Jeremías 3:6 - Q'eqchi Bible

⁶ Naq toj wank chi awab'ejil laj Josías, li Qaawa' kixye we: “Ma xak'e reetal li xb'aanu laj Israel, laj q'etol aatin? Xkoho sa' xb'eeneb' chixjunil li tzuul jo'wi' rub'elatq li ninqi che' re xmuxb'al rib' aran.

Li Santil hu

⁶ Quixye laj Jeremías: —Nak toj cuan chokꞌ rey laj Josías, li Ka̱cuaꞌ quixye cue chi joꞌcaꞌin: ¿Ma yo̱cat chixqꞌuebal retal cꞌaꞌru yo̱queb laj Israel? Eb aꞌan yo̱queb chintzꞌekta̱nanquil. Chanchaneb chic li ixk li nequeꞌxcꞌayi rib xban nak nequeꞌtakeꞌ saꞌ eb li tzu̱l. Ut rubeleb li cheꞌ li ni̱nk xmu nequeꞌxlokꞌoni li jalanil dios.

Jeremías 3:6 ပူးပေါင်းရင်းမြစ်များ

Ezequiel 23:11

“Lix Oholibá, li riitz'in, kiril chixjunil a'in, ab'an q'axal wi' chik yib'ru li xna'leb': k'ajo' wi' chik naq kixmux rib' chiru li xchaq'na'.

Ezequiel 20:28

Laa'in kink'ameb' sa' li chaab'il ch'och' li kinyeechi'i reheb' sa' jurament, ut ka'ajwi' ke'ril junaq tzuul najt xteram malaj junaq che' jwal nim li xmu, aran ke'mayejak ut ke'xyeechi'i li ink'a' nawulak chiwu; aran ajwi' ke'xk'at li xpomeb' li jwal sununk xb'ook ut ke'xmayeja li chaab'il b'iin.

Ezequiel 16:31

Naq kakab'la eb' laatijob'aal sa' xxaalatq li b'e ut kayiib'eb' laa'artal sa' chixjunileb' li k'ayiil, ink'a' kapatz' aatojb'al jo' naxb'aanu laj yumb'eet,

Jeremías 17:2

Eb' laawalal aak'ajol najultiko'k reheb' eb' li artal ut li xtooneb' li che' nekek'e cho'q yos, li wankatqeb' sa' xmuheb' li che', sa' xb'eenatq eb' li xninqal b'ool

Jeremías 7:24

Ab'anan ink'a' kine'xpaab' chi moko ke'raj wab'inkil, ke'xjipi chik rib' ut ke'xb'aanu li k'aru ke'raj xb'aanunkil. Ruuchil li chalk wik'in, intz'eqtaanankil chik ke'xb'aanu.

Jeremías 3:8

kixk'e reetal naq kintz'eqtaana laj Israel, laj q'etol aatin, ut kinjach wib' rik'in, xb'aan chixjunil li maa'usilal kixb'aanu. Ab'an laj Judá, laj b'alaq', ink'a' kixutaanak ut ki'ok ajwi' a'an chi xb'aanunkil li maa'usilal.

Isaías 57:7

Toj sa' xb'een li tzuul najt xteram ut kaw xaqink ru xayiib' laana'aj; toj aran ajwi' xattaqe'k chi mayejak.

1 Reyes 14:23

xb'aan naq eb' a'an ajwi' ke'xyiib' eb' li tijob'aal ut eb' li pek che', chi xjolomeb' li tzuul ut rub'elatq xninqal che'.

2 Crónicas 34:1

Waqxaqib' chihab' wank re laj Josías naq ki'ok cho'q awab'ej ut junlaju xka'k'aal chihab' kitaqlank aran Jerusalén.

Jeremías 1:2

Ak oxlaju chihab' rokik laj Josías, ralal laj Amón, chi awab'ejink sa' xb'eeneb' laj Judá naq ki'aatinaak laj Jeremías xb'aan li Qaawa'.

Jeremías 5:11

Laj Israel ut laj Judá relik chi yaal naq xine'xtz'eqtaana”, chan li Qaawa'.

Jeremías 11:10

Xe'ok chi xb'aanunkil li maa'usilal jo' ke'xb'aanu chaq eb' li xna' xyuwa'eb', li ink'a' ke'ab'ink chiwu ut koheb' chirixeb' li jalanil yos re k'anjelak chiruheb'. Eb' li ralal xk'ajoleb' laj Israel ut eb' laj Judá ke'xmux xwankil li Sumwank kink'ojob' rik'ineb' li xxe'toonil yuwa'eb'.

Jeremías 31:22

Jo'q'e taakanab' xb'eeninkil aawib' jo' junaq q'etq'et aj tuq'ixq? Xb'aan naq li Qaawa' xyoob'tesi ak' na'leb' sa' ruuchich'och': a' chik li ixq nasik'ok re li winq”.

Ezequiel 23:4

Li chaq'na'b'ej x'Oholá xk'ab'a', ut li iitz'inb'ej x'Oholibá nayeemank re. Chi xkab'ichaleb' ke'wank cho'q wixaqil, ut ke'wank walal ink'ajol rik'ineb'. Lix Oholá a'an Samaria ut lix Oholibá a'an Jerusalén.

Oseas 4:13

Neke'xik chi mayejak sa' xjolomeb' li tzuul ut sa' xb'eeneb' li b'ool neke'k'atok k'ajpom; jo'kan ajwi' neke'xb'aanu rub'eleb' li xninqal che', xb'aan naq sa neke'hilank rub'el li xmuheb' a'an. Eb' leerab'in neke'yumb'eetak ut eb' leeralib' neke'xmux li xsumlajikeb'.

Oseas 11:7

Lintenamit jwal kaw xch'ooleb' chintz'eqtaanankil; us ta neke'xpatz' xk'ab'a' laj Bahal, ab'an maajun natenq'ank reheb'.

Jueces 2:17

Ab'anan chi moko chiruheb' laj k'amol xb'eheb' ke'ab'ink, koho b'an chik xch'ooleb' chirixeb' li jalanil yos ut ke'xwiq'ib' rib' chiruheb'. Sa' junpaat ke'xkanab' li xb'e li xna' xyuwa'eb' li neke'xk'e xch'ool chi xpaab'ankil li xtaqlahom li Qaawa', ut ink'a' ke'xkanesi reheb' a'an.

Salmos 106:39

ke'xtz'ajni rib' rik'in li xb'aanuhomeb', ke'xmux rib' rik'in li maa'usilal ke'xb'aanu.

Isaías 57:3

Kimqex arin, laa'ex ralal xk'ajol laj tuul, ex riyajil laj yumb'eet ut laj muxul sumlaak.

Ezequiel 16:35

«Jo'kan utan, at aj yumb'eet, ab'i li waatin: