq li toj wankeb' chi preexil sa' ab'l tenamit, tinch'utub'eb' ut te'wanq sa' junajil”. A'an a'in raatin li Qaawa' li nach'utub'ank reheb' laj Israel li xe'cha'cha'iik sa' najtil tenamit.

Isaías 58:8

Toja' naq laasaqenk taak'utunq jo' naq nahik'e'k li kutan, ut sa' junpaat taak'iraaq laatiq'ilal. K'amolb'ehaq chawu laachaab'il b'aanuhom ut linloq'al taataaqenq aawe.

Isaías 60:15

Xattz'eqtaanaak, xatmajewaak ut junaatalat naq xatwank; ab'an chalen anaqwan tink'e aaloq'al chi junelik ut laa'ataq li xsahil xch'ooleb' chixjunileb' junq'e junq'e kutan.

Jeremías 17:14

K'irtasihin, at Qaawa', re naq tinkawuuq; chinaakol re naq kolb'ilaqin, xb'aan naq ka'ajwi' laa'at ninloq'oni aawu.

Oseas 11:3

Laa'in kinch'ilo chi ruq' laj Efraín ut kink'ut li b'eek chiru; ab'an ink'a' ke'xtaw ru naq laa'in nin'ilok reheb'.

Li xHu LAJ JOB 5:18

xb'aan naq a'an natiq'ok ut nak'irtasink, narahob'tesink ut naxkotz li rahilal.

Isaías 54:6

Laa'at chanchanat jun li ixaqilb'ej naq xatwank, jo' jun li ixq kanab'anb'il xb'aan li xb'eelom ut ra sa' xch'ool; ab'an anaqwan xatxb'oq wi' chik li Qaawa' ut naxye aawe: “Ma naru xtz'eqtaanankil li ixq sik'b'il chaq ru sa' linsaajilal?

Isaías 57:18

Ak xwil li xb'aanuhom, ab'an tink'irtasi, tinb'eresi ut tink'ojob' xch'ool a'an jo'wi' li neke'yaab'ak chirix;

Isaías 57:19

ut tink'eheb' chi b'ichank chi saheb' sa' xch'ool: «Chiwanq tuqtuukilal rik'ineb' li wankeb' chaq chi najt ut cho'q reheb' ajwi' li wankeb' chi nach' -cha'aq li Qaawa'-. Laa'in tink'irtasiheb'».

Jeremías 10:20

Juk'b'ileb' chik linmuheb'aal anaqwan ut chixjunileb' li xk'aamal xet'upe'k. Eb' li walal ink'ajol xine'xkanab' injunes ut maajun chik xkanaak. Maajun chik taawaklesinq re linmuheb'aal ut maa'ani chik taaheloq re li xt'ikrul.