Jeremías 3:17 - Q'eqchi Bible

¹⁷ Chiruheb' li kutan a'an, Jerusalén tixk'ab'a'in: «Xk'ojarib'aal li Qaawa'», ut chixjunileb' li tenamit te'xch'utub' rib' rik'ineb' laj Jerusalén sa' xk'ab'a' li Qaawa', chi ink'a' chik taaxik xch'ooleb' chirix li maa'usilal xk'uub'ahomeb' xb'aanunkil.

Li Santil hu

¹⁷ Saꞌ eb li cutan aꞌan li tenamit Jerusalén “Xcꞌojariba̱l li Ka̱cuaꞌ” chic tixcꞌabaꞌin. Ut chixjunileb li xni̱nkal ru tenamit teꞌxchꞌutub ribeb aran chixqꞌuebal inlokꞌal la̱in li Ka̱cuaꞌ. Ut incꞌaꞌ chic teꞌxcacuubresi xchꞌo̱leb chixba̱nunquil li ma̱usilal li queꞌxrahi ru xba̱nunquil junxil.

Jeremías 3:17 ပူးပေါင်းရင်းမြစ်များ

Ezequiel 43:7

kixye we: “At kaamel winq, arin wank link'ojarib'aal, b'arwi' tinxaqab' eb' li woq; arin wanqin sa' xyanqeb' laj Israel chi junwaakaj. Eb' a'an ut eb' li x'awab'ej ink'a' chik te'xsach xloq'al linsantil k'ab'a' rik'in li xmaa'usilaleb': ink'a' chik te'xyiib'atq xjalam uheb' li awab'ej li xe'kamk,

Jeremías 17:12

Li tzuul k'ojk'o wi' li rochoch li Qaawa' li qaYos, a'an xk'ojarib'aal li loq'al chalen chaq sa' xtiklajik.

Zacarías 2:11

Sa' li kutan a'an naab'aleb' li tenamit te'chalq wik'in, ut a'anaqeb' ajwi' lintenamit. Ut laa'in tinhilanq sa' eeyanq. Chi jo'kan taanaw naq a' li Nimajwal Yos xtaqlank chaq we aawik'in.

Jeremías 11:8

Ab'anan ink'a' ke'ab'ink chiwu chi moko kine'xpaab', ke'xq'etq'eti b'an chik rib' chiwu ut ke'ok chi xb'aanunkil li naraj li xjip aj ch'ooleb'. Ink'a' ke'xpaab' li k'aru kinchaq'rab'iheb' wi'; jo'kan naq kinrahob'tesiheb' jo' yeeb'il sa' li Sumwank»”.

Isaías 66:20

Ut te'xk'ameb' chaq leeras eeriitz'in li wankatqeb' sa' chixjunil li na'ajej, jo' mayej cho'q re li Qaawa': te'chalje'q chirixeb' kawaay, sa' b'eleb'aal ch'iich', chi paqonb'il, chirixatq muul ut kameey, toj Jerusalén sa' linsantil tzuul -chan li Qaawa'-, jo' neke'xb'aanu eb' li ralal xk'ajol laj Israel naq neke'xk'am chaq li xmayejeb' sa'eb' li sek' saq ru toj sa' li wochoch.

Isaías 56:6

Ut eb' laj ab'l xtenamit li xe'xq'axtesi rib' re li Qaawa' cho'q aj k'anjel chiru re xraab'al li Yos ut k'anjelak chiru, wi te'roxloq'i li sábado ut ink'a' te'xmux ru, wi kawaqeb' xch'ool rik'in linsumwank,

Gálatas 4:26

A'ut li Jerusalén wank taqe'q a'an ach'ab'anb'il ut a'an li qana',

Romanos 1:21

xb'aan naq ke'xnaw ru li Yos, ab'an ink'a' ke'xnima xloq'al jo' tz'aqal Yos chi moko ke'yoxink chiru, po'k chik kixb'aanu li xk'a'uxeb', ut eb' li xjip aj ch'ool kiq'oqyino'k ru.

Jeremías 31:23

Li Nimajwal Yos, li xYos laj Israel, kixye chi jo'ka'in: “Naq tinsutq'isiheb' chaq eb' laj Judá ut te'wanq wi' chik sa' li xch'och'eb' ut xtenamiteb', te'xye wi' chik li aatin a'in: «Li Qaawa' chirosob'tesi taxaq li santil tzuul a'in, xmuheb'aal li tiikilal!».

