Jeremías 3:25 - Q'eqchi Bible

²⁵ Qakub'siiq b'i' li qawankil xb'aan qaxutaan, ut chookanaaq chi maak'a' chik qaloq'al, xb'aan naq xoomaakob'k chiru li Qaawa' li qaYos, chalen chaq sa' li qasaajilal, laa'o ut eb' li qana' qayuwa'. Ink'a' xoo'ab'ink chiru li Qaawa' li qaYos”.

Li Santil hu

²⁵ Xban kaxuta̱n sachso kachꞌo̱l xocana. Takacubsi kib xban nak xuta̱nal xo-el. La̱o joꞌ eb ajcuiꞌ li kaxeꞌto̱nil yucuaꞌ, xoma̱cob cha̱cuu, at Ka̱cuaꞌ at kaDios. Chalen saꞌ kasa̱jilal toj anakcuan xkatzꞌekta̱na li chakꞌrab li xaqꞌue ke ut incꞌaꞌ xkaba̱nu li cꞌaꞌru caye ke, chanqueb.

Jeremías 3:25 ပူးပေါင်းရင်းမြစ်များ

Jeremías 22:21

Kin'aatinak aawik'in naq toj sa wankat chaq, ab'an laa'at kaye: «Ink'a' nawaj aawab'inkil», chankat. Jo'kan nakab'aanu chalen chaq sa' laasaajilal: maajun sut nakawaj xpaab'ankil li waatin.

Jeremías 2:26

“Jo' naq laj elq' naxutaanak naq natawe'k chi elq'ak, jo'kaneb' ajwi' naq te'xutaanaq eb' laj Israel, eb' li poyanam, eb' li awab'ej, eb' li xjolomileb' li tenamit, eb' laj tij jo'wi' eb' li propeet:

Romanos 6:21

Ab'an k'aru xera chaq rik'in a k'a'aq re ru a'in li nekexxutaanak wi' anaqwan? Xb'aan naq a' li kamk nakoxraqe'q wi'.

Daniel 12:2

«Naab'aleb' li ak kamenaqeb' te'wakliiq chaq wi' chik chi yo'yo: wankeb' re junelik yu'am, wankeb' chik re wank sa' xutaan ut tojb'amaak chi junajwa.

Ezequiel 36:32

Laa'in, li Qaawa', ninyehok re a'in: Ex aj Israel, chenawaq chi us naq moko sa' eek'ab'a' ta naq tinb'aanu a'in. Xutaanaqex ut chekub'si leewankil xb'aan leeyehom ut leeb'aanuhom.

Ezequiel 7:18

Te'xk'e q'es ruhil t'ikr chirixeb' chi k'ajo'aqeb' xxiw; numtajenaqaq xxutaan ut joob'ilaq chik li xjolomeb'.

Lamentaciones 5:16

X'oso'k li qaloq'al; toq'ob' qu li xoomaakob'k!

Lamentaciones 5:7

Eb' li qaxe' qatoon ke'maakob'k, ut maak'a'eb' chik anaqwan; ut sa' qab'een chik laa'o xkanaak li xmaakeb'.

Jeremías 6:26

Ex intenamit, b'atomaq eerib' sa' q'es ruhil t'ikr ut tolk'osiiq eerib' sa' li cha. Japomaq eere chi yaab'ak, tz'uyinqex chi q'axal ra sa' leech'ool, jo' na'uxk tz'uyink chirix li alab'ej junaj chirib'il, xb'aan naq ak chi seeb' chaq li taasachoq qe.

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Jeremías 2:17

Ma ink'a' tab'i' xek'ul chi jo'kan xb'aan naq xetz'eqtaana li Qaawa' leeYos, li xk'amok chaq b'e sa' leeb'eenik?

Jeremías 2:2

“Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Isaías 50:11

Ab'anan laa'ex li nekexlochok xam ut neketz'ab' li ru xam, tex'oso'q chejunilex sa' raq' leexam ut sa' ru xam li xetz'ab'. Laa'in tinb'aanunq re chixjunil a'an: jiljooqex sa' rahilal.

Isaías 48:8

Ink'a' aawab'ihom resil a'an chi moko aanawom, xb'aan naq tz'aptz'o laaxik chi junelik. Ak ninnaw laa'in naq moko tiik ta laach'ool, jo'kan naq: «Aj q'etol aatin» nakak'ab'a'in chalen chaq sa' laasiyajik.

Proverbios 5:13

Ink'a' xwaj xpaab'ankil laj tzolonel we, chi moko xink'ulub'a xna'leb'eb' li xe'q'usuk we.

Salmos 109:29

Eb' li neke'jitok we che'sachq ta xch'ool ut che'kanaaq sa' xutaan chi junajwa.

Salmos 106:7

Eb' li qana' qayuwa' aran Ejiipt ink'a' ke'xtaw ru laaninqal ru eetalil; ink'a' kinaqk sa' xch'ooleb' li xnimal laarahom, ke'xq'etq'eti b'an rib' chiru li Nimajwal Yos chire li Kaqi Palaw.

