Jeremías 30:12 - Q'eqchi Bible

¹² Li Qaawa' kixye ajwi' chi jo'ka'in: “Laarahilal maak'a' chik xb'anol ut maak'a' chik xja'lenkil.

Li Santil hu

¹² Li Ka̱cuaꞌ quixye reheb lix tenamit: —Li raylal li yo̱quex chixcꞌulbal chanchan jun li yocꞌol li ma̱cꞌaꞌ xbanol.

Jeremías 30:12 ပူးပေါင်းရင်းမြစ်များ

Jeremías 15:18

K'a'ut naq ink'a' naraqe'k linrahilal? K'a'ut naq ink'a' chik naru xkotzb'al xrahil li waanm? At Qaawa', ma chanchanat li yal k'oxlanb'il ha' cho'q we, kama'at jun roqha' li nab'alaq'ink we?

Jeremías 30:15

K'a'ut naq nakajap aawe xb'aan laarahilal? Maak'a' chik xb'anol laatiq'ilal. Xb'aan xk'ihal laamaak ut li maa'usilal xab'aanu xinb'aanu aawe chi jo'kan.

Jeremías 14:17

Ye reheb' li tenamit li aatin a'in: «Chi q'eq ut chi kutan ink'a' ninkanab' li yaab'ak xb'aan li nimla rahilal yo xk'ulb'al lintenamit, k'ajo' xnimal li xtiq'ilal!

2 Crónicas 36:16

Ab'anan eb' a'an ke'xse'e eb' li xtaql li Yos, ke'xtz'eqtaana li raatineb', ke'reetz'uhatq li xpropeet, toj reetal kichalk xjosq'il li Qaawa' rik'in li xtenamit ut maak'a' chik kikolok reheb'.

Ezequiel 37:11

Ut li Qaawa' kixye we: “At kaamel winq, eb' li b'aq a'in a'aneb' chixjunileb' li ralal xk'ajol laj Israel. Anaqwan yookeb' chi xyeeb'al: «Xe'chaqik li qab'aqel ut maak'a' chik qoyb'enihom; xoo'oso'k chiqajunilo», chankeb'.

Jeremías 6:7

Jo' naq nayo'laak li ha' sa' junaq jul, jo'kan ajwi' naq na'elk chaq li maa'usilal Jerusalén. Sa' li tenamit a'an ka'ajwi' li rahilal ut li elq'ak na'ab'imank resil; junes raaxiik' ut rahil ch'oolej nawil junelik.

Lamentaciones 2:13

Ani tatinjuntaq'eeta wi', at tenamit Jerusalén? K'a' ta wi' ru tinye aawe? Ani tawi' tkoloq aawe ut tixk'ojob' aach'ool, at Sión k'ajo' xchaq'alil aawu? Jwal nim laarahilal, kama' xnimal li palaw: ani truhanq chak'irtasinkil?

Oseas 5:13

“Naq laj Efraín tixk'e reetal li xyajel ut laj Judá taaril li xtiq'ilal, toja' naq laj Efraín taaxik Asiria ut laj Judá tixpatz' xtenq'ankil re li nimajwal awab'ej; ab'an a'an ink'a' taaruhanq chi xk'irtasinkileb' chi moko xb'anb'aleb'.

Miqueas 1:9

Xb'aan naq li xrahilal Samaria maak'a' xb'anol: xwulak toj Judá, ut xo'xtaw ajwi' li rokeb'aal Jerusalén b'arwi' wankeb' lintenamit.

Nahum 3:19

Maak'a' xb'anol laatiq'ilal, ink'a' chik nak'iraak. Chixjunileb' li neke'ab'ink re laarahilal neke'xpoq'poq'i li ruq'eb' xb'aan xsahil xch'ooleb'. Xb'aan naq ma wank tab'i' junaq li ink'a' xarahob'tesi laa'at chi kok'aq xsa'?”.

Jeremías 8:22

Ma maak'a' tawi' junaq b'an aran Galahad? Ma maajun tawi' naru chi b'anok aran? K'a'ut naq ink'a' nak'iraak lintenamit?

Jeremías 14:19

At Qaawa', ma xatz'eqtaana laj Judá chi junajwa? Ma xattitz'k chi rilb'al li tenamit Sión? K'a'ut naq xoohaatiq' chi ink'a' chik took'iraaq? Xqoyb'eni wank sa' tuqtuukilal, ut maak'a' junaq usilal xqataw. Xqayo'oni li kawilal, ut a' li xiwak xchalk sa' qab'een.