Jeremías 18:12

A'ut eb' a'an te'xye aawe: «Maab'ay aawib' chi aatinak, xb'aan naq nawulak chiqu xb'aanunkil li naraj li qach'ool ut li junjunq tixb'aanu jo' chanru naraj li xjipil»”.

Jeremías 16:12

Ut laa'ex q'axal yib' wi' chik ru xeb'aanu chiruheb' a'an, xb'aan naq li junjunq eere laa'ex naxb'aanu li maa'usilal li naraj xch'ool xb'aanunkil ut ink'a' ajwi' nikineepaab'.

Jeremías 14:21

Moohaatz'eqtaana sa' xk'ab'a' laarahom, chi moko chatz'eq chirix laach'ool laaloq'laj k'ojarib'aal. Jultikaq aawe laaSumwank qik'in ut maasach xwankil a'an.

Jeremías 9:14

ke'xb'aanu b'an chik li nawulak chiruheb' jo' chanru xkawilal li xjolomeb', ut ke'xloq'oni ru laj Bahal, jo' ke'tzole'k wi' chaq xb'aaneb' li xna' xyuwa'eb'.

Jeremías 7:24

Ab'anan ink'a' kine'xpaab' chi moko ke'raj wab'inkil, ke'xjipi chik rib' ut ke'xb'aanu li k'aru ke'raj xb'aanunkil. Ruuchil li chalk wik'in, intz'eqtaanankil chik ke'xb'aanu.

Isaías 66:1

Jo'ka'in kixye li Qaawa': “Li choxa a'an link'ojarib'aal, ut li ruuchich'och' a'an li xxaqleb'aal li woq. K'aru chi ochochil teeyiib' laa'ex cho'q we, malaj k'a' chi na'ajejil teek'e cho'q inhilob'aal?

Isaías 59:19

Chixjunileb' li poyanam chalen sa' releb'l saq'e toj sa' rokeb'l te'xk'e xloq'al li Qaawa' naq te'ril li xwankil, xb'aan naq taachalq jo' li xkawil oq li nima' naq na'apuuk xb'aan li kawil iq'.

Isaías 26:8

Rik'in xpaab'ankil laachaq'rab', at Qaawa', kaw qach'ool chawoyb'eninkil; li k'aru naxrahi li qaanm a'an laaraab'al ut aajultikankil.

Isaías 6:1

Sa' li chihab' naq kikamk laj Osías, li awab'ej, kiwil li Qaawa' k'ojk'o sa' jun k'ojarib'aal jwal ch'ina'us ut najt xteram. Nujenaq li rochoch li Yos rik'in xb'as li xb'aatal.

Salmos 87:3

Chaab'il aawesil nayeemank yalaq b'ar, at xtenamit li Yos:

Salmos 78:8

Re naq ink'a' te'xb'aanu kama'eb' li xna' xyuwa'eb': eb' a'an tz'aqal aj q'etoleb' aatin chaq ut kaweb' xjolom, a'aneb' jun tenamit li kok'aq xsa' nach'inank xch'ool ut naxq'et li xchaq'rab' li Qaawa'.

Jueces 2:19

Ab'an naq nakamk laj k'amol b'e, eb' laj Israel neke't'ane'k wi' chik sa' li maak, ut q'axal wi' chik yib'ru neke'xb'aanu chiruheb' li xna' xyuwa'eb': neke'xik chirixeb' li jalanil yos, neke'xloq'oni ut neke'xwiq'ib' rib' chiruheb'. Tik ink'a' neke'raj xkanab'ankil li xna'leb'eb' li xna' xyuwa'eb' chi moko li xmaa'usilaleb'.

Deuteronomio 29:29

“Wank li na'leb' li ink'a' k'utb'esinb'il chiqu xb'aan li Qaawa' li qaYos, ut ka'ajwi' A'an nanawok re; ab'an li k'aru k'utb'esinb'il chiqu, a'an qe laa'o ut reheb' li qalal qak'ajol chi junelik, re naq tqak'anjela ru chixjunil li raatinul li Chaq'rab' a'in.

Números 15:39

Te'wanq xmach li raq'eb', re naq jo'q'e te'ril, taanaq sa' xch'ooleb' chixjunil li xchaq'rab' li Qaawa'. Chi jo'kan te'xpaab' ut ink'a' te'xb'aanu li naraj xch'ooleb' chi moko taaxik xch'ooleb' chirix li k'aru neke'ril, a' li tz'aqal neke'xmux wi' rib'eb'.