Jueces 2:2

Ab'anan tento naq laa'ex ink'a' teek'e eerib' sa' aatin rik'ineb' li wankeb' sa' li tenamit a'in, teejuk'i b'an li x'artaleb'», chankin. A'ut laa'ex ink'a' kerab'i xyaab' linkux. K'a'ut naq xeb'aanu a'an?

Salmos 106:6

Xoomaakob'k chawu jo' ke'xb'aanu chaq eb' li qana' qayuwa', xqaq'et laawaatin ut xqab'aanu li maa'usilal.

Jeremías 3:13

Ka'ajwi' nawaj naq taaxooto laamaak, xb'aan naq xaq'etq'eti aawib' chiru li Qaawa' laaYos, junelikat chaq rik'ineb' li jalanil yos rub'elatq li ninqi che', ut ink'a' xawaj xpaab'ankil li waatin», chan li Qaawa'”.

Jeremías 8:14

Ut eb' li tenamit te'xye: “K'a'ut naq xaqxooko xaq arin? Qach'utub'aq qib', okaqo sa' li kawub'resinb'il na'ajej ut kamqo aran. Li Qaawa', li qaYos, xooxkanab' chi kamk, xooxk'e chi uk'ak ha' nakamsink, xb'aan naq xoomaakob'k ut xqaq'etq'eti qib' chiru.

Jeremías 14:7

At Qaawa', us ta li xk'ihal li qamaak nokooxjit chawu, tenq'aho sa' xk'ab'a' xnimal laarahom. Relik chi yaal naq naab'al wa xqaq'etq'eti qib' ut xoomaakob'k chawu.

Jeremías 14:20

At Qaawa', naqaxooto li qamaa'usilal jo'wi' li xmaakeb' li qaxe' qatoon, xb'aan naq xoomaakob'k chawu.

Jeremías 20:18

K'a' tawi' aj e naq kinyo'laak, yal re xaq k'uluk rahilal ut ch'a'ajkilal, ut re kanaak sa' xutaan chi junelik?

Jeremías 31:19

Xatintz'eqtaana, at Qaawa', ab'an xinyot' linch'ool xinjal link'a'uxl; ut naq nink'e reetal linmaak, ninten li re linch'ool, ninxutaanak ut nasachk linna'leb' xb'aaneb' li maak xinb'aanu sa' linsaajilal».

Ezequiel 2:3

naq kixye we: “At kaamel winq, laa'in tatintaqla rik'ineb' li ralal xk'ajol laj Israel, a'aneb' jun tenamit ink'a' neke'ab'ink ut xe'xq'etq'eti rib' chiwu. Eb' a'an ut eb' li xxe'toonil yuwa'eb' xe'jipo'k chiwu chalen toj anaqwan.

Proverbios 13:18

Xutaanal ut neb'a'il tixtaw li ink'a' naraj q'use'k; a'ut li naxk'e sa' xch'ool li tijb'al, taak'ehe'q xloq'al.

Jeremías 7:19

Ma laa'in tab'i' yookeb' chinmajewankil? Ma ink'a' tab'i' a'aneb' ajwi' neke'xmajewa rib' ut chi jo'kan neke'xk'ut xxutaaneb'?

Jeremías 9:18

Xseeb'aaqeb' rib' chi chalk re te'yaab'aq chiqix, re naq tootz'uyinq ajwi' laa'o ut taat'ule'q xya'al li qu chi yaab'ak.

Jeremías 11:13

K'ajo' xyoseb' laj Judá jo' xk'ihaleb' li xtenamit; ut li xk'ihal li x'artaleb' laj Jerusalén re k'atok k'ajpom chiruheb' laj Bahal, kama' li xk'ihaleb' li b'e wank aran.

Jeremías 12:13

Xe'awok triiw, ut k'ix chik xe'xxok; maak'a' rajb'al naq xe'k'anjelak chi kaw. Te'xutaanaq chi xxokb'al li kach'in ajwi' xb'aan naq k'ajo' li xxamlel linjosq'il”.

Ezequiel 44:13

Ink'a' chik te'jiloq chink'atq re k'anjelak chiwu cho'q aj tij, chi moko te'jiloq wan wi' li k'a'aq re ru jwal loq' ut li q'axal sant; te'xkuy b'an li xxutaaneb', xb'aan li maa'usilal xlaje'xb'aanu.

Oseas 9:10

Jo'ka'in xye li Qaawa': “Naq kintaw laj Israel, kisaho'k linch'ool jo' naq natawmank li uub' sa' li chaqich'och'. Kisaho'k linch'ool rik'ineb' leena' leeyuwa' jo' naq natawmank li xb'een ru li ki'il q'een. Ab'an naq ke'wulak aran Bahal-Pehor, ke'xq'axtesi rib' reheb' li yal k'oxlanb'il yos, ut q'axal tz'eqtaananb'ileb' chik ke'kanaak jo'eb' li pek che' raarookeb' xb'aaneb'.

Sofonías 1:17

Jo'ka'in xye li Qaawa': “Tinrahob'tesi xch'ooleb' li poyanam ut te'b'eeq sa' mutz'il, xb'aan naq xe'maakob'k chiwu. Taahoye'q li xkik'eleb' jo' li pojtz', ut li xtib'eleb' kama'aq aj chik li k'ot”.