Génesis 8:21

Naq li Qaawa' kirutz' xsununkil xb'ook li mayej, kixye sa' xch'ool: “Maajun wa chik tintz'eqtaana li ch'och' xmaakeb' li winq: ak reheb' a'an naq aj maakeb' chalen chaq sa' xkach'inal. Ink'a' chik tinrahob'tesiheb' li wankeb' xyu'am jo' xinb'aanu anaqwan.

Romanos 6:14

Li maak maak'a'aq chik xwankil sa' eeb'een, xb'aan naq moko rub'el ta chik xwankil li Chaq'rab' wankex, rub'el b'an xwankil li rusilal li Yos.

Ezequiel 1:26

Sa' xb'een li kupku a'an kiwil naq wank jun k'ojarib'aal yiib'anb'il rik'in li pek safiro xk'ab'a', ut sa' a'an k'ojk'o jun kama' li winq.

Isaías 66:18

“Laa'in tinchalq chi xch'utub'ankil chixjunileb' li tenamit -chan li Qaawa'- jo'wi' eb' li jalan jalanq chi aatinob'aal: junchalikaqeb' naq tole'ril linloq'al.

Jeremías 3:19

“Laa'in kinye sa' inch'ool: «Relik chi yaal naq jo'kaqat li walal ut tink'e chaweechani jun ch'ina'usil na'ajej, a' li tenamit q'axal ch'ina'us sa' xyanqeb' chixjunil li na'ajej sa' ruuchich'och'». Ut kinye ajwi' sa' inch'ool: «At inyuwa', cha'qat we; maajoq'e raj chik tatnajto'q wik'in».

Jeremías 4:2

wi taaye aajurament sa' xk'ab'a' li Qaawa' rik'in li yaal, li tiikilal ut tiikil ch'oolej, sa' xk'ab'a' a'an osob'tesinb'ilaqeb' chixjunil li tenamit ut te'nimaaq xloq'al chi junelik”.

Jeremías 12:15

Ab'anan naq akaq xinsacheb' ru, tinsutq'iiq chaq ut tintoq'ob'a ruheb', ut tink'ameb' chaq wi' chik sa' li xna'ajeb' ut sa' li xtenamiteb'.

Jeremías 12:16

Relik chi yaal naq a'aneb' xe'tzolok re lintenamit chi yehok jurament sa' xk'ab'a' laj Bahal, ab'an anaqwan naru te'wanq sa' xyanqeb' lintenamit wi relik chi yaal naq neke'xtzol li xpaab'aaleb' laj Israel ut neke'yehok jurament sa' ink'ab'a', sa' xk'ab'a' li yo'yookil Yos.

Jeremías 16:19

At Qaawa', laa'at linkawilal ut li xkawub' linch'ool; laa'at nakatkolok we naq wankin sa' rahilal. Toj sa' xkaaxukuutil li ruuchich'och' te'chalq aawik'in chixjunileb' li tenamit ut te'xye aawe: “Relik chi yaal naq junes jalanil yos, maak'a' aj e ut maak'a'eb' xwankil li ke'xloq'oni eb' li qana' qayuwa'.

Jeremías 33:9

Jerusalén a'anaq li xnimal xsahil linch'ool, a'anaq linloq'al ut linwankil sa' xyanqeb' chixjunil li tenamit sa' ruuchich'och'. Naq eb' a'an te'rab'i resil chixjunil li us tink'am chaq sa' xb'eeneb' laj Jerusalén, ut chixjunil li usilal tinb'aanu reheb', te'xsiksiki rib' ut te'sachq xch'ool”.

Ezequiel 48:35

Li roq chixjunil li xsuttz'akil li tenamit a'an kach'in chik maa wiib' leew, ut chalen sa' li kutan a'an li tenamit tixk'ab'a'in: «Li Qaawa' wank arin»”.

Zacarías 8:8

ut tink'ameb' chaq re naq te'hilanq Jerusalén. A'anaqeb' lintenamit ut laa'inaq li xYoseb': Yos re li tiikilal ut tiikil ch'oolej”.

1 Reyes 8:41

“Jo'kan ajwi' laj ab'l tenamit, li maawa' aj Israel ut xchalk chaq sa' najtil tenamit chi tijok sa' li ochoch a'in sa' laak'ab'a' laa'at

Salmos 102:23

naq te'xjunaji rib' chixjunileb' li tenamit ut eb' li awab'ej te'k'anjelaq chiru li Yos.